EGETABU KIA
MIKA
Ogochaakera
Mika nigo arandetie chingaki chiria Omobani Isaya are korandia ange emiaka 750-700 nyuma Yeso ataraiborwa, na amarandio aye nigo arenge ase abanto ba Irianyi (Yuda). Kero kendo nigo arenge omworokigwa o Isaya. Nigo amenyete Moreshethi, omochie orenge ensemo ya Irianyi y’omochie o Yerusalemu. Engencho omobani oyo amenyete nigo akoorokigwa ase ebisieri ebitang’ani bitano bi’egetabu eke. Nigo arandetie ng’a Samaria oyio orenge omochie omonene bw’obogambi bwa Sugusu (Israeli), ngoncha koboerwa ore na koirwa. Boigo nigo egenete ng’a oborwoti bwa Yuda naborobwo mbonyorwe n’emechando eyio eyio. Boigo akararia igoro y’ogosarigwa gw’Hekalu, ring’ana erio ase chingaki echio riarorekanete ng’a tirikonyarekana. Ase oborandia bwaye, Mika nigo atogonyerete abateneneri b’abaanto: abanda, abare n’okobua, abagaambi, abakuani, boigo n’ababani abwo bamocherete abanto.
Okobagwa kw’egetabu eke
Abaisraeli na Abayuda bakonacherwa ekiina 1:1—3:12
Okoiranerigwa kw’amaya na omorembe 4:1—5:15
Amang’ana ’ogokuurerwa na ay’ogosemeria 6:1—7:20
Ⅰ
Ⅰ 1:1: a 2 Abar 15:32-38; 2 Amg 27:1-7; b 2 Abar 16:1-20; 2 Amg 28:1-27; c 2 Abar 18:1—20:21; 2 Amg 29:1—32:33Eri nario ring’ana ri’Omonene riachete ase Mika, oyo omenyete agwo Moreseti, ekero Yotamu, na Ahasi, na Hezekia, barenge abarwoti b’Abayuda. Omonene akamomaanorera Mika ayare gochia koba igoro ya Samaria na Yerusalemu.
Okweumia igoro ya Samaria na Yerusalemu
Ⅱ Igwa amang’ana aya! Inwe abanto b’ebisaku bionsi, tegerera moigwe
Inwe mwensi abwo momenyete ase ense, Omonene nabe kirori mamincha yaino. Tegerera moigwe amang’ana aya!
Nigo agokwana korwa ase Hekalu yaye ya igoro.
Ⅲ Rora, Omonene ngosoka are korwa aase aye achenu;
ere ngoika are gocha aa, atare ebitunwa bi’ense.
Ⅳ Ebitunwa ebio mbinyititoke inse yaye,
binyititoke buna obochoe bokonyititoka ase omorero,
na bibe buna amaache akoba ekero aumoirwe ase egetirimboko.
Ⅴ Ayio nigo arabe ase engencho abanto ba Israeli bakorete ebibe bakaba mamincha ya Nyasae. Inee! Niing’o orabogorie ogosaria okwo kore ase abanto ba Israeli? ’Samaria omochie omonene omonyene! Na ase ogosaria okwo kw’ogosasiima emegwekano ase Abayuda? ’Yerusalemu enyene! Ⅵ Ase ayio Omonene otebire “nintagore Samaria obe obonge bw’amagena, obe omogondo ase emesabibu erasimekwe. Ninturunkanie amagena ’omochie oyio gochia ase rigoko, nintubore amaroso aye atigwe maiso marore. Ⅶ Emegwekano yaye yonsi yerigori rinene egosasimwa nesamunyoranwe ebe ebisamunye, kera egento keria gekoegwa abatayayi be Hekalu ng’esarigwen’omorero, na emegwekano yaye yonsi nebe amatombe atigire. Samaria nigo yanyorete ebinto ebio bionsi ase emeyega y’okomenta oroiboro, bono ababisa baye mbababogorie korwa aroro gochia ase abatayayi b’echikalu b’echinsemo chinde.”
Ⅷ Erio Mika agateeba, “ase engencho y’amang’ana aya nigo ndarere na kweumia. Ase o koorokia amagombo ane nigo ndatare ’ntabegeti bikoroto naende ’inde getirianda. Nigo ndaorie buna ekebwe naende ’mbuge buna esagero. Ⅸ Amaote a Samaria takonyara kobwenigwa nabo igo Yuda yabereiri ange gochandeka enchera eyio eyio; ogotagorwa gwaikire ase ebiita bia Yerusalemu enyene agwo ase abanto bane bamenyete.”
Ababisa bagocha Yerusalemu
Ⅹ Tiga goteebia ababisa baito ime ya Gati igoro y’okobugwa gwaito; timobaisa gotiga barore mokorera. Abanto ba Beti‐Le‐Afura orokia okorusia moyo kwaiko ase okwegaragaria igoro ase ebuse! Ⅺ Inwe abanto ba Safiri genda ase obooswa, getirianda more n’obosoku. Baria momenyete Saanani timweba mosoke korwa ase omochie obo omonene. Ekero moraigwe abanto ba Beti‐Hasaeli bakorera, agwo momanye ng’a botamero tibori aroro agwo. Ⅻ Abanto ba Maroti ganyerera obokonyi n’obwoba ase engencho Omonene oretire amaakwa ange na Yerusalemu. ⅩⅢ Inwe baria momenyete ime ya Lakisi agia chibarasi chiaino chi’esegi ebisibero. Inwe nigo mweegetie ebibe bi’Abaisraeli mokagera Yerusalemu egakora ebibe. ⅩⅣ Na bono, abanto ba Yuda batebie batigare buya omochie o Mosereti‐Gati. Abarwoti b’Abaisraeli tibakonyora gokonywa konde korwa ase omochie o Akisibuse.
ⅩⅤ Abanto ba Maresa Omonene nabaererie omobisa, oyio orachie koira omochie oino. Abarai b’Abaisraeli mbagende bebise ime ase rikuruma rire Adulamu. ⅩⅥ Abanto ba Yuda kigita chitukia chiaino moreree abana baria mwanchete. Kora emetwe yaino erabe se buna ey’echinsoti ekiagera abana baino mbairwe obooswa are korwa ase more.
Ⅰ:Ⅰ 1:1: a 2 Abar 15:32-38; 2 Amg 27:1-7; b 2 Abar 16:1-20; 2 Amg 28:1-27; c 2 Abar 18:1—20:21; 2 Amg 29:1—32:33