Ⅰ 25:1: Luk 12:35Ase chingaki echio, oborwoti bwa igoro nigo boragwekanigwe n’abaiseke ikomi ababogoretie chitaaya chiabo, bagasoka gochia korotota omonywomi. Ⅱ Batano ase barabwo nigo barenge abariri, na batano abang’aini. Ⅲ Na ekero baria abariri baimogetie chitaaya chiabo, korende tibaimokia y’ogochi komenta; Ⅳ korende baria abang’aini bakaimokia amaguta ase ebinto biabo amo ne chitaaya chiabo. Ⅴ Ekero omonywomi atebana gocha, bagasundoka bonsi, bakarara. Ⅵ Korende botuko gati gekaba egeturi: Rigereria, omonywomi oyo! Soka momorotote! Ⅶ Erio abaiseke baria bonsi bakaimoka koroisia chitaaya chiabo. Ⅷ Baria abariri bagateebia baria abang’aini: Twatanere amaguta aino, ekiagera chitaaya chiaito chiarimire. Ⅸ Korende baria abang’aini bakabairaneria: Taibo. Takonyara gotoisana intwe amo nainwe, mbuya mogende mwegorere ase abaonia. Ⅹ Na ekero bachia kogenda kogora, omonywomi agacha, na baria bebegete ang’e bagasoa amo nere ase omoyega bw’enyangi; na egesieri kegasiekwa. Ⅺ 25:11: Luk 13:25Naende magega yaye abaiseke baria bande bagaacha, bakaboora: Omonene, toigorere! Ⅻ Korende akabairaneria: Nekeene nabateebirie: Timbamanyeti inwe. ⅩⅢ Yeso agakoora ogoteeba “Ase igo renda, ekiagera timomanyeti rituko, nonya nensa.

ⅩⅣ 25:14: Luk 19:11-27“Ase chingaki echio nigo erache koba buna omonto ore kogenda orogendo, akarangeria abasomba baye, akabeeka enibo yaye ase bare. ⅩⅤ Akaa oyomo chitalanta isano, na oyonde ibere, na oyonde eyemo, kera omonto koreng’ana nokonyara kwaye. Erio akagenda. ⅩⅥ Oria oetwe chitalanta isano akagenda erio kegima, agachionchoreria, akanyora ebitoki, chitalanta chinde isano. ⅩⅦ Naboigo noria oetwe chitalanta ibere akanyora ebitoki, chitalanta chinde ibere. ⅩⅧ Korende oria oetwe etalanta eyeemo akagenda, agakuunya inse, akabisa ebesa y’omonene oye. ⅩⅨ Magega y’amatuko amange omonene bw’abasomba baria agacha, akarigia gokora omobaro nabarabwo. ⅩⅩ Oria oetwe chitalanta isano agacha ne chitalanta chinde isano, akabora: Omonene, nkwang’ete chitalanta isano, rora nanyorire ebitoki, chitalanta chinde isano. ⅩⅪ Omonene oye akamoteebia: Gwakorire buya aye, omosomba omuya naende omwegenwa; kwabeire omwegenwa ase ebire ebike, ninkobeke igoro ase ebire ebinge. Soa ase omogooko bw’omonene oo. ⅩⅫ Naende oria oetwe chitalanta ibere agacha, akabora: Omonene, nkwang’ete chitalanta ibere, rora, nanyorire ebitoki, chitalanta chinde ibere. ⅩⅩⅢ Omonene akamoteebia: Gwakorire buya aye, omosomba omuya naende omwegenwa; kwabeire omwegenwa ase ebire ebike, ninkobeke igoro ase ebire ebinge. Soa ase omogooko bw’omonene oo. ⅩⅩⅣ Na oria oetwe etalanta eyemo agacha, akabora: Omonene, nakomanyete ng’a nigo ore omonto omokong’u, okogesa aase otasimegete, na gosangereria aase otabusurete; ⅩⅩⅤ erio nkoboa, nkagenda nkabisa etalanta yao inse. Nero eye. ⅩⅩⅥ Korende omonene oye akamoiraneria: Aye omosomba omobe naende omworo! Nkwamanyete ng’a nigo nkogesa aase ntasimegete, naende nigo ngosangereria aase ntabusureti? ⅩⅩⅦ Gaki nkwagwenerete kobeeka chitaabu chiane ase abakorua efaida, na inche ngocha, anga nanyora echiane amo nefaida y’ane. ⅩⅩⅧ Bono moure etalanta yaye, moe oria obwate chitalanta ikomi. ⅩⅩⅨ 25:29: Mat 13:12; Mar 4:25; Luk 8:18Inaki kera oyore negento naegwe, naende amenteranigwe; korende ere oyotari negento, nonya nkeria abwate naurwe. ⅩⅩⅩ 25:30: Mat 8:12; 22:13; Luk 13:28Na omosomba oria otagwenereti, motugute isiko ase omosunte, aroro narere na koriania amaino.

