ⅩⅩⅤ
Ogoteera kw’ogotogia Nyasae
Ⅰ Aye Omonene, naye Nyasae one;
ninkoimokererie igoro, nintogie erieta riao;
aye gwakorire amang’ana ’ogokumia
emeroberio yao korwa kare nigo ere ey’obwegenwa na ekeene.
Ⅱ Aye gwatagoire omochie, kwayokorire obeire etui y’amagena,
omochie oyio konya ogiteire chindwaki obeire ritongo.
Gwasaririe chinyomba chinene chi’omochie bw’abamenyi,
omochie oyio tokoagachwa naende.
Ⅲ Ase ayio, abanto bare ne chinguru mbagotogie,
emechie y’ebisaku ebitindi nekoiroke.
Ⅳ Aye kwabeire egekengero egekong’u ase abataka,
ee, kwabeire egekengero ase abaremeire ekero bare nemechando;
kwabeire obotamero ase engaki y’embura omoubera,
na ekiriri ekero ki’omobaso omoororo.
Okogosa kw’abaanto abatindi nigo konga embura omoubera egotwoma enyasi,
Ⅴ na buna omobaso bw’eguru‐gura.
Aye gwakiririe amariogi ’ababisa;
buna omobaso omoororo ogokendigwa ne riire,
naboigo namatera ’abaanto abwo abatindi arakendigwe.
Omonene okwarigania omoyega
Ⅵ Aiga ase egetunwa eke Omonene bw’Emeganda naroiserie abanto b’ebisaku bionsi omoyega bw’ebinto ebinoru, omoyega bw’edivai engiya mono, ee, oyo bw’ebinto ebinoru biichire emeseto, na edivai engiya ekenonoire. Ⅶ Aiga ase egetunwa eke Omonene nasarie na korusia egietubo getubete abanto bonsi, ee, egietubo ekio keramboire igoro y’ebisaku bionsi. Ⅷ 25:8: a 1 Abakr 15:54; b Okom 7:17; 21:4Omonene nasirie amakweri goika kare na kare, natinyie amariga korwa ase amaiso ’abaanto bonsi, nasirie ogochaywa kw’abaanto baye korwa ase ense yonsi. Nab’Omonene atebiire.
Ⅸ Ase rituko erio mbateebe iga: “Rora, oyo nere Nyasae oito; oyo nere twakaganyire, erinde anyare gototooria. Oyo nere Omonene, twakaganyire; tiga togoke na gochenga, ekiagera otorenteire ogotooreka.”
Omonene nae Abamoabu egesusuro
Ⅹ 25:10: Isaya 15:1—16:14; Yer 48:1-47; Ezek 25:8-11; Amos 2:1-3; Sef 2:8-11Okoboko kw’Omonene nkobeere igoro y’egetunwa eke, korende Abamoabu mbatiringerwe inse aase abo buna obonyansi obwomo bogotiringeranigwa ase engoro y’esike. Ⅺ Barabwo mbarambore amaboko abo buna omonto akorambora amaboko aye ase ogoaka entimbu, korende Omonene nasirie oboenenu bwabo amo nobong’ainereria bw’emeremo y’amaboko abo. Ⅻ Natagore emerobiri emetambe y’ogwekengera ere ase chindwaki chiabo, nayeiyerie inse kegima, ee, negwe inse ase riroba.