Η Καινή Διαθήκη ΚΑΤΑ ΜΑΡΚΟΝ 2

1 Καὶ *εἰσῆλθε πάλιν εἰς †Καπερναοὺμ δι᾽ ἡμερῶν· ‡καὶ ἠκούσθη ὅτι §εἰς οἶκόν ἐστι. 2 Καὶ *εὐθέως συνήχθησαν πολλοί, ὥστε μηκέτι χωρεῖν μηδὲ τὰ πρὸς τὴν θύραν· καὶ ἐλάλει αὐτοῖς τὸν λόγον. 3 Καὶ ἔρχονται †πρὸς αὐτόν, παραλυτικὸν φέροντες, αἰρόμενον ὑπὸ τεσσάρων. 4 Καὶ μὴ δυνάμενοι ‡προσεγγίσαι αὐτῷ διὰ τὸν ὄχλον, ἀπεστέγασαν τὴν στέγην ὅπου ἦν, καὶ ἐξορύξαντες χαλῶσι τὸν §κράββατον *ἐφ᾽ ᾧ ὁ παραλυτικὸς κατέκειτο. 5 †Ἰδὼν δὲ ὁ Ἰησοῦς τὴν πίστιν αὐτῶν λέγει τῷ παραλυτικῷ, Τέκνον, ‡ἀφέωνταί §σοι αἱ ἁμαρτίαι σου.

6 Ἦσαν δέ τινες τῶν γραμματέων ἐκεῖ καθήμενοι, καὶ διαλογιζόμενοι ἐν ταῖς καρδίαις αὐτῶν, 7 Τί οὗτος οὕτω λαλεῖ *βλασφημίας; Τίς δύναται ἀφιέναι ἁμαρτίας εἰ μὴ εἷς, ὁ Θεός; 8 Καὶ †εὐθέως ἐπιγνοὺς ὁ Ἰησοῦς τῷ πνεύματι αὐτοῦ ὅτι οὕτως ‡αὐτοὶ διαλογίζονται ἐν ἑαυτοῖς, §εἶπεν αὐτοῖς, Τί ταῦτα διαλογίζεσθε ἐν ταῖς καρδίαις ὑμῶν; 9 Τί ἐστιν εὐκοπώτερον, εἰπεῖν τῷ παραλυτικῷ, *Ἀφέωνταί †σου αἱ ἁμαρτίαι, ἢ εἰπεῖν, ‡Ἔγειραι, καὶ ἆρόν §σου τὸν κράββατον, καὶ περιπάτει; 10 Ἵνα δὲ εἰδῆτε ὅτι ἐξουσίαν ἔχει ὁ υἱὸς τοῦ ἀνθρώπου *ἀφιέναι ἐπὶ τῆς γῆς ἁμαρτίας—λέγει τῷ παραλυτικῷ— 11 Σοὶ λέγω, †ἔγειραι ‡καὶ ἆρον τὸν §κράββατόν σου, καὶ ὕπαγε εἰς τὸν οἶκόν σου. 12 Καὶ ἠγέρθη *εὐθέως, καὶ ἄρας τὸν †κράββατον, ἐξῆλθεν ‡ἐναντίον πάντων· ὥστε ἐξίστασθαι πάντας, καὶ δοξάζειν τὸν Θεόν, λέγοντας ὅτι §Οὐδέποτε οὕτως *εἴδομεν.

13 Καὶ ἐξῆλθε πάλιν παρὰ τὴν θάλασσαν· καὶ πᾶς ὁ ὄχλος ἤρχετο πρὸς αὐτόν, καὶ ἐδίδασκεν αὐτούς. 14 Καὶ παράγων εἶδε †Λευῒ τὸν τοῦ Ἀλφαίου καθήμενον ἐπὶ τὸ τελώνιον, καὶ λέγει αὐτῷ, Ἀκολούθει μοι. Καὶ ἀναστὰς ἠκολούθησεν αὐτῷ.

15 Καὶ ‡ἐγένετο ἐν τῷ κατακεῖσθαι αὐτὸν ἐν τῇ οἰκίᾳ αὐτοῦ, καὶ πολλοὶ τελῶναι καὶ ἁμαρτωλοὶ συνανέκειντο τῷ Ἰησοῦ καὶ τοῖς μαθηταῖς αὐτοῦ· ἦσαν γὰρ πολλοί, καὶ §ἠκολούθησαν αὐτῷ. 16 Καὶ οἱ γραμματεῖς *καὶ οἱ Φαρισαῖοι, ἰδόντες †αὐτὸν ἐσθίοντα μετὰ τῶν ‡τελωνῶν καὶ ἁμαρτωλῶν, ἔλεγον τοῖς μαθηταῖς αὐτοῦ, §Τί ὅτι μετὰ τῶν τελωνῶν καὶ ἁμαρτωλῶν ἐσθίει *καὶ πίνει; 17 Καὶ ἀκούσας ὁ Ἰησοῦς λέγει †αὐτοῖς, Οὐ χρείαν ἔχουσιν οἱ ἰσχύοντες ἰατροῦ, ἀλλ᾽ οἱ κακῶς ἔχοντες. Οὐκ ἦλθον καλέσαι δικαίους, ‡ἀλλὰ ἁμαρτωλοὺς §εἰς μετάνοιαν.