ⅩⅩⅪ 25:31: a Mat 16:27; b Mat 19:28“Ekero Omwana-o-Mwanyabaanto agochi‐goocha ase obonene bwaye, na abamalaika bonsi amo nere, erio naikaranse ase ekerogo kiaye ki’obonene. ⅩⅩⅫ Ebisaku bionsi nabisangererie ase obosio bwaye; ere naatanane abanto buna omorisia agwatanana ching’ondi ne chimbori. ⅩⅩⅩⅢ Ching’ondi nachibeeke ensemo y’okoboko kwaye gw’okorio, korende chimbori ensemo y’okoboko kwaye gw’okobee. ⅩⅩⅩⅣ Erio Omorwoti nateebie abare ensemo y’okoboko kwaye gw’okorio: Inchuo inwe abamwasesenetigwe na Tata one, soa ase omwando bw’oborwoti mwaroiseretigwe korwa ogotongwa gw’ense, ⅩⅩⅩⅤ ekiagera inarenge nenchara, mokang’a endagera; inarenge nerang’o, mokang’a nkanywa; inarenge omogeni, mokandoisia; ⅩⅩⅩⅥ inarenge getirianda, mokamboyia; inarwarete, mogaacha kondora; inasibetwe echela, moganchichera. ⅩⅩⅩⅦ Erio abanyene oboronge nabamoiranerie: A! Omonene, indi twakorooche kore nenchara, togakorageria? Gose indi twakorooche kore nerang’o, togakoa okanywa? ⅩⅩⅩⅧ Indi twakorooche kore omogeni, togakoroisia, gose getirianda, togakoboyia? ⅩⅩⅩⅨ Naende indi twakorooche kore omorwaire, gose gosibire echela, togaacha gokorora? ⅩⅬ Na Omorwoti nabairanerie: Nekeene nabateebirie: Koreng’ana buna mware gokorera oyomo bw’aba abaminto abare abake, ninche mwakorerete. ⅩⅬⅠ Erio nateebie abare ensemo y’okoboko kwaye gw’okobee: Karue ase ’nde inwe abamwaragereretigwe, mogende ase omorero o kare na kare, oyoroiseretigwe Saitani na abamalaika baye, ⅩⅬⅡ ekiagera inarenge nenchara, timwang’a endagera; inarenge nerang’o, timwang’a inywe. ⅩⅬⅢ Inarenge omogeni, timwandoisia; inarenge getirianda, timwamboyia; inarwarete, naende inarenge echela ime, timwacha kondora. ⅩⅬⅣ Erio barabwo nabamoiranerie: Omonene, indi twakorooche aye kore nenchara, gose kore nerang’o, gose kore omogeni, gose kore getirianda, gose kore omorwaire, gose kore echela ime, na titwagokorera? ⅩⅬⅤ Erio omorwoti nabairanerie: Nekeene nabateebirie: Koreng’ana buna motare gokorera oyomo bw’aba abare abake, timwankorerete inche. ⅩⅬⅥ 25:46: Dan 12:2Na abanto aba nabagende ase egesusuro gia kare na kare, korende abanyene oboronge inabagende ase obogima bwa kare na kare.”