OGOKORA KW’ABATOMWA
Ogochaakera
Egetabu eke kia Ogokora Kw’abatomwa nigo kere okogendereria gwe ’nchili ya Luka. Enchiri ya Luka amo n’Ogokora kw’Abatomwa nigo biriikeire omonto oyomo ore korokwa Theofilo. Engencho yokoriika ebitabu ebi bibere, nigo ere akong’u kegima gwatanana Ogokora kw’Abatomwa korwa ase egetabu gi’Enchiri ya Luka (Luka 44: 2-6). Ase igo, abasomi nigo bakobora ng’a ebitabu ebi nigo birikiire n’omonto oyomo, oyio ore Luka, omonto korwa Antiokia. Aya naro agotoka ase ebitabu binde igoro y’omogano bw’Ekanisa. Luka nigo ariigete Ogokora kw’Abatomwa gati-gati y’omwaka 80-85 Bosio bw’okoiborwa kwa Yeso. Abariki bande nigo bagoteeba ng’a Luka nigo arenge omosani o Paulo na nigo are omonto oang’e mono kegima asare. Egetabu eke gia kabere kia Luka nigo keriikeire omonto oyomo orekorokwa Theofilo, igoro y’oboroso n’ogokina kw’Obokristo inse y’oborai bw’moika omochenu, oyio ore koraa koba kirori bw’ekeene igoro y’ayio Yeso akorete na kworokereria (1:1). Enchiri ya Luka enyene nigo ekworekereria ng’a Yeso nere oroisetie kirori aba iga ase arenge gokora emeremo yaye. Ime y’egetabu eke Petero na Paulo nabwo kirori abanene abwo bakworokereria buna naki Ring’ana riachakerete Yelusalemu na koranda goika chinsinyo chionsi chi’ense. Ring’a eri ng’a: “Inwe namobe kirori baane ase Yerusalemu, na ase chinsemo chionsi chia Boyahudi na Samaria, na goika chinsinyo chi’ense” (Ogokora Kw’Abatomwa 1:8). Ring’ana ria Nyasae nigo riare gochakera Yerusalemu goika Samaria (Ogokora kw’Abatomwa 8:1,5) na Judea (8:26) na Kaisaria (8:40) na Galili (9:31), goika Damesiki (9:2), Boenisia, Saiburasi, kuboro, Siria, Antiokia (11:9) amo ne chinsemo chia Rumi. Chinsemo chinde naende ase Ring’ana riarengete: Kilikia na Galatia, Esia na Makedonia, Achaiya, n’omoerio goika Rumi eyio yakageire koba ensinyo y’ense yonsi. Luka nigo akworokereria ebinto bibere bi’engencho mono: (1) Yerusalemu nero ng’ina Ekanisa ase ekerogo ki’Abatomwa baria ikomi na babere kere, Chingencho n’amorokererio igoro y’emeremo y’Ekanisa. (2) Emeremo eyio nigo ekoraagwa n’Omoika bw’ering’ana ria Nyasae, ase okoroisia chiamate chinke-chinke chi’Abakristo ase okorenta abanto amo. Egetabu ekeiga nigo kiarogetwe “Ogokora kw’abatomwa” ekiagera abakori emeremo ase engaki eyio ’Petero na Paulo, abwo barenge abamo ase abatomwa baria ikomi na babere. Luka orikire egetabu eke ase okworokereria ogokiina gw’Ekanisa amo n’echimbwa chiaye.
Okobagwa kw’egetabu eke
Okwearigania ase okoorokia oborori 1:1-26
a. Ogochika kw’omoerio kwa Yeso na eira yaye 1:1-14
b. Oyoirete ribaga ria Yudasi ase oboteneneri 1:15-26
Oborori agwo Yerusalemu 2:1—8:3
Oborori ase Boyahudi na Samaria 8:4—12:25
Emeremo ya Paulo 13:1—28:31
a. Orogendo rwe ritang’ani rw’okoira enchiri 13:1—14:28
b. Omosangererekano obete Yerusalemu 15:1-35
c. Orogendo rwa kabere rw’okoira enchiri 15:36—18:22
d. Orogendo rwa gatato rw’okoira enchiri 18:23—21:16
e. Paulo okoba omosibwa agwo Yerusalemu, na Kaisaria, na Rumi 21:17—28:31
Ⅰ
Ⅰ 1:1: Luk 1:1-4Aye Theofilo, ase egetabu keria kie ritang’ani nariigete igoro y’amang’ana onsi aya Yeso akorete na kworokereria ekero achaagete emeremo yaye, Ⅱ goika rituko riria abogoretigwe gochia igoro. Ritang’ani ri’ayio agachiika goetera ase Omoika Omochenu abatomwa baria achoorete. Ⅲ Magega y’ogochandwa kwaye akeorokia ase bare ase ebiorokererio ebinge ng’a moyo are. Akaba okobaorokera ase engaki y’amatuko emerongo ene, na gokwana nabarabwo igoro y’oborwoti bwa Nyasae. Ⅳ 1:4: Luk 24:49Ekero asangererekanete amo nabarabwo, akabachiika tibabaisa korua Yerusalemu, akabateebia: “Moganye eira ya Tata, eria mwaigwete korwa ase ’nde. Ⅴ 1:5: Mat 3:11; Mar 1:8; Luk 3:16; Yoh 1:33Yohana nigo arenge kobatisa ase amaache, korende inwe inamobatiiswe ase Omoika Omochenu magega y’amatuko amake.”
Okobogorigwa kwa Yeso gochia igoro
(Mar 16:19-20; Luk 24:50-53)
Ⅵ Erio ekero basangererekanete amo, bakamobooria: “Omonene, ekero eke nakio okoiraneria Abaisraeli oborwoti bwabo?”
