Ⅰ Omwana one, tobaisa kweba amorokererio ane, korende tiga enkoro yao ebwate amachiiko ane. Ⅱ Ayio nagere omenye amatuko amaange, na emiaka emenge, naende ogeendererete koba nomorembe. Ⅲ Totiga obuya na ekeene birue ase ore; obisibe ase rigoti ria’o, na obiriike ase enkoro yao. Ⅳ 3:4: Luk 2:52Igo nario oranyore ogwancherwa na okomanya okuya ase obosio bwa Nyasae, na ase Mwanyabaanto.

Ⅴ Osemerie Omonene n’enkoro yao yonsi; tobaisa gosemeria okomanya kwao. Ⅵ Orengererie Omonene, omoorokie ase chiinchera chiao chionsi, nere narongeyie oboeto bwao. Ⅶ 3:7: Abar 12:16Tobaisa gwekora omong’aini ase okorora kwao omonyene; omoiroke Omonene na bweatanane korwa ase amabe. Ⅷ Korakore igo, ayio nagwenie omobere oo abeeke emeseto y’amauga ao chinguru. Ⅸ Osike Omonene ne chinibo chiao chionsi na ogotongora kwao gwonsi kw’endagera. Ⅹ Erio ebiage biao mbiichore n’endagera enyinge na ebimitero biao biichore n’edivai engiya.

Ⅺ 3:11: Ayubu 5:173:11: Abaibr 12:5,6Omwana one, tobaisa kwanga gose gochaaya okorongeyia kw’Omonene. Ⅻ 3:12: Okom 3:19Omonto onde bwensi Omonene anchete nigo akomorongeyia, buna ise omwana akorongeyia omwana oria agokirie nere. ⅩⅢ Nare n’omogooko omonto oyio onyorire obong’aini naende ore n’okomanya. ⅩⅣ Obong’aini nigo bobwate ebitoki ebinge kobua ebie chifeta na ebie chitaabu. ⅩⅤ Nigo bore n’engeencho enene kobua amagena akomeka‐meka ye rigori rinene, gose tokoboreng’ania na kende gionsi oganetie. ⅩⅥ Obong’aini nigo bobwate obogima bw’amatuko amaange ase okoboko kwaye gw’okorio, na ase okoboko kwaye gw’okobee nigo bobwate obonda obonge amo n’ogosikwa. ⅩⅦ Chinchera chiaye nigo chire echi’omogooko, na oboeto bwaye bwonsi nigo bore obw’omorembe. ⅩⅧ Nigo bore omote bw’obogima ase abwo babobwatererete; na kera omonto ogendererete kobobwata bokong’u nasesenirie.

ⅩⅪ Omwana one, bwata bokong’u obong’aini obuya na okomanya; tobaisa gotiga ebio birue ase obosio bwao. ⅩⅫ Igo ebio mbibe obogima ase omoyo oo, na ogwechabera okuya ase rigoti ria’o. ⅩⅩⅢ Erio notaare ase enchera yao kore n’oborendi obuya, gose tokogoochwa okogoro kwao. ⅩⅩⅣ Ekero ogochia korara, toba n’obwoba, koraire nonyore chitoro chingiya. ⅩⅩⅤ Tobaisa kwoboa okogosa kogocha mobosokano, gose ogosirigwa kw’abanyabibe kogocha buna omoubera. ⅩⅩⅥ Omonene nabe ogosemeria kwao, ere narende okogoro kwao tikobaisa kobwatwa ase omotego.

ⅩⅩⅦ Tobaisa korina abaremerwa amaya ayabagwenerete konyora, onye ayio are ase okobua kwao kobakoonya. ⅩⅩⅧ Ekero obwate egento ase engaki eyio kware koa omonto omino, tobaisa komoteebia, “Genda ochiche ankio, nario ndagekoe.” ⅩⅩⅨ Tobaisa gokora emeroberio gokorera omonto omino bobe; oyio omenyete amo naye, ogosemeretie ng’a anyore oborendi obuya. ⅩⅩⅩ Tobaisa koamererania na monto onde engencho ende etaiyo, onye taragokorera bobe bonde. ⅩⅩⅪ Tobaisa gosanera amang’ana yomonto otari gokora ay’oboronge, gose tobaisa kwega chiinchera chiaye, ⅩⅩⅫ ekiagera abanto abasareku nigo bare okogechia ase Omonene, korende obobisi bwaye nigo bore ase abwo bare ne chinkoro chindonge. ⅩⅩⅩⅢ Okoragereria kw’Omonene nigo kore ase chinyomba chi’abakori amabe, korende nigo agosesenia chinka chi’abanyene oboronge. ⅩⅩⅩⅣ 3:34: Yakb 4:6; 1 Petr 5:5Omonene nigo agochecheria abwo bagochecheria, korende abaitongo nigo akobaa obuya na amaabera. ⅩⅩⅩⅤ Abanto abang’aini ’mbanyore omwando bw’obonene, korende abariri ’mbabogorie obosooku.