18 Καὶ ἦσαν οἱ μαθηταὶ *Ἰωάννου καὶ οἱ †τῶν Φαρισαίων νηστεύοντες· καὶ ἔρχονται καὶ λέγουσιν αὐτῷ, Διὰ τί οἱ μαθηταὶ ‡Ἰωάννου καὶ §οἱ τῶν Φαρισαίων νηστεύουσιν, οἱ δὲ σοὶ μαθηταὶ οὐ νηστεύουσι; 19 Καὶ εἶπεν αὐτοῖς ὁ Ἰησοῦς, Μὴ δύνανται οἱ υἱοὶ τοῦ νυμφῶνος, ἐν ᾧ ὁ νυμφίος μετ᾽ αὐτῶν ἐστι, νηστεύειν; Ὅσον χρόνον *μεθ᾽ ἑαυτῶν ἔχουσι τὸν νυμφίον, οὐ δύνανται νηστεύειν· 20 ἐλεύσονται δὲ ἡμέραι ὅταν ἀπαρθῇ ἀπ᾽ αὐτῶν ὁ νυμφίος, καὶ τότε νηστεύσουσιν ἐν †ἐκείναις ταῖς ἡμέραις.

21 ‡Καὶ οὐδεὶς ἐπίβλημα ῥάκους ἀγνάφου §ἐπιρράπτει ἐπὶ *ἱματίῳ παλαιῷ· εἰ δὲ †μή, αἴρει τὸ πλήρωμα ‡αὐτοῦ τὸ καινὸν τοῦ παλαιοῦ, καὶ χεῖρον σχίσμα §γίνεται. 22 Καὶ οὐδεὶς βάλλει οἶνον νέον εἰς ἀσκοὺς παλαιούς· εἰ δὲ μή, *ῥήσσει ὁ οἶνος †ὁ νέος τοὺς ἀσκούς, καὶ ὁ οἶνος ‡ἐκχεῖται καὶ οἱ ἀσκοὶ ἀπολοῦνται· §ἀλλὰ οἶνον νέον εἰς ἀσκοὺς καινοὺς *βλητέον.

23 Καὶ ἐγένετο †παραπορεύεσθαι αὐτὸν ἐν τοῖς σάββασι διὰ τῶν σπορίμων, καὶ ‡ἤρξαντο οἱ μαθηταὶ αὐτοῦ ὁδὸν ποιεῖν τίλλοντες τοὺς στάχυας. 24 Καὶ οἱ Φαρισαῖοι ἔλεγον αὐτῷ, Ἴδε, τί ποιοῦσιν §ἐν τοῖς σάββασιν ὃ οὐκ ἔξεστι; 25 Καὶ *αὐτὸς ἔλεγεν αὐτοῖς, Οὐδέποτε ἀνέγνωτε τί ἐποίησε †Δαυίδ, ὅτε χρείαν ἔσχε καὶ ἐπείνασεν αὐτὸς καὶ οἱ μετ᾽ αὐτοῦ; 26 Πῶς εἰσῆλθεν εἰς τὸν οἶκον τοῦ Θεοῦ ἐπὶ Ἀβιάθαρ ‡ἀρχιερέως, καὶ τοὺς ἄρτους τῆς προθέσεως ἔφαγεν, οὓς οὐκ ἔξεστι φαγεῖν εἰ μὴ §τοῖς ἱερεῦσι, καὶ ἔδωκε καὶ τοῖς σὺν αὐτῷ οὖσι; 27 Καὶ ἔλεγεν αὐτοῖς, Τὸ σάββατον διὰ τὸν ἄνθρωπον ἐγένετο, *οὐχ ὁ ἄνθρωπος διὰ τὸ σάββατον· 28 ὥστε Κύριός ἐστιν ὁ υἱὸς τοῦ ἀνθρώπου καὶ τοῦ σαββάτου.

