29
Yapu ha'e overa rupi Nhanderuete ayvu onhendua re ijayvua
Mboraeirã Davi ombopara va'ekue.
1 Nhanderuete ra'y kuery pendekuai va'e, pemboete Senhor,*“Nhanderuete ra'y kuery” he'ia ma amongue henda py yva pygua anjo kuery pe ijayvu vy (Salmo 103.20), ha'e rami e'ỹ vy ojerovia va'e kuery pe (Salmo 82.6, 96.7-9).
perovy'a Senhor rexakãa ha'e imbaraetea.
2 Pemboete Senhor hery pemboete aguã ha'evea rami.
Pembojerovia Senhor iky'a e'ỹa rexakãa py.
3 Yy áry rupi onhendu Senhor ijayvua.†Apy ma omombe'u Nhanderuete opo'akaa oexa uka vy oky ryapu ha'e overa yvytu reve ombou. Hyapu pe “Nhanderuete ijayvua” he'i.
Nhanderuete yapu guexakãa gui.
Yy tuvixa va'e áry rupi Senhor oiko.
4 Senhor ayvu ma ipo'akapa va'e.
Senhor ayvu re yvatea anho oĩ.
5 Senhor ayvu omopẽ 'rã yary ikuai va'e.
Tá, Senhor omboa'ypa 'rã yary Líbano py ikuai va'e.
6 Líbano ha'e Siriom yvyty áry ikuai va'e
ojapo 'rã vaka ra'y rami opo-opo aguã rami, vaka ka'aguy regua rami.
7 Senhor ayvu ojapo 'rã tata hendy ovy aguã rami.
8 Senhor ayvu omboryryi 'rã tekoa e'ỹa.
Senhor ojapo 'rã Cades tekoa e'ỹa rupi yvy oryryi aguã rami.
9 Senhor ayvu ma ojapo 'rã guaxu kuery ta'y'i aguã rami,
oitypa 'rã ka'aguy.
Ha'e ramo ixupegua templo py ha'e javi “Iporã ete!” he'i okuapy.
10 Senhor opena raka'e yy ou jave.
Huvixave rami opena 'rã raka'e rã peve.
11 Senhor omombaraete 'rã ojeupegua kuery.
Senhor omoingo porã 'rã ojeupegua kuery.