Ⅲ
Abakungu na abasacha
Ⅰ 3:1: Abaef 5:22; Abakol 3:18Naboigo, inwe abakungu, moigwere abasacha baino, erinde onye abande bare aroro, abategeneti ring’ana, bang’uswe ase orogendo rw’abakungu babo, batatebiri ring’ana, Ⅱ kobakorora orogendo rwaino oruya rore nokoiroka. Ⅲ 3:3: 1 Tim 2:9Ogwechabera kwaino tikoba ogwa isiko ase okomina chitukia, na kobeeka ebigera bie chitaabu, gose chianga chinterere, Ⅳ korende kobe ogw’enkoro y’omonto o ime otari kororekana, ogwechabera okwo gotari gosareka, ase omoika bw’obwororo na obokanyeku. Oko nakwo kore kwe rigori rinene ase obosio bwa Nyasae. Ⅴ Naki oko nakwo kware ogwechabera kw’abakungu abachenu ba kare, abamosemeretie Nyasae, abwo baigwerete abasacha babo, Ⅵ 3:6: Omoch 18:12buna Sara aigwerete Aburaamu, akamoroka omonene. Na inwe bono mwabeire abana baye komorakore amaya, gose timokwoboigwa ase kogoswa konde gwonsi.
Ⅶ 3:7: Abaef 5:25; Abakol 3:19Naboigo nainwe abasacha, momenye nabakungu baino ase chisemi. Moe omokungu ogosika buna oyo otari ne chinguru, ekiagera nigo more abanyamwando amo ase okonyora obuya obokorenta obogima. Erio ogosaba kwaino tigotangwa.
Gochandeka ase ogokora ayare boronge
Ⅷ Ring’ana ri’omoerio neri: Mobe nomoyo oyomo, mobogoreranie, mwanchane buna abamino, mororerane amabeebe, mobe nomoyo bw’obokanyeku. Ⅸ Timoakanana amabe ase amabe, gose okorama ase okorama, korende ribaga ri’ayio mobe abamogosesenania, ekiagera ayio naro mwarangererigwe, ng’a monyore omwando bw’ogosesenigwa. Ⅹ 3:10: Zab 34:12-16Naki nigo eriikire
“Oyorigetie gwancha obogima na korora amatuko amaya,
tiga atange oromeme rwaye tirokwana amabe,
na ebikoba biaye tibikwana obong’ainereria.
Ⅺ Tiga atige amabe, akore amaya,
arigie omorembe na koyotunyana mono.
Ⅻ Naki amaiso Omonene nigo arigereretie abanyene oboronge,
na amato aye nigo akoigwa ogosaba kwabo.
Korende obosio bw’Omonene nigo bore igoro ase abwo bagokora amabe.”
ⅩⅢ Ning’o orabakorere amabe, komorabe nomokia ase ayare amaya? ⅩⅣ 3:14: Mat 5:103:14: Isaya 8:12,13Korende onye mogochandwa ase engencho y’oboronge, more negesio. Timoiroka okoirokia kwabo, gose timoichana. ⅩⅤ Tiga Omonene Kristo acheneke ase chinkoro chiaino ime. Botambe mobe ang’e koiraneria kera omonto oyokobaboria amang’ana ogosemeria okore ime yaino, korende kora ayio ase obwororo na ase okoiroka. ⅩⅥ Na inwe renda chinkoro chiaino tichibagambia, erinde ekero mogokwanwa bobe, abwo bakobarama ase orogendo rwaino oruya ase Kristo, basookigwe. ⅩⅦ Naki mbuya gochandwa ase ogokora amaya kobua gochandwa ase ogokora amabe, onye gokoba ogwancha kwa Nyasae. ⅩⅧ Ekiagera Kristo nere agakwa ara rimo ase engencho y’ebibe. Ere oyorenge omonyene oboronge agachandwa ase engencho y’abatari abaronge, erinde atorente ase Nyasae. Omobere oye ogaitwa, korende omoika oye ogakorwa koba moyo. ⅩⅨ Ase omoika oyo agachiera emeika eria yarenge ase obosibwa, akayeranderia. ⅩⅩ 3:20: Omoch 6:1—7:24Emeika eyio ney’abwo bataigwerete agwo kare, ekero Nyasae aganyete ase oboremereria ase amatuko aria Nuhu are koroisia obwato. Ime ase abwo abanto abake, engencho yaye abanto batano na batato, batooregete goetera ase amache. ⅩⅪ Omogwekano bw’amang’ana aya nebatiso, eyekobatooria inwe bono, tari ase okobeeka aare riko ri’omobere, korende ase okoiraneria Nyasae enkoro etari kobagambia, goetera ase okobokigwa kwa Yeso Kristo, ⅩⅫ oyosoete igoro, na bono nao are ensemo y’okoboko gw’okorio kwa Nyasae. Abamalaika, na okobua, ne chinguru nigo bibekire inse yaye.