Ⅰ Yeso agachia korora emeganda eria y’abanto, agatiira gochia egetunwa igoro; na ekero aikaransire, aborokigwa baye bakamochiera. Ⅱ Agachaaka koborokereria, ogoteeba.

Ⅲ Mbasesenirie abare abataka ase omoika, ekiagera oborwoti bwa igoro nobwabo.

Ⅳ 5:4: Isaya 61:2Mbasesenirie abaichanete, ekiagera inabaache koremigwa.

Ⅴ 5:5: Zab 37:11Mbasesenirie abare noboitongo, ekiagera barabwo ’nabaire omwando bw’ense.

Ⅵ 5:6: Isaya 55:1,2Mbasesenirie abare nenchara na erang’o y’okonyora okogania kwa Nyasae, ekiagera barabwo ’nabaigotigwe.

Ⅶ Mbasesenirie abakororera abande amaabera, ekiagera barabwo ’nabarorerwe amaabera.

Ⅷ 5:8: Zab 24:3,4Mbasesenirie abare abachenu ase chinkoro, ekiagera barabwo ’nabarore Nyasae.

Ⅸ Mbasesenirie abagokora omorembe, ekiagera barabwo ’nabarokwe abana ba Nyasae.

Ⅹ 5:10: 1 Petr 3:14Mbasesenirie abagochandwa ase engencho y’oboronge, ekiagera oborwoti bwa igoro nobwabo.

Ⅺ 5:11: 1 Petr 4:14Imosesenirie inwe, ekero abanto bakobarama na kobachaanda, na kobateebera kera ring’ana riibe ase oborimo, ase engencho y’ane. Ⅻ 5:12: 2 Amg 36:16; Ogok 7:52Goka na gochenga, ekiagera eng’eria yaino n’enene igoro. Inaki naboigo bachaandete ababani abarengeo ritang’ani konya motarabao.

ⅩⅢ 5:13: Mar 9:50; Luk 14:34,35Inwe nomonyoo bw’ense; korende omoonyo korasirie obwansu bwaye, ninki orabekwe bwanse? Togwenereti gento kende otatiga ogotugutwa isiko, otirindachwe n’abanto.

ⅩⅣ 5:14: Yoh 8:12; 9:5Inwe noborabu bw’ense. Omochie tokobiseka koagachire ase egetunwa igoro. ⅩⅤ 5:15: Mar 4:21; Luk 8:16; 11:33Nonya n’abanto tibagotongia etaya na koyemumeka negetonga, korende nigo bakoyebeeka igoro ase egetangora, ebae oborabu bonsi abare nyomba ime. ⅩⅥ 5:16: 1 Petr 2:12Ase enchera eyio eyio, tiga omobaso oino obare boigo ase abanto, erio barore emeremo yaino emiya, batogie Iso oino ore igoro.

ⅩⅦ Timokaga ng’a nigo nachire gosaria amachiiko, gose amang’ana y’ababani; tincheti kobisaria, korende ase okobiikerania. ⅩⅧ 5:18: Luk 16:17Ekeene nabateebirie ng’a, goika igoro na ense biete, korende tegoeta enuguta eyemo gose agatone akamo ase amachiiko, goika bionsi biikerane. ⅩⅨ Ase igo monto onde bwensi orasarie richiiko erimo erire rike ase amachiiko aya, na kworokereria abanto kogosaria okwo, oyio narokwe omoke mono ase oborwoti bwa igoro, korende oyorayakore na koyorokereria, oyio nere orarokwe omonene ase oborwoti bwa igoro. ⅩⅩ Inaki nabateebirie inwe, onye oboronge bwaino tibokobua obw’aborokia b’amariiko na Abafarisai, timogosoa nonya ng’ake ase oborwoti bwa igoro.

ⅩⅪ 5:21: Okong’ 20:13; Okoir 5:17Mwaigwete ng’a abanto ba kare ’mbateebetigwe: Toita; na oyoraite nabe omonto okonacherwa ekiina. ⅩⅫ Korende inche nabateebirie ng’a onde bwensi orageeche oyomwabo, nabe omonto okonacherwa ekiina, na oyoramogorere oyomwabo nabe omonto okoirwa ase ekegaambero, na oyoramoroke oyonde Omoriri! Nagwenere omorero o kare na kare. ⅩⅩⅢ Nabo gokorenta okorua kwao ase egesasiimero, korainyore ng’a oyomino nare ne ring’ana ase ore, ⅩⅩⅣ otige okorwa kwao agwo ase egesasiimero, ogende ritang’ani mwanchane noyomino, erio oirane ase okorua kwao. ⅩⅩⅤ Bwatana nomosoeri oo bwango, ekero more nere inchera gochia ase ekegaambero, erinde omosoeri oo tabaisa gokobeeka ase okoboko kw’omogaambi, na omogambi akobeke ase omorendi bw’echela, naye norutwe ime yechela. ⅩⅩⅥ Nekeene nagoteebirie: Tokorwa aroro nonya ng’ake goika oakane ebesa y’omoerio.

