Ⅰ Ase amang’ana ebiro ne chingaki, baminto, tari nengencho ase more ng’a mbariikere. Ⅱ 5:2: Mat 24:43; Luk 12:39; 2 Petr 3:10Naki inwe abanyene mwamanyire buya kegima, ng’a rituko ri’Omonene nigo rirache buna omoibi agocha botuko. Ⅲ Ekero abanto bagoteeba, “Ntore nomorembe na obotoereru”, erio nario ogosareka gokobaachera mobosokano buna obororo bw’okobina bokomoochera oyore morito, na tibakonyara gwetooria. Ⅳ Korende baminto, timori ase omosunte, goika rituko riria riche kobanyoora mobosokano buna omoibi, Ⅴ ekiagera inwe mwensi nabana b’oborabu, na abana b’omobaso. Intwe titori abobotuko, gose ab’omosunte. Ⅵ Ase ayio titoraara chitoro buna abande bagokora, korende torende na kweriita. Ⅶ Naki abwo bakorara chitoro nigo bakorara botuko, na abwo bagotinda nigo bagotinda botuko. Ⅷ 5:8: Isaya 59:17; Abaef 6:13-17Korende intwe abatore ab’omobaso, tobe aberiiti, na tweboyie okwegena na obwanchani buna engobo y’ekioma ase ebikuba biaito, na ogosemeria kw’ogotooreka buna ekegogwa giaito gi’ekioma. Ⅸ Ekiagera Nyasae tatoragerete endamwamu, korende agatoragera tonyore ogotooreka goetera ase Omonene oito Yeso Kristo, Ⅹ oyokwete ase engencho yaito, erinde tobe moyo amo nere, kerabe tokorenda, gose tokorara chitoro. Ⅺ Ase ayio, remania inwe ase inwe, na koagachana, kera omonto noyomwabo, buna mogokora.

Ⅻ Korende baminto, twabasoroire inwe, mosike abwo bagokora emeremo emekong’u ase egati yaino, abwo bakobaraa ase Omonene na kobakuurera. ⅩⅢ Mobasike mono ase obwanchani, ase engencho y ’emeremo yabo. Mobe nomorembe inwe ase inwe. ⅩⅣ Twabasoroire, baminto, mokuurere abwo bare aboro, moremie abwo berusirie moyo, mokonye abwo bare abareu, remereria nabaanto bonsi. ⅩⅤ Rigereria ng’a onde taakana oyomwabo obobe ase obobe, korende botambe morigie gokorerana ayare amaya inwe ase inwe, na ase abanto bonsi. ⅩⅥ Goka botambe! ⅩⅦ Saba motari gotiga! ⅩⅧ Iraneria ng’a mbuya mono ase amang’ana onsi! Naki oko nakwo ogwancha kwa Nyasae ase more ase Kristo Yeso. ⅩⅨ Timorimia Omoika! ⅩⅩ Timochaaya obobani, ⅩⅪ korende teema kera egento, bwata ekere ekiya, ⅩⅫ na eatanane korwa ase obobe bwa kera engencho.

ⅩⅩⅢ Nyasae omonyene omorembe abachene kegima, na inwe abanyene morendwe ase emeika, na emioyo, na emebere, na mobe motari na komocha ekero ki’ogocha kw’Omonene oito Yeso Kristo. ⅩⅩⅣ Ere oyobarangeirie nomwegenwa, nakore ayio.

ⅩⅩⅤ Baminto, motosabere!

ⅩⅩⅥ Nkwanerie abaminto bonsi ase okobanyunyunta ase obochenu.

ⅩⅩⅦ Nabatianirie ase Omonene, ng’a riruube eri risomwe ase abaminto bonsi.

ⅩⅩⅧ Obuya bwo Omonene oito Yeso Kristo bobe amo nainwe.