Η Καινή Διαθήκη ΚΑΤΑ ΛΟΥΚΑΝ 23

Jesus Brought Before Pilate

1 Καὶ ἀναστὰν ἅπαν τὸ πλῆθος αὐτῶν, *ἤγαγον αὐτὸν ἐπὶ τὸν †Πιλάτον. 2 Ἤρξαντο δὲ κατηγορεῖν αὐτοῦ, λέγοντες, Τοῦτον ‡εὕρομεν διαστρέφοντα τὸ §ἔθνος, καὶ κωλύοντα *Καίσαρι φόρους διδόναι, †λέγοντα ‡ἑαυτὸν Χριστὸν βασιλέα εἶναι. 3 Ὁ δὲ §Πιλάτος *ἐπηρώτησεν αὐτόν, λέγων, Σὺ εἶ ὁ βασιλεὺς τῶν Ἰουδαίων; Ὁ δὲ ἀποκριθεὶς αὐτῷ ἔφη, Σὺ λέγεις. 4 Ὁ δὲ †Πιλάτος εἶπε πρὸς τοὺς ἀρχιερεῖς καὶ τοὺς ‡ὄχλους, Οὐδὲν εὑρίσκω αἴτιον ἐν τῷ ἀνθρώπῳ τούτῳ. 5 Οἱ δὲ ἐπίσχυον, λέγοντες ὅτι Ἀνασείει τὸν λαόν, διδάσκων καθ᾽ ὅλης τῆς Ἰουδαίας, §ἀρξάμενος ἀπὸ τῆς Γαλιλαίας ἕως ὧδε.

Jesus Brought Before Herod

6 *Πιλάτος δὲ ἀκούσας †Γαλιλαίαν ἐπηρώτησεν εἰ ὁ ἄνθρωπος Γαλιλαῖός ἐστι. 7 Καὶ ἐπιγνοὺς ὅτι ἐκ τῆς ἐξουσίας Ἡρῴδου ἐστίν, ἀνέπεμψεν αὐτὸν πρὸς ‡Ἡρῴδην, ὄντα καὶ αὐτὸν ἐν Ἱεροσολύμοις ἐν ταύταις ταῖς ἡμέραις. 8 Ὁ δὲ Ἡρῴδης ἰδὼν τὸν Ἰησοῦν ἐχάρη §λίαν· ἦν γὰρ *θέλων ἐξ ἱκανοῦ ἰδεῖν αὐτόν, διὰ τὸ †ἀκούειν ‡πολλὰ περὶ αὐτοῦ· καὶ ἤλπιζέ τι σημεῖον ἰδεῖν ὑπ᾽ αὐτοῦ §γινόμενον. 9 Ἐπηρώτα δὲ αὐτὸν ἐν λόγοις ἱκανοῖς· αὐτὸς δὲ οὐδὲν ἀπεκρίνατο αὐτῷ. 10 *Εἱστήκεισαν δὲ οἱ †ἀρχιερεῖς καὶ οἱ γραμματεῖς, εὐτόνως κατηγοροῦντες αὐτοῦ. 11 Ἐξουθενήσας δὲ αὐτὸν ‡ὁ Ἡρῴδης σὺν τοῖς στρατεύμασιν αὐτοῦ, καὶ ἐμπαίξας, περιβαλὼν §αὐτὸν ἐσθῆτα λαμπράν, ἀνέπεμψεν αὐτὸν τῷ *Πιλάτῳ. 12 Ἐγένοντο δὲ φίλοι ὅ τε †Πιλάτος καὶ ὁ Ἡρῴδης ἐν αὐτῇ τῇ ἡμέρᾳ μετ᾽ ἀλλήλων· προϋπῆρχον γὰρ ἐν ἔχθρᾳ ὄντες πρὸς ‡ἑαυτούς.

The Crowd Calls For Jesus' Crucifixion

13 §Πιλάτος δὲ *συγκαλεσάμενος τοὺς ἀρχιερεῖς καὶ τοὺς ἄρχοντας καὶ τὸν λαόν, 14 εἶπε πρὸς αὐτούς, Προσηνέγκατέ μοι τὸν ἄνθρωπον τοῦτον, ὡς ἀποστρέφοντα τὸν λαόν· καὶ ἰδού, ἐγὼ ἐνώπιον ὑμῶν ἀνακρίνας †οὐδὲν εὗρον ἐν τῷ ἀνθρώπῳ τούτῳ αἴτιον ὧν κατηγορεῖτε κατ᾽ αὐτοῦ· 15 ἀλλ᾽ οὐδὲ Ἡρῴδης· ‡ἀνέπεμψα γὰρ ὑμᾶς πρὸς αὐτόν, καὶ ἰδού, οὐδὲν ἄξιον θανάτου ἐστὶ πεπραγμένον αὐτῷ. 16 Παιδεύσας οὖν αὐτὸν ἀπολύσω.

