Ⅰ Ninawi kwaboereirwe! Chinguru chi’okogosiria chiachire. Arigania ebikengero!

Renda amakori! Eariganie ase esegi!

Ⅱ (Omonene nare ange koirania obonene bwa Israeli, buna yarenge omochakano konya ababisa baye batarayosakora).

Ⅲ Abarwani b’ababisa nigo baimogeti chinguba chimbariri naende nigo babegete chingobo chigwekaine chire chimbariri. Barobwo nigo bagendererete koearigania koboera! Chigari chiabo chi’echibarasi nigo chikobara buna omorero! Chibarasi chiabo nigo chikwana!

Ⅳ Chibarasi chi’esegi nigo chigotitiria n’okogosa ime y’echinchera,

chikoayerera gocha na koirana ase egati y’omochie omonene. Nigo chikobara buna chitochi

na kominyoka buna okomesa kw’embura.

Ⅴ Abanene baye barangerigwe; nigo bakogochwa ekero bakwemigereria gochia motwe. Ababoeri nigo bakoayerera gochia enyasi naende baimokia chinguba chiabo bekengera ase aye.

Ⅵ Ebiita bire ange na roche biaigoirwe n’echinguru;

enka y’omorwoti yaichoirwe nomoondoko.

Ⅶ Enting’ana*2:7 Enting’ana: omokungu bw’omorwoti yairirwe obosomba;

abasomba baye nigo

bakweumia buna amaruma,

bagoaka‐aka ebikuba biabo n’obororo.

Ⅷ Buna amache akorwa korwa ase ritibo riatekire,

abanto baayareire korwa Ninawi!.

“Tenena! Tenena!”

Nigo bakorera korende onde tari okorigereria magega.

Ⅸ Sakora chifeta!

Sakora ne chitaabu!

Omochie omonene nigo oichire obotenenku!

Ⅹ Ninawi osarigwe ong’anyirwe, obeire ritombe! Chinkoro chianyititokire n’obwoba;

amarwa anyegerigwe, chinguru chiachire; amasio arachokire.

Ⅺ Ng’ai omochie omonene ore bono?

Oyio orenge buna engoro y’echindo, agwo ase chindo chinsae chiare koerwa endagera,

Ase Endo etuoni, ne eaberi,

chiarenge kogenda amo n’echimanwa chiabo, chire n’oborendi?

Ⅻ Endo nigo yare goita keria egotwara naende yakebutorana ebisamunye yaereria eyamwabo amo n’echimanwa chiaye;

nigo yarenge goichoria engoro yaye n’echinyama chibutoranire.