Ⅰ Ase engaki eria omorwoti o Babiloni Merodaki‐Baladani, mosinto o Baladani, agatoma abanto bakaira riruube na ebiegwa ase Hezekia, ekiagera aigwete ng’a Hezekia nabeete omorwaire, naende ng’a konya ogwenire. Ⅱ Hezekia akabaroisia buya, erio akaborokia chimonga chiaye chionsi, ne chifeta, ne chitaabu, na ebinsari, na amaguta e rigori rinene, na ebirwanero biaye bionsi, na ebinto bionsi biagachire ase chinyomba chiaye. Tatigete gento kende gionsi ase enyomba yaye, gose ase chikungo chi’oborwoti bwaye, ataborogetie. Ⅲ Erio omobani Isaya agacha ase Hezekia, omorwoti akamobooria: “Ngento ki abanto aba bakwana? Ng’ai barwa bagacha asore?”

Hezekia akamoiraneria: “Barabwo nigo barwa Babiloni, ense y’aare, bagacha ase ’nde.”

Ⅳ Isaya akamobooria: “Ngento ki barora ase enyomba yao?”

Hezekia akairaneria: “Nigo barora ebinto bionsi bire ase enyomba yane, tikeri nonya negento ekemo ase amagachero aane ntaborokia.”

Ⅴ Erio Isaya agateebia Hezekia: “Bono igwa ring’ana ri’Omonene bw’Emeganda: Ⅵ Naama! Amatuko ngocha are, ekero ebinto bionsi bire ase enyomba yao, na ebinto bionsi chisokoro chiao chiagachete goika reero iga nabiimokigwe biirwe Babiloni. Nonya negento ekemo tikegotigara. Aya nar’Omonene atebiire. Ⅶ 39:7: Dan 1:1-7; 2 Abar 24:10-16; 2 Amg 36:10Boigo abana bande bao abamura, abwo kwaiboreirwe, inabairwe, bachie koba abakoreri ase enyomba y’omorwoti o Babiloni.”

Ⅷ Erio Hezekia agateebia Isaya: “Ring’ana ri’Omonene aye gwakwanire nerigiya.” Naende akamoteebia: “Omorembe na okorendwa okuya nigo bigochia koba ase obogima bwane.”