Ⅶ Akabairaneria: “Tari igoro yaino komanya ebiro gose chingaki. Tata obibeekire ase okobua kwaye omonyene. Ⅷ 1:8: Mat 28:19; Mar 16:15; Luk 24:47,48Korende namonyore chinguru, ekero Omoika Omochenu abacheire, na inwe inamobe kirori baane ase Yerusalemu, na ase chinsemo chionsi chia Boyahudi na Samaria, na goika chinsinyo chi’ense.”
Ⅸ 1:9: Mar 16:19; Luk 24:50,51Ekero akwanete aya, kobarigereretie, akabogorigwa gochia igoro, riire rikamoira korwa ase amaiso abo. Ⅹ Kobarigereretie mono gochia igoro, ekero are kogenda, rora, abasacha babere, babeekeire chianga chindabu, bagatenena ang’e nabarabwo, Ⅺ bakaboora: “Inwe abasacha ba Galili, nase ki moteneine morigereretie gochia igoro? Oyo Yeso, obogorigwe korwa as more kogenda igoro, naboigo naende arairane koreng’ana buna mwamorora akogenda igoro.”
Ogochoorwa kw’omotomwa o ikomi na kabere
Ⅻ Erio aborokigwa bakairana gochia Yerusalemu korwa ase egetunwa ki’Emezeituni, ekio kiarenge ang’e na Yerusalemu, oboare bw’orogendo rw’ekiromita eyemo. ⅩⅢ 1:13: Mat 10:2-4; Mar 3:16-19; Luk 6:14-16Ekero bachia gosoa, bakariina akanyomba ka irongo aase baikaransete: Petero na Yohana, Yakobo na Anderea, Filipo na Thomas, Baritholomayo na Matayo, Yakobo bw’Alufayo na Simioni, oyomo bw’Abazelote, na Yuda o Yakobo. ⅩⅣ Aba iga bonsi nigo bagendererete n’ogosaba ase omoyo oyomo, amo nabakungu bande, na Mariamu ng’ina Yeso, na bamura bamwabo Yeso.
ⅩⅤ Nyuma y’amatuko make gokaba okoumerana kw’abeegeni, abwo barenge ange (omobaro bw’abaanto ang’e rigana erimo na emerongo ebere) akabora, ⅩⅥ Abeegeni baminto, negwenerete ririiko erio riikeranigwe, eri Omoika Omochenu okwanete kare ase omonwa o Daudi igoro ya Yudasi, oyotang’anete abanto abwo babwatete Yeso. ⅩⅦ Naki Yudasi konya obarirwe amo naintwe, akanyora ensemo y’obokoreri amo naitwe. ⅩⅧ 1:18: Mat 27:3-8(Naboigo, goetera ase engeria eria aakanetwe ase egekoro kiaye ki’obobe, ere Yudasi akagora omogondo agwo ase agwete goika agakwa; akoreka, erio amara aye onsi agasoka. ⅩⅨ Ayio akamanyekana n’abanto bonsi abamenyete Yerusalemu, goika omogondo oria okarokwa ase omonwa obo Akeldama, engencho yaye: Omogondo bw’Amanyinga.) ⅩⅩ 1:20: a Zab 69:25; b Zab 109:8Naki nariikire ase egetabu gia Zaburi:
Obomenyo bwaye botigare bosa,
nonya monto onde tabaisa komenyao;
naende nerikiire:
Oboteneneri bwaye omoao aboire.
ⅩⅪ 1:21: a Mat 3:16; Mar 1:9; Luk 3:21; b Mar 16:19; Luk 24:51Naboigo natonyore oyomo okobwatana naitwe koba kirori ase okobokigwa kw’omonene oito Yeso Kristo. Ere goika abe korwa ase egati yabaanto barenge gotaara amo naintwe ase ekero gionsi eki Omonene Yeso arenge gosoa na gosoka ase egati yaito, ⅩⅫ korwa ase okobatisa kwa Yohana goika rituko riria Yeso abogoretigwe korwa ase tore gochia igoro.
ⅩⅩⅢ Bagaatora babere, Yusufu ore korokwa Barsaba, naende erieta rinde Yusto, na Matia. ⅩⅩⅣ Bagasaba, bakaboora: “Aye omonene, oyomanyete chinkoro chi’abaanto bonsi, tworokie ning’o gwachorire ase aba iga babere ⅩⅩⅤ abogorie ensemo y’ogokora oko na obotomwa obo Yudasi atigete, akagenda aase aye.”
ⅩⅩⅥ Bakabarutera obomera, na obomera bokagwera Matia; erio ere agachorwa koba amo nabatomwa ikomi nomo.
Ⅰ:Ⅰ 1:1: Luk 1:1-4
Ⅰ:Ⅳ 1:4: Luk 24:49
Ⅰ:Ⅴ 1:5: Mat 3:11; Mar 1:8; Luk 3:16; Yoh 1:33
Ⅰ:Ⅷ 1:8: Mat 28:19; Mar 16:15; Luk 24:47,48
Ⅰ:Ⅸ 1:9: Mar 16:19; Luk 24:50,51
Ⅰ:ⅩⅢ 1:13: Mat 10:2-4; Mar 3:16-19; Luk 6:14-16
Ⅰ:ⅩⅧ 1:18: Mat 27:3-8
Ⅰ:ⅩⅩ 1:20: a Zab 69:25; b Zab 109:8
Ⅰ:ⅩⅪ 1:21: a Mat 3:16; Mar 1:9; Luk 3:21; b Mar 16:19; Luk 24:51