Ⅻ
Omobaro bw’Abakuani na Abalawi
Ⅰ Oyo noro omooroberio bw’abakuani na Abalawi abairanete korwa ase obosomba amo na Serubabeli, mosinto o Sealitieli, na Yesua. Abakuani nabwo aba:
Seraya, na Yeremia na Ezra;
Ⅱ Amaria, na Maluku, na Hatusi;
Ⅲ Sekania, na Rehumu, na Meremoti;
Ⅳ Ido, na Ginetoi, na Abiya;
Ⅴ Miyamini, na Maadia, na Biliga;
Ⅵ Semaya, na Yoyaribu, na Yedaya;
Ⅶ Salu, na Amoki, na Hilikia, na Yedaya.
Abwo barenge abatang’ani b’abakuani na ab’abamwabo, ase amatuko a Yesua. Ⅷ Abalawi nabwo aba.
Yesua na Binui, na Kadimieli, na Serebia, na Yuda, na Matania, oyio amo nabaanto b’eamate yaye nabwo batenenerete emeremo y’amatera ay’ogoaka ng’a mbuya mono.
Ⅸ Bakibukia na Uno, abamwabo, bagatenena kororia ase bare, ekero barenge gokora emeremo yabo ase Hekalu.
Ororeria rwa Yesua Omokuani omonene
Ⅹ Yesua akaibora Yoyakimu, na Yoyakimu akaibora Eliasibu, na Eliasibu akaibora Yoyada, Ⅺ na Yoyada akaibora Yonathani, na Yonathani akaibora Yadua.
Abateneneri be chiamate chi’abakuani
Ⅻ Ase amatuko a Yoyakimu abateneneri be chiamate chi’abakuani nabwo aba:
Meraya ase eamate ya Seraya,
na Hanania ase eamate ya Yeremia;
ⅩⅢ Mesulamu ase eamate y’Ezara,
na Yehohanani ase eamate y’Amaria;
ⅩⅣ Yonathani ase eamate ya Maluki,
na Yosefu ase eamate ya Sebania;
ⅩⅤ Adina ase eamate ya Harimu,
na Helikai ase eamate ya Merayoti;
ⅩⅥ Zakaria ase eamate ya Ido,
na Mesulamu ase eamate ya Ginetoni;
ⅩⅦ Sikiri ase eamate y’Abiya,
na Pilitai ase eamate ya Miniamini, na eya Moadiya;
ⅩⅧ Samua ase eamate ya Biliga,
na Yehonathani ase eamate ya Semaya;
ⅩⅨ Matenai ase eamate ya Yoyaribu,
na Usi ase eamate ya Yedaya;
ⅩⅩ Kalai ase eamate ya Salai,
na Eberi ase eamate y’Amoki;
ⅩⅪ Hasabia ase eamate ya Hilikia,
na Netaneli ase eamate ya Yedaya.
Omoroberio bwe chiamate chi’abakuani na echi’Abalawi
ⅩⅫ Omoroberio bw’abateneneri be chiamate chi’Abalawi okarikwa ase amatuko ’Eliasibu, na Yoyada, na Yohanani, na Yadua, Boigo oyo bw’abakuani okarikwa ekero Dario arenge omogambi bw’Abaayemi.
ⅩⅩⅢ Omoroberio bw’Abalawi abarenge abateneneri be chiamate chiabo okarikwa ase Egetabu ki’amang’ana ’Ebiro goikera ase amatuko a Yohanani, mosinto bw’Eliasibu.
Ogwatananwa kw’emeremo ye Hekalu
ⅩⅩⅣ Oyo noro omooroberio bw’abateneneri b’Abalawi: Hasabia, na Serebia, na Yesua, mosinto o Kadimieli. Abwo amo nabamwabo bande nabwo babegetwe ase ebiombe biateneneretwe korigererania ase ogoitabererania amatera ay’ogotogia na koiraneria ng’a mbuya mono, buna Daudi, omonto o Nyasae, achigete.
ⅩⅩⅤ Matania, na Bakibukia, na Obadia, na Mesulamu, na Talimoni, na Akubu, abarendi b’ebiita, nigo barenge korenda ebigachero agwo ase ebiita.
ⅩⅩⅥ Abanto abwo nigo barengeo ase amatuko a Yoyakimu, mosinto o Yesua o Yosadaki, na ase amatuko a Nehemia omogabana, na ay’Ezara, oyorenge Omokuani na omworokia bw’amariko.
Nehemia ogwatanana na gochena orwaki rw’Omochie
ⅩⅩⅦ Ekero omochie o Yerusalemu orenge gwatananwa na gochenwa, Abalawi bakarentwa Yerusalemu korwa aase ande onsi ase bamenyete, erinde bache ase ogwatananwa okwo bare nomogooko, babe bakoiraneria ng’a mbuya mono namatera, na goakania chisani chikwoga, na amakano ao ao. ⅩⅩⅧ Chiamate ch’abateri chigasangererigwa korwa ase chinsemo chionsi chia Yerusalemu, na korwa ase emechie y’Abaanetofa. ⅩⅩⅨ Boigo bagasangererigwa korwa Beti-Giligali na korwa ase orogongo rwa Geba, na Asimaweti, ekiagera abateri abwo konya baagachire emechie yabo goetanana Yerusalemu. ⅩⅩⅩ Abakuani na Abalawi bagechena abanyene, bagachena nabaanto bonsi amo nebiita, na orwaki roria.
