Ⅱ
Omorwoti omochore o Nyasae
Ⅰ 2:1: Ogok 4:25,26Nase ki abanto b’ebisaku bagokora rirorooche?
Nase ki abanto bagokora emeroberio ere bosa?
Ⅱ Abarwoti b’ense bebekire ang’e,
na abagaambi nigo bakogamba amo
ase okwanga Omonene na Omoakwa Amaguta oye.
Ⅲ Nigo bagoteebania: “Tobutore ebisibo biabo,
totugute chingori chiabo batosiberete!”
Ⅳ Omonene oria oikaransete aaria igoro,
nigo agoseka na kobachecheria.
Ⅴ Erio nabatogonyere ase endamwamu yaye,
abagose ase ekeririanda kiaye, ogoteeba:
Ⅵ “Nabeekire omorwoti one ase Sayoni,
egetunwa kiane egechenu.”
Ⅶ 2:7: Ogok 13:33; Abaibr 1:5; 5:5Omorwoti oteebire: “Nindarie amang’an’Omonene aroberetie.
Ere aganteebia: Aye naye Omwana one,
reero nakoiboire.
Ⅷ Omborie, na inche ninkoe ebisaku bionsi bibe omwando oo,
ne chinsemo chionsi chi’ense nchibe echiao.
Ⅸ 2:9: Okom 2:26,27; 12:5; 19:15Aye nobasenyente nenyimbo y’ekioma,
obasegenye babe buna ebigonkorio*2:9 Ebigonkorio: engencho yaye ebisamunye bi’enyongo yatekire.”
Ⅹ Ase ayio, inwe abarwoti, mobe abang’aini,
inwe abagaambi b’ense, igwera ogokuurerwa oko:
Ⅺ Mokorere Omonene more nobwoba na okoiguswa.
Ⅻ Tugama inse na kworokia amasikani ase Omwana oye.
Motakoreti bo, Omonene nigo arabe nendamwamu,
abasirie ase chinchera chiaino,
ekiagera endamwamu yaye nigo egwoka bwango
mbasesenirie abanto bonsi bakomotamera.