17 §Ἀνάγκην δὲ εἶχεν ἀπολύειν αὐτοῖς κατὰ ἑορτὴν ἕνα. 18 *Ἀνέκραξαν δὲ †παμπληθεί, λέγοντες, Αἶρε τοῦτον, ἀπόλυσον δὲ ἡμῖν ‡Βαραββᾶν· 19 ὅστις ἦν διὰ στάσιν τινὰ γενομένην ἐν τῇ πόλει καὶ φόνον §βεβλημένος εἰς φυλακήν. 20 Πάλιν *οὖν ὁ †Πιλάτος ‡προσεφώνησε, θέλων ἀπολῦσαι τὸν Ἰησοῦν. 21 Οἱ δὲ ἐπεφώνουν, λέγοντες, §Σταύρωσον, σταύρωσον αὐτόν. 22 Ὁ δὲ τρίτον εἶπε πρὸς αὐτούς, Τί γὰρ κακὸν ἐποίησεν οὗτος; Οὐδὲν *αἴτιον θανάτου εὗρον ἐν αὐτῷ· παιδεύσας οὖν αὐτὸν ἀπολύσω. 23 Οἱ δὲ ἐπέκειντο φωναῖς μεγάλαις, αἰτούμενοι αὐτὸν σταυρωθῆναι· καὶ κατίσχυον αἱ φωναὶ αὐτῶν †καὶ τῶν ἀρχιερέων. 24 ‡Ὁ δὲ §Πιλάτος *ἐπέκρινε γενέσθαι τὸ αἴτημα αὐτῶν. 25 Ἀπέλυσε †δὲ τὸν διὰ στάσιν καὶ φόνον βεβλημένον εἰς ‡τὴν φυλακήν, ὃν ᾐτοῦντο· τὸν δὲ Ἰησοῦν παρέδωκε τῷ θελήματι αὐτῶν.

The Crucifixion

26 Καὶ ὡς ἀπήγαγον αὐτόν, ἐπιλαβόμενοι §Σίμωνός τινος Κυρηναίου ἐρχομένου ἀπ᾽ ἀγροῦ, ἐπέθηκαν αὐτῷ τὸν σταυρόν, φέρειν *ὄπισθεν τοῦ Ἰησοῦ. 27 Ἠκολούθει δὲ αὐτῷ πολὺ πλῆθος τοῦ λαοῦ, καὶ γυναικῶν αἳ †καὶ ἐκόπτοντο καὶ ἐθρήνουν αὐτόν. 28 Στραφεὶς δὲ πρὸς αὐτὰς ‡ὁ Ἰησοῦς εἶπε, Θυγατέρες Ἱερουσαλήμ, μὴ κλαίετε ἐπ᾽ ἐμέ, πλὴν ἐφ᾽ ἑαυτὰς κλαίετε καὶ ἐπὶ τὰ τέκνα ὑμῶν. 29 Ὅτι ἰδού, ἔρχονται ἡμέραι ἐν αἷς ἐροῦσι, Μακάριαι αἱ στεῖραι, καὶ §κοιλίαι αἳ οὐκ ἐγέννησαν, καὶ μαστοὶ οἳ οὐκ *ἐθήλασαν. 30 Τότε ἄρξονται λέγειν τοῖς ὄρεσι, †Πέσετε ἐφ᾽ ἡμᾶς· καὶ τοῖς βουνοῖς, Καλύψατε ἡμᾶς. 31 Ὅτι εἰ ἐν ‡τῷ ὑγρῷ ξύλῳ ταῦτα ποιοῦσιν, ἐν τῷ ξηρῷ τί γένηται;

