EBIBILIA ENCHENU Esiterig 0

Okoroberia mamincha y’omorwoti

I. AUSERO NA VASTI

Ogochaaya gw’enting’ana Vasti

II: MORDEKAI NA ESITERI

Esiteri okoba enting’ana

Modekai na Hamani

III: ABAYAHUDI BAGOSOA ASE EMECHANDO

Ogochika gokorwegwa ase ogoita na gosiria Abayahudi

Amang’ana y’amaruube ayio achikirwe nigo abegetwe maiso marore buna ekobwatia: Korwa ase omorwoti Ahaswero gochia abagabana be chingongo 127 gochakera India goika Ethiopia, na gochia ase abakonyi babo abarai b’emechie: Ase engencho inde n’okobua gw’okogambera ense yonsi, nanachire buna inche tinkogamba ase chinguru, korende ningambe n’obotoereru na koa abanto bane obosibore na obogima obwororo na korenta omorembe oyio abanto bonsi baganetie. Goetera ase ogosemania amo n’abasemia baito buna toranyare goikerania aya onsi, twamanyigwe n’oyomo ase erieta Hamani oyio ore oyobwamasikani na bweruete gokora emeremo ase omokia na ase obwegenwa, ng’a omoochogano nore bw’abanto ase ense yonsi abwo babwate ebirengererio bitari biya abwo bakoamereria kende gionsi na batari koigwera amachiiko ayio are oo ase engencho yaito ntwensi. Ase engencho abanto aba bare mamincha ya kera egento na nigo babwate emeroberio yabo y’ogoochogania omorembe: Nigo tokogochika ng’a abanto abwo bonsi bakwanirwe ase riruube eri erio riarigetwe na Hamani oyio ochorotwe erio korenda amaganio aito ayio naende ore tata oito okabere baitwe bonsi basirigwe nonya n’abakuungu n’abana baitwe n’omoro bw’ababisa babo batari kororerwa mabera ase rituko ria ikomi na kane ase omotienyi oikomi na kabere Adar ase omwaka oyio, ekero abanto aba bonsi basirigwe erio nario toranyare gotwara omorembe n’oboitongo ase ense yaito.

Modekai okoboria obokonyi korwa ase Esiteri

Ogosaba kwa Modekai

Erio Modekai akagenda na goikerania ogochika gw’Esiteri.

Ase okweinyoria emeremo emenene omomene akorete ere akagenda, agakora onsi buna Esiteri amochiigete.

Omenene, Omonene, Omonguru Omworoti

kera ring’ana nigo rire inse y’okobua kwao,

naende onde taiyo oranyare gotenena ase obosio bwao

ase okwerwa kwao ase ogotooria Israeli.

Naye gwakorire igoro na ense

na ebikone bionsi bire inse y’erioba

naye omonene bw’ense,

na onde tari orakoamererie, aye omonene

nigo omanyete amang’ana onsi

nomanyete, aye omonyene

nonya n’obwerori, ogwesika gose ogwetakooria,

gokambetereria gokora onsi ayio nakorete

nkanga korambereria inse ase ogosasiima

ase obosio bw’omerori Hamani

nabo narenge konyara konyunyunta ebisanyi biamagoro aye n’omogooko

ekero narenge koba nobomaene ase oborendi bw’Abaisraeli.

Korende keria inche nakorire, nagekorire

kobua kobeka obonene bwa mwanyabaanto

bosio bw’obonene bwa Nyasae Omobui;

tingomotung’amera onde bwensi

otatiga asore aye bweka omonene

ase ogokora boigo, tinkonyara gokora obwerori.

Ase igo, aye Nyasae Omonene, Omobui

omorwoti, Omonene o Aburaamu

abera abanto bao!

Ogotagorwa gwaito ’nkoroberiigwa kore,

yabekirwe emeroberio y’ogosaria oboererania bwa amang’ana ao y’echisokoro,

tobaisa koombia omwana oo

oyio gwatooretie korwa Misiri erinde obe oyoo,

igwa okogombereria kwane

bwabere oboererania bwa amang’ana ao

oonchore okweumia gwaito kobe omochengo,

erio tomenye, Nyasae Omobui, toterere erieta riao

tokiria ebikoba biaito,

erio biria bia abakogotogia basire.

Naende Abaisraeli bakarera n’ehinguru chiabo chionsi, ekiagera amakweri abatogoreretie amaiso.

