1 Ngudda nawu Yawey, Yiwohrnan ngadberre! Manbu kunngey ke, wanjh yingeymakkaykenh duninjh kore kubolkbubuyika rowk kondah kurorre! Dja mak kore ngudda yihni kaddum heaven kore ngudda ke kunmakmak duninjh. 2 Ngudda yibenbukkang nawu wurdwurd dja mak birribarrken bu bedda warridj ngundiburluburlume. Wanjh bininj bedda ngurriyidko nawu kabirriyeme rowk, dja yibenngudke nawu yimankek kabirrimarnburren bu ngundinjirrke.Matthew 21:16

3 Bu ngaye ngabolknan kaddum kore heavens manbu yimarnbom kunbidwi ke, dja nganan manbu dird dja mankokkarrng manbu yikurrmeng kumekbe, wanjh ngaye ngadjawarren, 4 Adju! Njalekenh ngudda kanbengkan ngad nawu binihbininj? Kab njalekenh mak kannahnan ngadberre nawu ngad bininj? Job 7:17-18; Psalm 144:3; Hebrews 2:6-9 5 Mak ngudda kankurrmeng ngad bininj darnkih kore ngudda nawu God duninjh ba bu ngad karridjarrkni kore ngudda. Mak ngudda kanmarnbom ba bu ngarringeykukkenmen.

6-8 Ngudda kankurrmeng ba bu ngarriwohrnan kore njalehnjale rowk nawu ngudda yimarnbom kunbid ke. Wanjh ngad kunu ngarriyurrhke kore yehyeng rowk yimarnbom,1 Corinthians 15:27; Ephesians 1:22; Hebrews 2:8 yiman nawu sheep, dja mak bulikki, dja nawu mayh kurralkwaken, mak nawu kungolwaken mayhmayh, dja djenj nawu kurrulawaken, mak njalehnjale nawu kayo kore kurrula kanjdji kukku.

9 Yoh, ngudda nawu Yawey, Yiwohrnan ngadberre! Manbu kunngey ke, wanjh yingeymakkaykenh duninjh kore kubolkbubuyika rowk kondah kurorre!