Ⅰ “Inche Nebukadinesaro nigo namenyete nomogooko ase enyomba y’ane, nkaba ngendererete goseseneka ase enyomba y’ane y’oborwoti. Ⅱ Nkarota okorota kwang’ondogetie; ekero naraire borere bwane, nkarora okorora gokaba kogonchanda ase ebirengererio biane. Ⅲ Ase ayio nkarua ogochika ng’a abanto abang’aini bonsi ba Babiloni barentwe ase obosio bwane, erinde banteebie engencho ye chindoto chiria. Ⅳ Erio abaringoria, na abaragori, na Abakalidayo bamanyete oborogi, na abamanyete igoro ye ching’enang’eni, bagaacha asende. Inche nkabatebia chindoto chiria, korende tibanyarete gontebia engencho yaye. Ⅴ Omoerio oye Danieli agacha ase obosio bwane, (ere oria okorokwa Beli‐Tesasari, erieta ri’enyasae y’ane). Omoika bwe chinyasae chinchenu nigo ore ime yaye. Nkamoorokeria chindoto chiria, nkamoteebia: Ⅵ Aye Beli‐Tesasari, omonene bw’abaringoria, namanyire ng’a omoika bwe chinyasae chinchenu nigo ore ime yao, naende namanyire ng’a obobisi tibori bore obokong’u as’ore. Chindoto narotete nachio echi, na aye ’nteebie engencho yaye.

Ⅶ “Oko nakwo okorora narooche ekero naraire borere bw’ane:

Ⅹ “Ekero naraire borere bw’ane, nkarora ase okorora kwane omorendi omochenu ogoika korwa igoro:

ⅩⅤ “Echio nachio chindoto inche Nebukadinesaro omorwoti narota. Aye Beli‐Tesasari, nteebie engencho yaye, ekiagera abanto abang’aini bonsi bare ase oborwoti bwane basinyirwe gonteebia engencho yaye, korende aye nonyare, ekiagera omoika bwe chinyasae chinchenu nigo ore ime yao.”

ⅩⅥ Erio Danieli, oyo orenge korokwa Beli‐Tesasari, agaichanigwa ase ekero egeke ase engencho y’amang’ana aria, na ebirengererio biaye bikamoichania. Omorwoti akamoteebia, “Beli‐Tesasari, chindoto echi na engencho yaye, tibigoichania.”

Beli‐Tesasari akairaneria, akamoteebia, Omonene one, naki yare koba buya onye chindoto echi nchiaba igoro y’abwo bakogechete, na engencho yaye ebe igoro y’ababisa bao. ⅩⅦ Omote oria kwarooche orenge omonene mono, na omotambe gochia igoro, naende okarorekana ase chinsinyo chionsi chi’ense; ⅩⅧ amato aye arenge amaya, na amatunda aye n’amange, na ase omote oria endagera nao yarenge goisanekia abanto bonsi. Inse yaye ching’iti chi’orosana nao chiare konyora ekiriri chigokenderera, na ase chinsagia chiaye chinyoni chikaba chikomenyao. ⅩⅨ Aye omorwoti, omote oria naye omonyene. Aye gwakinire, kwabeire ne chinguru. Obonene bwao bwakinire, bwaikire igoro, na obogaambi bwao bwaikire ase chinsinyo chionsi chi’ense.

ⅩⅩ Naende aye omorwoti, ekero kwarigereretie, okarora omorendi oria omochenu ogoika korwa igoro ogoteeba: Gecha omote oyo oyosirie, korende otige egesike kiaye kere nemeri yaye ase riroba. Ogetige gesibire nekenyuri gi’ekioma na etai, agwo ase obonyansi oborere bw’orosana, kenyirirerwe ne riime rikorwa igoro; egetari ki’omorwoti oyio kebe amo ne ching’iti chi’orosana ase ebiro bitano na bibere. ⅩⅪ Aye omorwoti, engencho ye chindoto chiria neye: Okonachwa kw’amang’ana aya nigo kwarurwe n’Oyore Igoro Mono gocha as’ore, aye omorwoti, omonene one.

ⅩⅩⅢ Na buna amang’ana achigetwe ng’a egesike ki’omote getigwe amo nemeri, oborwoti bwao nabokoiranere ekero keria oramanye ng’a Oyore Igoro Mono nere okogamba. ⅩⅩⅣ Ase ayio, aye omorwoti, ancha ogosemia oko kwane. Tokora ebibe, na chaka gokora oboronge; tiga obobe bwao, na ororere abagokorerwa bobe amaabera. Ande nabo oranyare komenterwa ogosesenigwa ase amatuko ao.

ⅩⅩⅤ Ayio onsi akamonyora Nebukadinesaro omorwoti. ⅩⅩⅥ Ekero emetienyi ikomi na ebere yachia koera, akariina kerama igoro ki’enyomba y’oborwoti agwo Babiloni, agataara aroro, ⅩⅩⅦ agaaka eriogi, akabora, “Inee! Oyo tari Babiloni omochie omonene, oyo inche naagachire ne chinguru chiane, na okobua kwane, obe obomenyo bw’omorwoti, erinde obe ogotogigwa kw’obonene bw’ane?” ⅩⅩⅧ Ekero agendererete gokwana, eriogi rikarwa igoro, rigoteeba:

ⅩⅩⅩ Ase engaki eyio ring’ana riria rigaikeranigwa igoro ya Nebukadinesaro. Agaserigwa korwa ase Mwanyabaanto, akaba okorisia obonyansi buna chintang’ana chigokora; omobere oye okaba okonyirirerwa ne riime rikorwa igoro; goika etukia yaye egakina ekaba entambe buna amarionya y’ebiongo, ne chinchara chiaye chigakina chikaba buna echie chinyoni.

ⅩⅩⅪ ‘Ekero engaki eyio yaerete, inche, Nebukadinesaro, nkarigereria gochia igoro; na obong’aini bw’ane bokang’iranera. Erio nkamosesenia Oyore Igoro Mono, nkamobaaka na komoimikereria ere oyoreo goika kare na kare. Okogamba kwaye nigo kore ogwa kare na kare, na oborwoti bwaye nigo bogendererete, ekiaare ase ekiaare. ⅩⅩⅫ Abanto bonsi bamenyete ase ense nigo babarire ng’a nigo bare bosa; Ere nigo agokorera emeganda ya igoro buna anchete akorera na Mwanyabaanto bare ase ense boigo. Onde tari oramotange, gose komoboria, “Ngento ki ekio ogokora?”

ⅩⅩⅩⅢ ‘Ase engaki eyio obong’aini bwane bokang’iranera, na obonene bw’oborwoti bwane, na obonene bw’amasikani aane, bikang’iranera boigo. Abaseemia bane, na abanto baane abanene bagaacha kondigia, na inche nkairanerigwa oborwoti bwane, na nkamenterwa okobua okonene goetania. Bono inche Nebukadinesaro, nigo ’nkomotogia Omorwoti ore igoro na komobaka, ekiagera ogokora kwaye gwonsi n’okwa boronge, ne chinchera chiaye boigo, na abwo bare aberori nigo akobakeyia. ⅩⅩⅩⅣ Ase engaki eyio obong’aini bwane bokang’iranera, na obonene bw’oborwoti bwane, na obw’amasikani ane, bikang’iranera boigo. Abasemia bane, na abanto bane abanene bagaacha kondigia, na inche nkairanerigwa oborwoti bwane, na nkamenterwa okobua okonene goetania.