*2:1 εισηλθε παλιν ¦ παλιν εισηλθεν TR ¦ εισελθων παλιν CT

†2:1 καπερναουμ ¦ καφαρναουμ CT

‡2:1 και ¦ — CT

§2:1 εις οικον 98.5% ¦ εν οικω CT 1%

*2:2 ευθεως ¦ — CT

†2:3 προς αυτον παραλυτικον φεροντες ¦ φεροντες προς αυτον παραλυτικον ECM* NA SBL WH

‡2:4 προσεγγισαι ¦ προσενεγκαι CT

§2:4 κραββατον ¦ κραβαττον ANT BYZ CT

*2:4 εφ ω ¦ οπου ECM* NA SBL TH WH

†2:5 ιδων δε ¦ και ιδων CT

‡2:5 αφεωνται ¦ αφιενται ECM NA SBL WH

§2:5 σοι αι αμαρτιαι σου ¦ σου αι αμαρτιαι CT

*2:7 βλασφημιας ¦ βλασφημει CT

†2:8 ευθεως ¦ ευθυς CT

‡2:8 αυτοι ¦ — CT TR

§2:8 ειπεν ¦ λεγει CT

*2:9 αφεωνται ¦ αφιενται ECM NA SBL WH

†2:9 σου ¦ σοι TR

‡2:9 εγειραι ¦ εγειρε ANT BYZ ECM NA SBL TH ¦ εγειρου WH

§2:9 σου τον κραββατον ¦ σου τον κραβαττον BYZ ¦ τον κραββατον σου PCK ¦ τον κραβαττον σου ANT CT

*2:10 αφιεναι επι της γης αμαρτιας 46.2% ¦ επι της γης αφιεναι αμαρτιας BYZ ECM* PCK SBL 46.9% ¦ αφιεναι αμαρτιας επι της γης ECM* NA WH 3.2%

†2:11 εγειραι ¦ εγειρε ANT BYZ CT

‡2:11 και ¦ — CT

§2:11 κραββατον ¦ κραβαττον ANT BYZ CT

*2:12 ευθεως και ¦ και ευθυς CT

†2:12 κραββατον ¦ κραβαττον ANT BYZ CT

‡2:12 εναντιον ¦ εμπροσθεν NA SBL TH WH

§2:12 ουδεποτε ουτως ¦ ουτως ουδεποτε CT

*2:12 ειδομεν ¦ ειδαμεν WH

†2:14 λευι ¦ λευιν (λευειν TH WH) ANT BYZ ECM HF NA PCK SBL TR

‡2:15 εγενετο εν τω ¦ γινεται ECM NA SBL WH ¦ γεινεται TH

§2:15 ηκολουθησαν ¦ ηκολουθουν ECM* NA SBL TH WH

*2:16 και οι φαρισαιοι 96.6% ¦ των φαρισαιων CT 0.2%

†2:16 αυτον εσθιοντα 96.2% ¦ οτι ησθιε TH 0.3% ¦ οτι εσθιει ECM NA SBL WH 0.2%

‡2:16 τελωνων και αμαρτωλων 97.7% ¦ αμαρτωλων και τελωνων CT 0.2%

§2:16 τι 95.9% ¦ — ECM* NA SBL TH WH 1.8%

*2:16 και πινει 92.9% ¦ — CT 0.7%

†2:17 αυτοις ¦ αυτοις οτι ECM NA SBL WH

‡2:17 αλλα ¦ αλλ ECM NA28

§2:17 εις μετανοιαν ¦ — CT

*2:18 ιωαννου ¦ ιωανου WH

†2:18 των φαρισαιων 92% ¦ φαρισαιοι CT 6.4%

‡2:18 ιωαννου ¦ ιωανου WH

§2:18 οι ¦ οι μαθηται CT

*2:19 μεθ εαυτων εχουσι τον νυμφιον 89.6% ¦ εχουσι τον νυμφιον μετ αυτων CT 0.6%

†2:20 εκειναις ταις ημεραις ¦ εκεινη τη ημερα CT

‡2:21 και ¦ — ANT CT

§2:21 επιρραπτει ¦ επιραπτει CT

*2:21 ιματιω παλαιω ¦ ιματιον παλαιον CT

†2:21 μη ¦ μηγε ANT

‡2:21 αυτου ¦ απ αυτου CT

§2:21 γινεται ¦ γεινεται TH

*2:22 ρησσει ¦ ρηξει CT

†2:22 ο νεος ¦ — CT

‡2:22 εκχειται και οι ασκοι απολουνται ¦ απολλυται και οι ασκοι ECM NA SBL WH

§2:22 αλλα ¦ αλλ ECM NA28

*2:22 βλητεον 97.5% ¦ — CT 0.3%

†2:23 παραπορευεσθαι αυτον εν τοις σαββασι ¦ αυτον εν τοις σαββασι παραπορευεσθαι ECM NA SBL TH ¦ αυτον εν τοις σαββασι διαπορευεσθαι WH

‡2:23 ηρξαντο οι μαθηται αυτου ¦ οι μαθηται αυτου ηρξαντο CT

§2:24 εν ¦ — CT

*2:25 αυτος ελεγεν ¦ λεγει CT

†2:25 δαυιδ ¦ δαβιδ HF TR ¦ δαυειδ TH WH

‡2:26 αρχιερεως 83% ¦ του αρχιερεως TR 16.2%

§2:26 τοις ιερευσι ¦ τους ιερεις ECM NA SBL WH

*2:27 ουχ 96.6% ¦ και ουχ CT 0.9%

Public Domain