Ⅰ 55:1: Okom 21:6; 22:17“Naama! Inwe mwensi abamore nerang’o,

inchwo monywe amaache!

Inwe aba motabwati chitaabu,

inchwo mogore endagera morie!

Inchuo mogore edivai na amabeere

motari goakana chitaabu, gose korua kende.

Ⅱ Nase ki mokorua chitaabu chiaino kogora egento getari endagera?

Nase ki mokwerosia gokora emeremo ase eke getari goisanekia?

Ntegerere moigwe, nainwe morie eyere engiya,

namogokere endagera enoru.

Ⅲ 55:3: Ogok 13:34“Tegerera moigwe, erio moche ase ’nde.

Igwa! Erio nario moranyare koba moyo.

Ninkore nainwe okobwatana kw’ogotianania gwa kare na kare,

naende nimbaorokerie obwanchani bwane bwa botambe obo narierete Daudi eira.

Ⅳ Rora, nigo namobegete abe kirori one ase abanto,

naende abe omoraai na omochiki igoro ase abanto.

Ⅴ Naama! Aye norangerie abanto b’ebisaku otamanyeti,

na abanto b’ebisaku batakomanyeti mbaminyoke gocha asore,

ase engencho y’Omonene, Nyasae oo,

oyore Omochenu bw’Abaisraeli,

ekiagera okoeire obonene.”

Ⅵ Morigie Omonene ekero akonyorekana,

morangerie erinde abakoonye ekero are ang’e!

Ⅶ Tiga omokori amabe atige chinchera chiaye,

na oyo otari omooronge atige ebirengererio biaye.

Omonto oyio tiga airane ase Omonene, nere amororere amaabera,

ee, ase Nyasae oito, ere namwabere kegima.

Ⅷ Omonene nigo agoteeba iga:

“Ebirengererio biane tibiri buna ebiaino,

gose chinchera chiaino tichiri buna echiane.

Ⅸ Buna koreng’ana igoro ere igoro mono korwa ase ense,

naboigo ne chinchera chiane chire igoro mono kobua echiaino,

na ebirengererio biane nabo bire kobua ebiaino.

Ⅹ 55:10: 2 Abakr 9:10“Buna embura na amagena ’embura bigotwa korwa igoro,

na tibikoirana gochia igoro, korende nigo bikonyiyia riroba,

erinde ebimeri biamera na kwama,

erio ense yama chimbusuro chikobusurwa, na endagera ekoriegwa,

Ⅺ naboigo ne ring’ana rikorwa ase omonwa one rirabe.

Tirikong’iranera bosa,

korende ndiikeranie okogania kwane,

naende ndikore aya naritomete rikore.

Ⅻ “Inwe mosoke more nomogooko,

motang’anwe more nomorembe.

Ebitunwa na ebigoro mbitere ase amasio aino,

na emete yonsi y’orosana neake chinkobi.

ⅩⅢ Aase amagwa are, emetarakwa nemereo,

na aase amageri are emeadasi nemereo.

Eyio nebe ekoraria obonene bw’Omonene

na ekemanyererio gia kare na kare getasarigwe nonya ng’ake.”