Ⅰ Nagochiikire ase obosio bwa Nyasae, na obwa Kristo Yeso, oyoraache kogaambia abare moyo na abakuure, na ase okooroka kwaye, na oborwoti bwaye. Ⅱ Randia Ring’ana ria Nyasae, kora omokia ase engaki ekogwenerete, na ase eyetakogwenereti, kuurera na togonyera, na gosorora ase oboremereria bwonsi, na ase okworokereria. Ⅲ Na engaki neche, ekero abanto barange okworokereria kw’obogima, na ase okogania kwabo okobe benyorere aborokia abange mono, ekiagera amato abo are nebiagaso. Ⅳ Barabwo mbeatanane korwa ase okoigwa ayare ay’ekeene, na koonchokera emegano ao ao. Ⅴ Korende aye, bweriite ase amang’ana onsi, oremererie emechando, kora emeremo y’oborandia, ikerania ogokora kw’obosomba bwao.

Ⅵ Inaki inche bono naikire koumorwa buna okoruegwa gw’ekenyuugwa na engaki y’ane y’ogokwa yaikire. Ⅶ Narwanire esegi ere engiya, nakoorire orogeendo, narendire okwegena. Ⅷ Magega ase aya nagacheirwe egutwa y’oboronge, eye Omonene, omogambi bw’oboronge, arang’e ase Rituko riria gose tari inche bweka arae, korende nabaanto bonsi abanchete okoorokigwa kwaye.

Ⅸ Teema buna oranyare gocha ase ’nde bwango. Ⅹ 4:10: a Abakol 4:14; Filem 1:24; b 2 Abakr 8:23; Abagl 2:3; Tito 1:4Inaki Dema ontigire, na gwancha ense eye ya bono; ochiire Tesaloniki. Keresike ochiire Galatia na Tito Dalamatia. Ⅺ 4:11: a Abakol 4:14; Filem 1:24; b Ogok 12:12,25; 13:13; 15:37-39; Abakol 4:10; Filem 1:24Luka bweka ore aiga amo nainche. Orentane Mariko, moche komo, ekiagera ere nigo aranyare gonkoonya mono. Ⅻ Namotomire 4:12: Ogok 20:4; Abaef 6:21,22; Abakol 4:7,8Tukiko Efeso. ⅩⅢ 4:13: Ogok 20:6Ekero orache ondentanerie egetambaa gi’okwambara, eke natigerete Karipo aria Teroa. Naboigo kogocha ondentanerie chibuku, na kobua mono chiria chi’amasankwa. ⅩⅣ 4:14: a 1 Tim 1:20; b Zab 62:12; Abar 2:6Alekisanda, omoturi bwe chitaai, agankorera amabe amange. Omonene namoakane koreng’ana nogokora kwaye. ⅩⅤ Aye bwerende korwa ase are, ekiagera nigo aengereretie okworokereria gwaito. ⅩⅥ Ase ogwekengera kw’ane kw’eritang’ani onde tarenge otenenete amo nainche, korende bonsi bagantiga. Nasabire ng’a tibaabarerwa ebibe ase ring’ana erio. ⅩⅦ Korende Omonene agatenena amo nainche, akambeeka chinguru, erinde goetera ase ’nde okoraria kwe ring’ana goikeranigwe goika abanto bonsi b’Ebisaku bakoigwe. Na inche nigo natooretigwe korwa ase omonwa bw’endo. ⅩⅧ Omonene nansibore korwa ase amabe onsi, na antoorie goika nsoe ase oborwoti bwa igoro. Ogotogigwa nokwaye kare na kare. Amina.

ⅩⅨ 4:19: a Ogok 18:2; b 2 Tim 1:16,17Nkw’anerie Priska na Akwila, na abanto b’enyomba y’Onesiforo. ⅩⅩ 4:20: a Ogok 19:22; Abar 16:23; b Ogok 20:4; 21:29Erasto nigo atigarete Korinto, korende Torofimo nkamotiga Mileto orwarete. ⅩⅪ Teema buna oranyaare gocha ritang’ani etoigo etaracha. Eubulu ogokwanirie, naboigo Pudente na Lino, na Klaudia, na abaminto bonsi.

ⅩⅫ Omonene abe amo n’omoyo oo. Obuya bobe amo nainwe mwensi.