32 Ἤγοντο δὲ καὶ ἕτεροι §δύο κακοῦργοι σὺν αὐτῷ ἀναιρεθῆναι. 33 Καὶ ὅτε *ἀπῆλθον ἐπὶ τὸν τόπον τὸν καλούμενον Κρανίον, ἐκεῖ ἐσταύρωσαν αὐτόν, καὶ τοὺς κακούργους, ὃν μὲν ἐκ δεξιῶν, ὃν δὲ ἐξ ἀριστερῶν. 34 †Ὁ δὲ Ἰησοῦς ἔλεγε, Πάτερ, ἄφες αὐτοῖς· οὐ γὰρ οἴδασι τί ποιοῦσι. Διαμεριζόμενοι δὲ τὰ ἱμάτια αὐτοῦ, ‡ἔβαλον §κλῆρον. 35 Καὶ *εἱστήκει ὁ λαὸς θεωρῶν. Ἐξεμυκτήριζον δὲ καὶ οἱ ἄρχοντες †σὺν αὐτοῖς, λέγοντες, Ἄλλους ἔσωσε, σωσάτω ἑαυτόν, εἰ οὗτός ἐστιν ὁ Χριστός, ‡ὁ τοῦ Θεοῦ ἐκλεκτός. 36 §Ἐνέπαιζον δὲ αὐτῷ καὶ οἱ στρατιῶται, προσερχόμενοι *καὶ ὄξος προσφέροντες αὐτῷ, 37 καὶ λέγοντες, Εἰ σὺ εἶ ὁ βασιλεὺς τῶν Ἰουδαίων, σῶσον σεαυτόν. 38 Ἦν δὲ καὶ ἐπιγραφὴ †γεγραμμένη ἐπ᾽ αὐτῷ γράμμασιν Ἑλληνικοῖς καὶ Ῥωμαϊκοῖς καὶ Ἑβραϊκοῖς, Οὗτός ἐστιν ὁ βασιλεὺς τῶν ‡Ἰουδαίων.

39 Εἷς δὲ τῶν κρεμασθέντων κακούργων ἐβλασφήμει αὐτόν, §λέγων, *Εἰ σὺ εἶ ὁ Χριστός, σῶσον σεαυτὸν καὶ ἡμᾶς. 40 Ἀποκριθεὶς δὲ ὁ ἕτερος †ἐπετίμα αὐτῷ, λέγων, Οὐδὲ φοβῇ σὺ τὸν Θεόν, ὅτι ἐν τῷ αὐτῷ κρίματι εἶ; 41 Καὶ ἡμεῖς μὲν δικαίως, ἄξια γὰρ ὧν ἐπράξαμεν ἀπολαμβάνομεν· οὗτος δὲ οὐδὲν ἄτοπον ἔπραξε. 42 Καὶ ἔλεγε ‡τῷ Ἰησοῦ, Μνήσθητί μου, Κύριε, ὅταν ἔλθῃς §ἐν τῇ βασιλείᾳ σου. 43 Καὶ εἶπεν αὐτῷ *ὁ Ἰησοῦς, Ἀμὴν †λέγω σοι, σήμερον μετ᾽ ἐμοῦ ἔσῃ ἐν τῷ παραδείσῳ.

The Death of Jesus

44 ‡Ἦν δὲ ὡσεὶ ὥρα ἕκτη, καὶ σκότος ἐγένετο ἐφ᾽ ὅλην τὴν γῆν ἕως ὥρας §ἐνάτης. 45 *Καὶ ἐσκοτίσθη ὁ ἥλιος, †καὶ ἐσχίσθη τὸ καταπέτασμα τοῦ ναοῦ μέσον. 46 Καὶ φωνήσας φωνῇ μεγάλῃ ὁ Ἰησοῦς εἶπε, Πάτερ, εἰς χεῖράς σου ‡παραθήσομαι τὸ πνεῦμά μου· §καὶ ταῦτα εἰπὼν ἐξέπνευσεν. 47 Ἰδὼν δὲ ὁ *ἑκατόνταρχος τὸ γενόμενον, †ἐδόξασε τὸν Θεόν, λέγων, Ὄντως ὁ ἄνθρωπος οὗτος δίκαιος ἦν. 48 Καὶ πάντες οἱ ‡συμπαραγενόμενοι ὄχλοι ἐπὶ τὴν θεωρίαν ταύτην, §θεωροῦντες τὰ γενόμενα, τύπτοντες *ἑαυτῶν τὰ στήθη ὑπέστρεφον. 49 Εἱστήκεισαν δὲ πάντες οἱ γνωστοὶ †αὐτοῦ ‡μακρόθεν, καὶ γυναῖκες αἱ §συνακολουθήσασαι αὐτῷ ἀπὸ τῆς Γαλιλαίας, ὁρῶσαι ταῦτα.

