Ⅰ Erooro na ense enyomo nchibe nomogooko;

ee, erooro nechenge na gosicha buna ebisicha ebiya.

Ⅱ Nigo erasiche ebisicha ebinge,

erio echenge na goteera nomogooko.

Neegwe obonene buna obw’ebitunwa bia Lebanoni,

na obwari buna obwa Karimeli na Saroni.

Abanto mbarore obonene bw’Omonene,

ee, mbarore obonene bwa Nyasae oito na obonguru bwaye.

Ⅲ 35:3: Abaibr 12:12Amaboko are amoro yabeeke chinguru;

kong’ia amaru arosire.

Ⅳ Teebia abanto abwo babwate chinkoro chinyoba:

“Mobe abaremu, timwoboa!

Naama! Nyasae oino nache korusia egesiomba.

Rora, Nyasae nache kobaruseria egesiomba.

Ere nache kobatooria.”

Ⅴ 35:5: Mat 11:5; Luk 7:22Erio amaiso ’emeuko aramokigwe,

na amato ’emetino atinorwe.

Ⅵ Ebisegora mbichara‐charoke buna chinsune,

ne chimeme chi’amamama nchitere nomogooko.

Chindooche nchisoke ase erooro,

na ebirooche ase ekerubo ekiomo.

Ⅶ Ense y’omokenye ogosamba neebe ritibo ri’amaache,

na ase ense enyomo chinsoko chi’amaache nchitubokeo;

aase chisese chi’orosana chiamenyete,

obonyansi, na ebitonto, na amauncho mbimereo.

Ⅷ Enchera enene eroisirie buya nebeo;

eyio nigo erarokwe “Enchera Enchenu”.

Abanto batachenegeti tibagoetao;

enchera eyio nigo erabe ey’abaanto aba boka.

Abagoeta aroro, nonya bare abariri, tibagosira.

Ⅸ Endo tekobao ase enchera eyio,

gose eng’iti ende y’orosana tegochao,

chirochio tichikonyorekana aroro,

korende abanto baboorigwe nabwo

barataare ase enchera eyio.

Ⅹ Abanto abw’Omonene abooririe mbairane,

baike Sayoni bagotera;

omogooko o kare na kare nobe igoro ase emetwe yabo buna egutwa;

mbabe nomogooko na omochengo,

obororo na omoichano mbiere kegima ase bare.