120
Upytywà àwàm henoz taw Tupàn pe
Hezemumikahy mehe aze'eg Tupàn Tuweharupi Wiko Ma'e pe ihe, hepytywà àwàm henoz pà ihe.
Uwazar heze'eg ihewe a'e.
O Tuweharupi Wiko Ma'e, hemunyryk kar pe
Hemu'em ma'e wanuwi nehe, hemu'em tuwe ma'e wanuwi nehe.
 
Pe hemu'em ma'e pe. Ma'e Tupàn uzapo putar peme a'e nehe.
Ma'e uzapo putar penehe uzepyk pà nehe.
Upyro putar u'yw haime ma'e amo zauxiapekwer wi nehe. Pezywà putar ipupe penehe uzepyk pà nehe.
Upyhyk putar tàtàpyzgwer imono pà penehe nehe, penehe uzepyk pà nehe.
 
Peinuromo hereko haw upuraraw kar ma'erahy ihewe
Mezek ywy rehe hereko haw ài,
Kenar ywy rehe hereko haw ài.
Amumaw kwarahy tetea'u amo teko wainuinuromo ihe.
A'e teko na'iakatuwawahy kwaw puruàmàtyry'ym 'ymaw rehe wà.
Zeàmàtyry'ym 'ymaw rehe heze'eg mehe,
— Uruputar zeàmàtyry'ymawhu, i'i a'e teko wà.