The Burial of Jesus

50 Καὶ ἰδού, ἀνὴρ ὀνόματι Ἰωσήφ, βουλευτὴς ὑπάρχων, *ἀνὴρ ἀγαθὸς καὶ δίκαιος— 51 οὗτος οὐκ ἦν †συγκατατεθειμένος τῇ βουλῇ καὶ τῇ πράξει αὐτῶν—ἀπὸ Ἀριμαθαίας πόλεως τῶν Ἰουδαίων, ὃς ‡καὶ προσεδέχετο καὶ αὐτὸς τὴν βασιλείαν τοῦ Θεοῦ· 52 οὗτος προσελθὼν τῷ §Πιλάτῳ ᾐτήσατο τὸ σῶμα τοῦ Ἰησοῦ. 53 Καὶ καθελὼν *αὐτὸ ἐνετύλιξεν αὐτὸ σινδόνι, καὶ ἔθηκεν †αὐτὸ ἐν μνήματι λαξευτῷ, οὗ οὐκ ἦν ‡οὐδέπω οὐδεὶς κείμενος. 54 Καὶ ἡμέρα ἦν §Παρασκευή, σάββατον ἐπέφωσκε. 55 Κατακολουθήσασαι δὲ *γυναῖκες, αἵτινες ἦσαν συνεληλυθυῖαι †αὐτῷ ἐκ τῆς Γαλιλαίας, ἐθεάσαντο τὸ μνημεῖον, καὶ ὡς ἐτέθη τὸ σῶμα αὐτοῦ. 56 Ὑποστρέψασαι δὲ ἡτοίμασαν ἀρώματα καὶ μύρα. Καὶ τὸ μὲν σάββατον ἡσύχασαν κατὰ τὴν ἐντολήν.

*23:1 ηγαγον ¦ ηγαγεν TR

†23:1 πιλατον ¦ πειλατον TH WH

‡23:2 ευρομεν ¦ ευραμεν CT

§23:2 εθνος ¦ εθνος ημων CT

*23:2 καισαρι φορους ¦ φορους καισαρι CT

†23:2 λεγοντα ¦ και λεγοντα CT

‡23:2 ἑαυτὸν ¦ αὑτὸν SBL WH

§23:3 πιλατος ¦ πειλατος TH WH

*23:3 επηρωτησεν ¦ ηρωτησεν CT

†23:4 πιλατος ¦ πειλατος TH WH

‡23:4 οχλους ¦ οχλους οτι ANT

§23:5 αρξαμενος ¦ και αρξαμενος CT

*23:6 πιλατος ¦ πειλατος TH WH

†23:6 γαλιλαιαν ¦ — CT

‡23:7 ηρωδην ¦ τον ηρωδην TH

§23:8 λιαν ¦ λειαν TH

*23:8 θελων εξ ικανου ¦ εξ ικανου θελων ANT ¦ εξ ικανων χρονων θελων CT

†23:8 ακουειν ¦ ακουειν αυτον ANT

‡23:8 πολλα ¦ — CT

§23:8 γινομενον ¦ γεινομενον TH

*23:10 ειστηκεισαν ¦ ιστηκεισαν TH WH

†23:10 αρχιερεις και οι γραμματεις ¦ γραμματεις και οι αρχιερεις ANT

‡23:11 ο ¦ και ο NA SBL TH

§23:11 αυτον ¦ — CT

*23:11 πιλατω ¦ πειλατω TH WH

†23:12 πιλατος και ο ηρωδης ¦ ηρωδης και ο πιλατος ANT NA SBL ¦ ηρωδης και ο πειλατος TH WH

‡23:12 ἑαυτούς ¦ αὐτούς NA TH ¦ αὑτούς SBL WH

§23:13 πιλατος ¦ πειλατος TH WH

*23:13 συγκαλεσαμενος ¦ συνκαλεσαμενος TH WH

†23:14 ουδεν ¦ ουθεν CT

‡23:15 ανεπεμψα γαρ υμας προς αυτον ¦ ανεπεμψε γαρ αυτον προς ημας CT

§23:17 αναγκην δε ειχεν απολυειν αυτοις κατα εορτην ενα 77.2% ¦ — CT 2%

*23:18 ανεκραξαν ¦ ανεκραγον CT

†23:18 παμπληθει ¦ πανπληθει TH WH

‡23:18 βαραββαν ¦ τον βαραββαν CT TR

§23:19 βεβλημενος εις φυλακην ¦ βεβλημενος εις την φυλακην ANT ¦ βληθεις εν τη φυλακη CT

*23:20 ουν ¦ δε CT

†23:20 πιλατος ¦ πειλατος TH WH

‡23:20 προσεφωνησε ¦ προσεφωνησεν αυτοις NA TH WH

§23:21 σταυρωσον σταυρωσον ¦ σταυρου σταυρου CT

*23:22 αιτιον ¦ αξιον ANT

†23:23 και των αρχιερεων 98.7% ¦ — CT 0.5%

‡23:24 ο δε ¦ και CT

§23:24 πιλατος ¦ πειλατος TH WH

*23:24 επεκρινε ¦ επεκρεινε TH

†23:25 δε ¦ δε αυτοις TR ¦ δε αυτοις τον βαραββαν ANT

‡23:25 την ¦ — CT

§23:26 σιμωνος τινος κυρηναιου ερχομενου ¦ σιμωνος τινος κυρηναιου του ερχομενου TR ¦ σιμωνα τινα κυρηναιον ερχομενον CT