ⅩⅩⅪ Erio nkarenta abanene b’Abayuda igoro ase orwaki, ngachora ebiombe bibere ebinene bikaba bigotaara igoro ase orwaki roria na goteera ogoteera gw’okoiraneria ng’a mbuya mono. Ekeombe ekemo kegataara agwo igoro ase orwaki gochia ase ensemo y’okorio goikera ase Egeita ki’Eubi. ⅩⅩⅫ Abanto babwatetie ekeombe ekio nabwo aba: Hosaya, na ekeng’ese ki’abanene b’Abayuda, ⅩⅩⅩⅢ Asaria, na Ezra, na Mesulamu; ⅩⅩⅩⅣ Yuda na Benjamini, na Semaya, na Yeremia. ⅩⅩⅩⅤ Ababwatetie abwo n’Abakuani babwate ebitureeri, na Zakaria, mosinto o Yonathani, o Semaya, o Matania, o Mikaya, o Sakuri bw’Asafu. ⅩⅩⅩⅥ Abande b’eamate ya Zakaria: Semaya na Asareli, Milalai na Gilalai, Maai na Netaneli, Yuda na Hanani. Abwo nigo babwate ebinto biare kobugigwa, ebio Daudi, omonto o Nyasae, achigete. Ezra, omworokia bw’amariko, akaba otang’anete ekeombe ekio. ⅩⅩⅩⅦ Agwo ase Egeita gi’Ensoko kiarenge bosio bwabo bakariina ase ebiriinero gochia ase Omochie o Daudi. Agwo bakariina ase orwaki rwarenge rogoro y’enyomba ya Daudi, gochia ase Egeita ki’Amache, ase ensemo ya moocha.
ⅩⅩⅩⅧ Ekeombe kende ki’abateri baria barenge goteera amatera ay’okoiraneria ng’a mbuya mono, bakagenda gochia ensemo y’okobee igoro ase orwaki roria, na inche amo nekeng’ese ki’abaanto tokababwatia, tokagenda goetera ase Omorobiri bw’eriko, gochia ase Orwaki Orogare. ⅩⅩⅩⅨ Naende togaetera Egeita gi’Efraimu, na Egeita Egekoro, na Egeita gie Chinswe, na Omorobiri o Hananeli, na Omorobiri bwe Rigana, goika ase Egeita gie Ching’ondi. Togakoorera orogendo rwaito agwo ase Egeita ki’Abarendi.
ⅩⅬ Ase ayio ebiombe bi’abateri abarenge goteera amatera ay’okoiraneria ng’a mbuya mono bigatenena ime ase enyomba ya Nyasae, na inche amo nekeng’ese ki’abanene baria togatenena nabarabwo. ⅩⅬⅠ Eliakimu na Maaseya, Miyamini na Mikaya, Elioenai na Zakaria, na Hanania, abarenge abakuani, bagatenena babwatete ebitureeri. ⅩⅬⅡ Naende mbarengeo Maaseya na Semaya, Eleazari na Usi, Yehohanani na Malikia, Elamu na Eseri. Abateri abwo bagatera, na Yesirahia nere orenge omoraai obo.
ⅩⅬⅢ Ase rituko riria bakarua ebing’wanso ebinene, na bagachenga nomogooko omonene mono, ekiagera Nyasae abagogetie. Abakungu amo nabana boigo bagachenga, na omochengo oria orenge Yerusalemu okaigweka gochia aare.
Abateneneri b’ebiegwa bie Hekalu
ⅩⅬⅣ Ase engaki eria abanto bagachorwa korenda ebinyomba biarenge chikungo aase ebiegwa, na okwama kw’eritang’ani, ne chinsemo chia ikomi, biarenge kogachwa. Abanto abwo nigo barenge gosangereria korwa ase emegondo yonsi y’emechie ebinto biachikiire ase amachiiko biegwe abakuani na Abalawi, ekiagera emeremo y’abakuani na ey’Abalawi nigo yagogetie Abayuda. ⅩⅬⅤ 12:45: a 1 Amg 25:1-8; b 1 Amg 26:12Abakuani na Abalawi bagakora emeremo ya Nyasae obo, na ey’ogochena. Abateri na abarendi b’ebiita bakaba bagokora emeremo yabo buna Daudi na Sulemani, omomura oye, bachigete. ⅩⅬⅥ Ase amatuko aria a kare, aya Daudi na ay’Asafu, mbarengeo abaraai b’abateri, na abateri nigo barenge goteera amatera ay’ogotogia Nyasae na komoiraneria ng’a mbuya mono. ⅩⅬⅦ Ase amatuko a Serubabeli, na aya Nehemia, Abaisraeli bonsi nigo barenge korua kera rituko ebiegwa biachikeire abateri na abarendi b’ebiita. Boigo naende bakaba bakoa Abalawi ebitari ebi baatananeretwe, na Abalawi barabwo bakaa abanto b’ororeria rwa Aroni ebitari biabo.