Ⅰ Ekero Yeso are gosoka korwa Hekalu, oyomo bw’aborokigwa baye akamoteebia, “Omworokia, rora buna amagena na amaagacho aya are amaya!” Ⅱ Yeso akamoteebia, “Norooche amaagacho aya amanene? Aiga tirigotigara rigena erimo igoro ase erinde, eritanyaare gotaagorwa.”

Ⅲ Ekero Yeso aikaransire ase egetunwa ki’Emezeituni korigereria Hekalu, Petero, na Yakobo, na Yohana, na Anderea, bakamobooria bobisi, Ⅳ “Toteebie, aya indiriri arabe? Ninki ekemanyererio kiaye ekero aya onsi arabe ang’e goikerana?” Ⅴ Yeso agachaaka kobateebia, “Mwerende, monto onde tabang’aina, Ⅵ ekiagera abange inabache ase erieta riane, babore: Inche ninche ere; inabasirie abange. Ⅶ Naende komoraigwe esegi, na ebirage bi’esegi, timoichanigwa, ekiagera bori, aya onsi nabe, ko moerio toracha. Ⅷ Inaki egesaku nkeimoke korwana negesaku kende, na oborwoti mborwane noborwoti bonde. Emetengecho y’ense n’ebe chinsemo ne chinsemo, na enchara. Amang’ana ayio nigo arabe buna obororo bw’eritang’ani bw’okoibora.

Ⅸ 13:9: Mat 10:17-20; Luk 12:11,12“Mwerende inwe abanyene, ekiagera nababaire ase ebigambero, na ase chisinagogi, moakwe. Naende inamoirwe gotenena ase amasio y’abagabana na ase abarwoti ase engencho y’ane, koba kirori ase bare. Ⅹ Naende negwenerete enchiri erandigwe ritang’ani ase ebisaku bionsi. Ⅺ Ekero bakobaira ase ekiina, na kobabeeka ase amaboko y’ abanto, timochaaka gwechanda korengereria ayamorigetie gokwana; korende rinde rionsi moraegwe ase ensa eria, morikwane, ekiagera tari inwe morakwane, korende n’Omoika Omochenu. Ⅻ Na momura omwabo omonto narue oyomwabo, erinde aitwe, na ise narue omwana oye; na abana nabaimokere abaibori babo kobaita. ⅩⅢ 13:13: Mat 10:22Nainwe namogechwe n’abanto bonsi ase engencho y’erieta riane, korende oyoraremererie goika omoerio, oyio natooreke.

ⅩⅣ 13:14: Dan 9:27; 11:31; 12:11“Korende komorakorore okogechia kw’ogosaria kogotenena aase atagwenereti, (oyogosoma amanye), erio abare Boyahudi batame gochia ase ebitunwa; ⅩⅤ 13:15: Luk 17:31na ere oyore kerama igoro taika gosoa nyomba ime, gose tasoa kobogoria egento korwa mwaye; ⅩⅥ na ere oyore mogondo tairana nyomba kobogoria eanga yaye. ⅩⅦ N’abe aakong’u ase abare morito na barabwo abakogonkia ase amatuko aria. ⅩⅧ Saba ng’a ogotama kwaino tikoba ekero gi’etoigo, ⅩⅨ 13:19: Dan 12:1; Okom 7:14ekiagera amatuko aria n’ebe emechando, buna etana koba korwa omochakano bw’ogotonga oko Nyasae atongete, goika bono, gose tekoba bo naende nonya ng’ake. ⅩⅩ Naende onye Omonene atanachete amatuko aria, anga monto onde bwensi tatooregete, korende ase engencho y’abachore, abachorete, onachire amatuko aria. ⅩⅪ Ekero ekio omonto karabatebie: Rora, oyo nere Kristo, gose: Oria aaria, timwegena, ⅩⅫ ekiagera abakristo b’oborimo, na ababani b’oborimo nabaorokie ebikone na amakumia, banyare gosiria nonya nabachore ko eranyarekane. ⅩⅩⅢ Korende inwe mwerende! Rora, nakoorire koborokia onsi ritang’ani.

ⅩⅩⅣ 13:24: a Isaya 13:10; Yoel 2:10,31; 3:15; Okom 6:12; b Isaya 13:10; Ezek 32:7“Korende amatuko aria, magega y’emechando eria, erioba naribekwe omosunte, na omotienyi tokobara, ⅩⅩⅤ 13:25: a Isaya 34:4; Okom 6:13; b Yoel 2:10ne ching’enang’eni nachigwe korwa igoro, ne chinguru chire igoro nachitengechigwe. ⅩⅩⅥ 13:26: Dan 7:13; Okom 1:7Erio nario bararore Omwana-o-Mwanyabaanto ogocha ase amare ime amo ne chinguru chinyinge na obonene. ⅩⅩⅦ Erio natome abamalaika baye basangererie abachore baye korwa chinsemo chie chinsinyo inye, na korwa chinsinyo chi’ense goika chinsinyo chia igoro.

ⅩⅩⅧ “Korwa ase omoko eorokererie omobayeeno oyo. Orosagia rwaye korwachaakire koorokia amato aye, mwamanyire ng’a nekero ki’ogoseboka, egura gura ng’ang’e ere. ⅩⅩⅨ Naboigo nainwe, komorarore aya aorokire, momanye ng’a obeire ang’e na gesieri. ⅩⅩⅩ Nekeene nabateebirie: Ekegori eke tikegoeta nonya ng’ake goika aya onsi anyare koba. ⅩⅩⅪ Igoro na ense nabiete, korende amang’ana aane takonyara goeta nonya ng’ake.

ⅩⅩⅫ 13:32: Mat 24:36“Korende amang’ana ye rituko riria na ensa eria onde tari omanyete, nonya nabamalaika bare igoro, nonya n’Omwana, otatiga Tata. ⅩⅩⅩⅢ Rigereria, renda, saba, ekiagera timomanyeti engaki eria indi eranyare koba. ⅩⅩⅩⅣ 13:34: Luk 12:36-38Igo enga buna omonto ore kogenda ense eng’ao konya otigire enyomba yaye, oeire abasomba baye okobua, na kera omonto emeremo yaye; agachiika omorendi bw’egesieri arende. ⅩⅩⅩⅤ Renda boigo, ekiagera timomanyeti ekero omonene bw’enyomba agochi‐gocha, gose mogoroba, gose mbotuko gati, gose etuoni gekobuga, gose mambia, ⅩⅩⅩⅥ tacha ababasokanie, abanyore mwararire. ⅩⅩⅩⅦ Na erio nabateebirie inwe, nabateebirie bonsi: Renda!”