Ogosaba kwa Esiteri

Enting’ana Esiteri naende akebisa ase Omonene korwa ase obwoba bw’ogokwa okobe okwo kwamotang’aneire. Erio enting’ana Esiteri akeaboria emiambaro eria y’ogokumia, na kobeka emiambaro y’amagombo. Riika riokweyaka amanukato agotiokera igoro, agatuba omotwe oye n’eriibu n’esike y’eng’ombe. Akaonchora mobere oye ase ogwesusura, akaonchora ogwesoka kwaye kwa botaambe kw’omogooko n’ekieni bono gokaba n’eubi eyio yamorenterete ogwechanda gwasansorete etukia yaye. Enting’ana ekarera ase Omenene Nyasae bw’Abaisraeli ase amang’ana aya akobwatia:

Aye Nyasae Omonene one, omorwoti oito, aye omomoima

inchwo onkoonye, ekiagera inde inche bweka,

naende inche tindi na mokonyi onde goetania aye,

naende nigo inde ang’e gweita inche omonyene.

Inche nigo norokereretigwe korwa obwana bwane,

ase egekuba kienyomba yaito

eyio aye Nyasae Omobui gwachorete

Israeli korwa ase ebisaku bionsi

naboigo chisokoro chiaito korwa ase egati ya bonsi,

babe omwando oo kare na kare

naende kwabakoreire buna kwabarierete chiira.

Korende intwe twakorire ebibe mamincha yao,

naboigo gwatoereirie gochia ase ababisa baito

erio korwa esiko gochia ase chinyasae chiabo,

Nyasae Omobui, aye n’omoronge ore.

Korende barabwo tibaisanegeti

ase obororo bw’obosomba bwaito;

batianire gochia ase emegwekano yaabo

gosiria ogochika koria ebikoba biao aye omonyene biatorete

batiinyie amorokererio ao

bakirie emenwa ya baria bakogotogia

barimie egesasiimero kiao n’obonene bw’enyomba yao

ase ribaga riaye baigore emenwa y’abanto bense

baterere ogotogigwa ase emegwekano etaisaini gento

naboigo batung’amere omorwoti obwate omobere bwechinyama.

Omonene, tobaisa gotiga enyimbo yao

ase amang’ana ataiyo

Totiga ogosarigwa kobe ogosekerererwa

Onchora emeroberio ebe mamincha ya baria bayeroberetie

na bakore barabwo babe ekemanyererio

ase omonto oria okoroberia amabe igoro yaito

inyora, aye Nyasae Omobui, eorokie

ase engaki y’emechando yaito.

Korende inche, ong’e oboremu

Omorwoti bw’echinyasae na Omonene bw’obobui bwonsi!

Mbekere amang’ana y’okoebereria ime ase ebikoba biane

ekero nkorigererania n’endo;

oonchore ekeririanda kiaye gochia ase omobisa oito

erio aikere ogosirigwa kwaye

naboigo bonsi banga ere!

Korende ase tore intwe, ototoorie n’okoboko kwao

boigo onkoonye, ekiagera inde inche bweka

naende tindi nonde otatiga aye bweka, Nyasae Omobui.

Aye nore nobomanyi ase ebinto bionsi,

boigo nomanyete inche nigo ngechete esiko korwa ase abanto bategeneti Nyasae,

naende nigo ’nchaayete oborere bwa abanto bataarogeti,

bw’omorwa isiko onde bwensi.

Aye nomanyete ng’a nigo nde n’ebitango ebinge,

naende nigo nchaayete ebimanyererio bi’obonene bwane,

na tindi gokieboyia buna ebietubo bi’ebioge biane ekero nkoorokera omosangererekano,

nigo ngechaayete buna richanchabe rigotioka,

naende tindi koyieboyia ase amatuko ane y’ogotimoka.

Omosomba oo tana koragera ase emesa eyemo na Hamani,

gose kogokera emeyega y’abanene

gose konywa chidivai chiogotwera inse.

Gose omosomba oo tana kwegokia

korwa rituko riria aetwe obonene goika rero,

otatiga ase ore, aye Nyasae Omobui, Nyasae o Aburaamu.

Aye Nyasae, oria obwate chinguru chibuete bonsi,

tegerera eriogi ria abatari na nguru,

totoorie korwa ase amaboko y’abakori amabe,

’nsibore korwa ase obwoba bwane!

Esiteri okoarigania omorwoti na Hamani ase omoyega

IV: OMORWOTI OKOA MODEKAI OGOSIKA

Ogotaisaneka kwa Hamani

Hamani ore ase omoyeya o’Esiteri

Ogwancherwa kw’omorwoti gokobairanera Abayahudi

Ogochika gw’okogorora

Abayahudi bagosiria ababisa babo

V. OMOYEGA O PURIMU

Baria babwatekaine ase omoyega o Purimu

Obonene bwa Modekai

Amang’ana gochia ase ogoochora gw’ekeyunani