Ⅱ
Ⅰ Naboigo igoro na ense bigaikeranigwa. Ⅱ 2:2: Okong’ 20:112:2: Abaibr 4:4,10Ase rituko ria gatano na kabere Nyasae agaikerania emeremo yaye yonsi; erio agatimoka. Ⅲ Nyasae agasesenia rituko ria gatano na kabere, akariatanana, akarikora richenu, ekiagera erio nario rituko atimogete korwa ase emeremo yaye yonsi y’obotongi, eyio konya akorire.
Ⅳ Oyo noro omogano igoro y’ense, na bionsi ebire imeo buna biatongetwe.
Omogondo o Eden
Ⅴ Ase engaki eria’Omonene atongete igoro na ense, kemeri kende tikiarenge komera korwa ase riroba, gose nyeni chinde, ekiagera Omonene Nyasae konya taratoma embura etwe ase ense, nonya ’monto onde tarengeo ore korema riroba. Ⅵ Korende obotooru nigo bware gotiira korwa inse na konyiyia riroba ri’ense yonsi.
Ⅶ 2:7: 1 Abakr 15:45Eri’Omonene Nyasae akaimokia amaroba korwa inse akabomba na koroisia omonto korwa ase orotu rwe riroba, akamoutera omoika bw’obogima ase chimioro chiaye, erio omonto akaba n’obomooyo.
Ⅷ Eri’Omonene Nyasae agasimeka ebimeri ase omogondo aaria Edeni, ensemo ya moocha, erio akabeeka omonto aroro, oria abombete na koroisia. Ⅸ 2:9: Okom 2:7; 22:2,14Akameria emete korwa ase riroba, emete yonsi ekororwa yasanerwa kegima, eyio yarenge endagera engiya. Nyasae akabeeka omote bw’obogima gati‐gati y’omogondo oria, naende omote onde oyo bw’okomanyera amaya na amabe.
Ⅹ Orooche rogatuboka korwa ase omogondo o Edeni na rokayobekera amaache. Korwa agwo rokagabekana, rokaba chindooche inye. Ⅺ Orooche rwe ritang’ani rokarokwa Pisoni, orwo narwo roetanaine ense yonsi ya Havila. Ⅻ Aa noo Etaabu engiya kegima egotoka boigo namagena ande ye rigori rinene. ⅩⅢ Na orooche rwa kabere rokarokwa Gihoni, orwo narwo roetanaine ense yonsi ya Kusi. ⅩⅣ Na orooche rwa gatato rokarokwa Tigirisi, orwo rogoeta moocha y’Asuri. Na orooche rwa kane narororwo rokarokwa Eufarati.
ⅩⅤ Erio Omonene Nyasae akaira omonto oria, akamobeka ase omogondo o Edeni, ayoroiserie na koyorenda. ⅩⅥ Akamoteebia omonto oria, “Amatunda a kera omote ore ase omogondo oyo nonyare koyaria, ⅩⅦ gotatiga amatunda y’omote bw’okomanyera amaya na amabe toyaria, ekiagera rituko riria orayarie goika okwe.”
ⅩⅧ Eri’Omonene Nyasae agateeba: “Tai buya omonto oyo abe bweka, nimokorere omokonyi oramokoonye.” ⅩⅨ Erio akaimokia amaroba korwa inse akaroisia kera eng’iti, ne chinyoni chionsi. Erio agachirenta ase omonto oria, arore buna agochiroka; naboigo kera egetongwa kianyorete erieta riaye. ⅩⅩ Ase igo omonto oyio akaroka chinyoni chionsi n’echingiti chionsi; korende ase ebio bionsi ebiatongetwe, tarorekana mokonyi onde oye. ⅩⅪ Eri’Omonene Nyasae akabeekera omonto oria chitoro chindito mono kegima, ekero araire akamorusia orobaru rwaye oromo, na akairaneria chinyama aase aria. ⅩⅫ Akaroisia omokungu korwa ase orobaru akamoirera omonto oria. ⅩⅩⅢ Erio omonto oria agateeba,
“Omoerio oyombwekaine oyo aa Oyo neriuga korwa ase amauga aane,
ne chinyama korwa ase chinyama chiane.
Oyo nigo ararokwe omokungu,
ekiagera oyo nigo arusigwe ase omosacha.”
ⅩⅩⅣ 2:24: Mat 19:5; Mar 10:7,8; 1 Abakr 6:16; Abaef 5:31Ekio nakio gekogera omonto agotiga ise na ng’ina obwatana na mokaye, na abwo babere baba omobere oyomo.
ⅩⅩⅤ Omosacha na omokungu nigo baarenge getirianda, na tibaare kororerana obosooku.