1 ઈશ્વર પવિત્ર સભામાં ઊભા રહે છે;

તે દેવો*દૂતો અથવા જે ઈશ્વર પાસે ગયેલા લોકો મધ્યે ન્યાય કરે છે.

2 તમે ક્યાં સુધી ગેરઇનસાફ કરશો?

અને ક્યાં સુધી તમે દુષ્ટો ઉપર વિશેષ કૃપા કરવાનું ચાલુ રાખશો?

3 ગરીબ તથા અનાથનો ન્યાય કરો;

દુ:ખિત અને લાચારને ઇનસાફ આપો.

4 ગરીબ તથા જરૂરિયાતમંદોને છોડાવો;

તેઓને દુષ્ટોની પકડમાંથી મુક્ત કરો.

5 તેઓ જાણતા નથી કે સમજતા નથી;

તેઓ અંધકારમાં ભટકતા ફરે છે;

પૃથ્વીના તમામ પાયા હાલી ઊઠ્યા છે.

6 મેં કહ્યું કે, “તમે દેવો છો

અને તમે સર્વ પરાત્પરના દીકરાઓ છો.

7 તોપણ તમે માણસની જેમ મૃત્યુ પામશો

અને રાજકુમારની જેમ પડશો.”

8 હે ઈશ્વર, ઊઠો, પૃથ્વીનો ન્યાય કરો,

કારણ કે તમે સર્વ વિદેશીઓને વારસા તરીકે પામશો.