ⅩⅩⅦ 5:27: Okong’ 20:14; Okoir 5:18Mwaigwete ng’a ndiateebetwe: Totomana. ⅩⅩⅧ Korende inche nabateebirie, ng’a onde bwensi orarigererie omokungu na korengereria gotomana nere otomanire nere ime ase enkoro yaye. ⅩⅩⅨ 5:29: Mat 18:9; Mar 9:47Onye eriiso riao ria borio rikogera okore ebibe, rirusie, oritugute are, ekiagera mbuya ase ore ekiimo kiao ekemo gesire, kobua omobere oo omogima gotugutwa ase omorero o kare na kare. ⅩⅩⅩ 5:30: Mat 18:8; Mar 9:43Onye nokoboko kwao gw’okorio gokogera okore ebibe, konache, ogotugute are, ekiagera mbuya ase ore ekiimo kiao ekemo gesire, kobua omobere oo omogima gotugutwa ase omorero o kare na kare.

ⅩⅩⅪ 5:31: Okoir 24:1-4; Mat 19:7; Mar 10:4Naende ndiateebetwe; Oyoratige mok’aye, tiga amoe riruube ri’ogotigana. ⅩⅩⅫ 5:32: Mat 19:9; Mar 10:11,12; Luk 16:18; 1 Abakr 7:10,11Korende inche nabateebirie, ng’a onde bwensi oratige mok’aye, otatiga ase engencho y’obotomani, ogerire abe omotomani; na oyoramonyuome oyotigirwe, oyio otomanire.

ⅩⅩⅩⅢ 5:33: a Abal 19:12; b Omob 30:2; Okoir 23:21Naende mwaigwete ng’a abanto ba kare mbateebetigwe: Totiana bosa, korende oikeranerie ase Omonene chiira chiao. ⅩⅩⅩⅣ 5:34: a Yakb 5:12; b Isaya 66:1; Mat 23:22Korende inche nabateebirie: Totiana ase egento kende gionsi; nonya nase igoro, ekiagera nao ekerogo ki’obonene kia Nyasae; ⅩⅩⅩⅤ 5:35: a Isaya 66:1; b Zab 48:2gose ase ense, ekiagera nao ekerogo*5:35 Ekerogo: ase eririeta rinde “egeteeni” kiaye gi’okobekerera amagoro; gose ase Yerusalemu, ekiagera n’oro omochie bw’Omorwoti omonene. ⅩⅩⅩⅥ Na totiana ase omotwe oo, ekiagera tokonyara gokora agatukia akamo kabe akarabu gose akamwamu. ⅩⅩⅩⅦ Amang’ana aino abe: Ee, gose: Yaaya; naki ayakomenteka ase aya, nigo akorwa ase oria omobe.

ⅩⅩⅩⅧ 5:38: Okong’ 21:24; Abal 24:20; Okoir 19:21Mwaigwete ng’a ndiateebetwe: “Eriso ase eriiso, na erino ase erino.” ⅩⅩⅩⅨ Korende inche nabateebirie: Timobaisa koamererania noyore omobe. Korende omonto karagoake orosea rwa borio, omoonchorere norw’okobee. ⅩⅬ Na omonto karigetie gokoira ase ekegambero kogosoera na koira eyanga yao ya ime, omotigere neya isiko boigo. ⅩⅬⅠ Na onye omonto ogokobetereria kogenda nere emaeli eyemo, genda nere goika chimaeli ibere. ⅩⅬⅡ Oyokogosaba, moe; na oyorigetie singo, tomorina.

ⅩⅬⅢ Mwaigwete ng’a ndiateebetwe: “Ancha omogisangio oo, na ogeche omobisa oo.” ⅩⅬⅣ Korende inche nabateebirie: Ancha ababisa baino, mobasabere abakobachanda, ⅩⅬⅤ nario moranyare koba abana ba Iso oino ore igoro, ekiagera ere nigo akobabareria omobaso oye ababe na abaya, obatweria embura abakori oboronge, na abatari gokora oboronge. ⅩⅬⅥ Inaki komoranche abaabanchete inwe, ing’eria ki more nero? Inee! Nonya mbaria bakorusia ebango tibari gokora bo? ⅩⅬⅦ Na inwe komorakwanie abamino boka, mbuya ki mwakora kobua abande? Nonya n’abanto b’Ebisaku tibari gokora boigo? ⅩⅬⅧ 5:48: Abal 19:2; Okoir 18:13Gaki inwe mobe abaikeranu buna Iso oino ore igoro are omoikeranu.