15
Tupàn Hàpuzuhu pupe wiko ma'e
Zegar haw Tawi hemiapo kwer
O Tupàn Tuweharupi Wiko Ma'e. Mo upuner neràpuzuhu pupe weko haw rehe.
Mo upuner ywytyr nerenaw ikatuahy ma'e pe upyta haw rehe.
 
Xo ikatu ma'e romo wiko ma'e zo upuner.
Xo ikatu ma'e iapo har zo upuner.
Xo ze'eg azeharomoete har imume'u har zo upuner. Xo uze'eg mehe hemu'em 'ym ma'e zo upuner.
Nuze'eg zemueteahy kwaw amo wanehe.
Nuzapo kar kwaw ikatu 'ym ma'e umyrypar wanupe.
Numume'u kwaw temu'emaw uzeake wiko ma'e wanehe.
 
Tupàn hemityk kwer na'ikatu kwaw izupe wà.
Wereko katu Tupàn Tuweharupi Wiko Ma'e heruzar har wà.
Uzapo tuwe ma'e wemimume'u kwer rupi katete. Aze hekuzar katu izupe, nezewe rehe we uzapo a'e.
Omono wemetarer amo pe wemetarer imemyr henoz 'ym pà.
Nupyhyk kwaw temetarer teko ikatu ma'e rehe ikatu 'ym ma'e imume'u haw hekuzaromo a'e.
 
Agwer ikatu ma'e iapo har wiko katu putar tuweharupi nehe.