Ⅰ Inwe abamokogamba, Inee, ngokwana more amang’ana ’ekeene?

Inee! Nkonachera more abanto ebiina bire boronge?

Ⅱ Yaya, nigo more nemeroberio emekorekanu ime ase chinkoro chiaino,

amaboko aino nigo agokora obotindi bw’oborianania ase ense.

Ⅲ Abakori amabe nigo basirete korwa chinda chi’abang’ina,

abanyaborimo nigo bakoba abatantanu korwa engaki y’okoiborwa kwabo.

Ⅳ Barabwo nigo babwate obosongo bonga buna obw’eng’iti,

nigo banga buna rirubi rigoticha amato aye,

Ⅴ erinde tiriigwa amariogi abanyamosira,

gose ay’abaebia b’obong’aini.

Ⅵ Aye Nyasae, obune amaino ’emenwa yabo;

aye Omonene, gokora amagegu e chindo chinsae!

Ⅶ Abanto abwo tiga basirigwe kegima buna amaache omogooko agoeta asira;

ekero bakoruta emegwe yabo, eburoke.

Ⅷ Barabwo tiga babe buna amakorominyo akonyititoka amarenda aera,

na buna oborito bw’omokuungu bokogwa botaraika engaki yaye.

Ⅸ Omonene nabasirie bwango,

ee, bwango kobua chinyongo chiaino chitarabwata riberera ri’omorero bw’amagwa,

karabe amabese gose amasusanu.

Ⅹ Omonyene oboronge nagoke ekero egesiomba kegoakanwa,

natiringe amanyinga ’abaanto abanyabibe.

Ⅺ Erio abanto bateebe,

“Ekeene, abanyaboronge nigo bakonyora eng’eria yabo;

ekeene, Nyasae nareo okonacha ebiina ase ense.”