23
“Xere Senhor opena” he'ia
Mboraeirã Davi ombopara va'ekue.
1 Senhor ma vexa'i mongarua rami xere opena va'e oiko.*Apy ma vexa'i mongarua re ombojoja, Nhanderuete nhandere openaa re ijayvu vy (Apocalipse 7.15-17).
Ha'e ramo xevy pe ndoatai 'rã mba'eve rei.
2 Xemombytu'u 'rã inony nhuũndy porã py rami.
Xereraa 'rã yy iky'a e'ỹ va'e py.
3 Omombaraete kuerei 'rã xenhe'ẽ.
Tape teko porã rupi 'rã xerereko,
guery omboete ukaa rupi vy.
4 Yvyugua manoa guy pytũ reia rupi aiko teĩ
ndakyjei 'rã mba'eve rei gui,
xereve ndee reiko ramo.
Ndepo pygua ha'e ndepopoka ma xembopy'a guaxu.
5 Rereko katu akaru aguã†Apy ma hoo va'e nhomovaẽ porã va'e re ombojoja. Ha'e va'e jave py hoo va'e ipoua kuery omovaẽ porã vy azeite onhoẽ'i vy oikyty 'rã inhakã re (Lucas 7.46).
xerovaigua kuery oexaa py.
Xeakã re renhoẽ 'rã azeite.
Xekaro remonyẽ 'rã onheẽmba rei peve.
6 Anhetẽ xereve oĩ 'rã ndeporayvua ha'e xemboaxya ára nhavõ, aikovea pukukue re.
Ha'e gui Senhor ro py aiko 'rã raka'e rã peve.