Ⅰ Korende nigo ngokwana ng’a omonyamwando, ekero are omwana, tari nogwatananeka nomosomba, nonya ore omonyene enibo yonsi. Ⅱ Ere nigo are inse y’abareri na abarendi goika engaki eria yachigetwe na ise eike. Ⅲ Nabo naintwe, ekero twarenge abana, nigo twarenge abasomba inse y’amorokererio aye ritang’ani y’ense. Ⅳ Korende ekero engaki yaigete, Nyasae agatoma Omwana oye; ere akaiborwa nomokuungu, akaiborerwa inse y’amachiiko, Ⅴ 4:5: Abar 8:15-17erinde ababoorie baria barenge inse y’amachiiko, erinde tonyare gokorwa koba abana baye. Ⅵ Ekiagera inwe more abana baye, Nyasae agatoma Omoika bw’Omwana oye ase chinkoro chiaito, okorera, “Abba!” Engencho yaye “Tata!” Ⅶ Ase igo, aye tori omosomba naende, korende Nyasae ogokorire koba omwana oye; na onye kwabeire omwana, naboigo kwabeire omonyamwando.

Ⅷ Agwo ritang’ani, ekero motamomanyete Nyasae, inwe nigo mwarenge abasomba ase chinyasae chitare chinyasae bori. Ⅸ Korende bono, komwaikire komomanya Nyasae, gose kobua, mwamanyekanire na Nyasae, nase ki rende mokoiranera amorokererio aye ritang’ani, ayare amoro na amataka? Nase ki morigetie koyakorera naende? Ⅹ Nigo mokorenda mono amatuko, na emetienyi, na ebiro, na emiaka. Ⅺ Noboire ng’a nigo nerosirie bosa ase engencho yaino.

Ⅻ Abaminto, nabasoroire, mobe buna inche inde, ekiagera inche nigo nabeire buna inwe. Timwankorerete bobe bonde. ⅩⅢ Inwe mwamanyire ng’a inabaranderetie enchiri ritang’ani ase engencho y’oboreu bw’omobere one. ⅩⅣ Nonya oboreu boria bwarenge ogoteemwa ase more timwanchayete gose timwanyangete, korende mokandoisia buna omomalaika o Nyasae ee, buna Kristo Yeso omonyene. ⅩⅤ Ng’ai rende omogooko oino ore? Naki nababereire kirori, ng’a onye yanyarekana, anga mwanduseria amaiso aino mong’e. ⅩⅥ Inee! Nabeire omobisa oino, ekiagera nabateebirie ayare ay’ekeene? ⅩⅦ Baria bande mbare nomokia ase more, korende tari ase enchera ere engiya; mbarigetie kobasiekera isiko, erinde monyare gokora omokia kobakorera. ⅩⅧ Korende mbuya botambe korigia omokia ase ring’ana rire rigiya, na tari ekero inde amo nainwe rioka. ⅩⅨ Abana baane abake, ninde nokoromwa gw’okobina gw’okobaibora naende, goika Kristo arorekane ime yaino. ⅩⅩ Ee, anga nancha koba amo nainwe bono, na koonchora eriogi riane, ekiagera timanyeti inki ngokora ase more.

ⅩⅪ Nteebie, inwe abamorigetie koba inse y’amachiiko, Inee, timori koigwera amachiiko? ⅩⅫ 4:22: a Omoch 16:15; b Omoch 21:2Naki neriikire, ng’a Aburaamu nigo arenge nabana babere abamura, oyomo bw’omokuungu omosomba, na oyomo bw’omokuungu omonyuome, oyotarenge omosomba. ⅩⅩⅢ Korende omwana oria bw’omokuungu omosomba akaiborwa buna monto onde bwensi; na oria bw’omokuungu omonyuome, oyotarenge omosomba, akaiborwa ase eira. ⅩⅩⅣ Amang’ana ayio nigo agokwanwa buna omoreng’anio. Abakungu aba nabwo amabwatano abere. Okomo nigo gokorwa egetunwa Sinai, gokoibora abana ase obosomba; nere Hagari. ⅩⅩⅤ Naki Hagari, engencho yaye egetunwa Sinai ekere Arabia, kegwekanirie na Yerusalemu ya bono, ekiagera nigo are ase obosomba amo nabana baye. ⅩⅩⅥ Korende Yerusalemu ya igoro nomochie omosibore, noro baba oito. ⅩⅩⅦ 4:27: Isaya 54:1Naki neriikire,