*23:26 οπισθεν ¦ οπισω ANT

†23:27 και ¦ — CT

‡23:28 ο ¦ — TH WH

§23:29 κοιλιαι ¦ αι κοιλιαι CT

*23:29 εθηλασαν ¦ εθρεψαν CT

†23:30 πεσετε ¦ πεσατε WH

‡23:31 τω ¦ — WH

§23:32 δυο κακουργοι ¦ κακουργοι δυο NA SBL WH

*23:33 απηλθον ¦ ηλθον NA SBL TH ¦ ηλθαν WH

†23:34 ο δε ιησους ελεγε πατερ αφες αυτοις ου γαρ οιδασιν τι ποιουσιν 89.3% ¦ ο δε ιησους ειπε πατερ αφες αυτοις ου γαρ οιδασιν τι ποιουσιν MSS 5.5% ¦ — 1% {Note: NA and WH enclose this text with double brackets.}

‡23:34 εβαλον ¦ εβαλλον ANT

§23:34 κληρον ¦ κληρους NA SBL

*23:35 ειστηκει ¦ ιστηκει TH WH

†23:35 συν αυτοις ¦ — CT

‡23:35 ο του θεου ¦ του θεου ο CT

§23:36 ενεπαιζον ¦ ενεπαιξαν CT

*23:36 και ¦ — CT

†23:38 γεγραμμενη επ αυτω γραμμασιν ελληνικοις και ρωμαικοις και εβραικοις ουτος εστιν ¦ επ αυτω CT

‡23:38 ιουδαιων ¦ ιουδαιων ουτος CT

§23:39 λεγων ¦ — WH

*23:39 ει ¦ ουχι CT

†23:40 επετιμα αυτω λεγων ¦ επιτιμων αυτω εφη CT

‡23:42 τω ιησου μνησθητι μου κυριε ¦ ιησου μνησθητι μου CT

§23:42 εν τη βασιλεια ¦ εις την βασιλειαν NA WH

*23:43 ο ιησους ¦ — CT

†23:43 λεγω σοι ¦ σοι λεγω CT

‡23:44 ην δε ¦ και ην ηδη CT

§23:44 ενατης ¦ εννατης TR

*23:45 και εσκοτισθη ο ηλιος 96.4% ¦ του ηλιου εκλειποντος ANT WH 0.4% ¦ του ηλιου εκλιποντος NA SBL TH 0.4%

†23:45 και εσχισθη ¦ εσχισθη δε CT

‡23:46 παραθησομαι ¦ παρατιθεμαι ANT CT

§23:46 και ταυτα ¦ τουτο δε CT

*23:47 εκατονταρχος ¦ εκατονταρχης CT

†23:47 εδοξασε ¦ εδοξαζε CT

‡23:48 συμπαραγενομενοι ¦ συνπαραγενομενοι TH WH

§23:48 θεωρουντες ¦ θεωρησαντες CT

*23:48 εαυτων ¦ — CT

†23:49 αυτου ¦ αυτω CT

‡23:49 μακροθεν ¦ απο μακροθεν ANT NA TH WH

§23:49 συνακολουθησασαι ¦ συνακολουθουσαι CT

*23:50 ανηρ ¦ και ανηρ ANT NA

†23:51 συγκατατεθειμενος ¦ συνκατατεθειμενος TH WH

‡23:51 και προσεδεχετο και αυτος ¦ προσεδεχετο και αυτος ANT PCK ¦ προσεδεχετο CT

§23:52 πιλατω ¦ πειλατω TH WH

*23:53 αυτο ενετυλιξεν αυτο ¦ αυτο ενετυλιξε ANT ¦ ενετυλιξεν αυτο CT

†23:53 αυτο ¦ αυτον CT

‡23:53 ουδεπω ουδεις ¦ ουδεις ουδεπω ANT ¦ ουδεις ουπω CT

§23:54 παρασκευη ¦ παρασκευη και TR ¦ παρασκευης και CT

*23:55 γυναικες ¦ και γυναικες TR ¦ αι γυναικες ANT CT

†23:55 αυτω εκ της γαλιλαιας ¦ εκ της γαλιλαιας αυτω CT

Public Domain