Ⅰ Tiga Nyasae aimokerere igoro, na ababisa baye basiarerwe,

abanto abwo bamogechete, tiga batame barue asare.

Ⅱ Tiga baserigwe gochia aare, buna erioki rikoirwa aa n’aaria;

Tiga abakori amabe basirigwe kegima, barue ase obosio bwa Nyasae,

basirigwe buna obochoe bokonyititoka ase omorero.

Ⅲ Korende abanyene oboronge tiga babe nomogooko omonene kegima,

tiga babe nomochengo ase obosio bwa Nyasae,

babe bagoteera bare nomogooko.

Ⅳ Moteerere Nyasae, tera amatera agotogia erieta riaye.

Moroiserie enchera ere agoetera ase chirooro.

Erieta riaye n’Omonene, kabe nomochengo ase obosio bwaye!

Ⅴ Nyasae oria omenyete aase aye aachenu,

nere ise bwe chintakana, na omorendi bw’ababoraka.

Ⅵ Nyasae nigo akoa abatigirwe bosa chinka ase bakomenya.

Nigo agosibora abanto basibire baseseneka,

korende abasaria nigo bakomenya ase ense enyomo kegima.

Ⅶ Aye Nyasae, ekero gwatang’anete abanto bao

na ogotaara ase erooro,

Ⅷ 68:8: Okong’ 19:18ense nigo yatengechete,

embura egatwa korwa igoro,

na aye Nyasae nao kwarenge.

Nonya negetunwa gia Sinai nigo giatengechete,

ekero aye Nyasae kwarengeo;

aye ore Nyasae bw’Abaisraeli.

Ⅸ Aye Nyasae, nigo kwarentete embura enyinge mono,

na igo omwando oo oria konya orosire okayoiraneria chinguru.

Ⅹ Omoganda oo okanyora obomenyo aase agwo.

Aye Nyasae, ase engencho y’obuya bwao, kwaeire abanto abataka aya baremeire.

Ⅺ Nyasae akarua ogochika,

na omoganda omonene bw’abakungu bakararia amang’ana ayio:

Ⅻ “Abarwoti b’abarwani esegi batamire, ee, batamire!”

Abakungu batigarete ase chinka ngwatanana bare ebisakorwa.

ⅩⅢ Nonya bagendererete kobeera ase ameri e ching’ondi,

nigo bare buna amaruma are ne chimbaaba chiatubire nefeta,

na amarionya abo atubire netaabu ekomeka‐meka.

ⅩⅣ Ekero Omonene, Omobui asiarerete abarwoti b’aase agwo,

amagena ’embura agatwa ase egetunwa gia Salimoni.

ⅩⅤ Aye egetunwa kia Basani, nigo ore egetunwa kia Nyasae,

aye egetunwa kia Basani, nigo obwate ebichuria ebinge.

ⅩⅥ Aye egetunwa ki’ebichuria ebinge,

nase ki okorigereria ne ribero

ase egetunwa ekio Nyasae achorire koba obomenyo bwaye?

Ee, Omonene ochorire komenya aroro kogenderera botambe.

ⅩⅦ Chigari chia Nyasae nigo chire chilifu chinyinge mono,

Omonene nigo are ase egati yabo buna nase Sinai, Aase aye aachenu.

ⅩⅧ 68:18: Abaef 4:8Aye ogatiira gochia igoro ogoosa abasibwa,

na okanyora ebiegwa ase egati ya Mwanyabaanto,

ee, nonya nase egati y’abasaria,

ng’a aye Omonene Nyasae onyare komenya aroro.

ⅩⅨ Omonene atogigwe,

rituko ase rituko nigo agotobogoreria chigurube chiaito.

Nyasae nere ogotooreka gwaito.

ⅩⅩ Nyasae oito nigo are Nyasae ogotooria.

Nyasae oito, Omonene nigo agototooria korwa ase amakweri.

ⅩⅪ Nyasae nasenyente emetwe y’ababisa baye,

nasenyente ebiore bire netukia bi’abwo

bakogenderera ne chinchera chiabo chi’ebibe.

ⅩⅫ Korende Nyasae agateeba:

“Ning’iranie abanto abwo korwa Basani,

mbarente korwa ase chindiba chi’enyancha,

ⅩⅩⅢ erinde motache amanyinga abo namagoro aino,

ne chisese chiaino chinyore ebitari biabo biababisa baino.”

ⅩⅩⅣ Aye Nyasae, omoganda oo ogotaara ororekanire;

ee, aye Nyasae one, na omorwoti one,

omoganda oria oo ogosoa ase obomenyo bwao obochenu.

ⅩⅩⅤ Abateri nigo batang’aine bosio,

magega yabo abakobugia amakano,

na ase egati yabo abaiseke bakobugia chinchigiri:

ⅩⅩⅥ “Inwe abamore ab’ororeria rw’Abaisraeli,

motogie Nyasae ase egati y’omosangererekano Omonene.”

ⅩⅩⅦ Abanto ba Benjamini, abare abasinini mono ase egati yabo,

nao bare baabatang’aine,

na abanene b’Abayuda nao bare

amo nomoganda obo,

na abanene b’Abasabuloni na ab’Abanafutali.

ⅩⅩⅧ Aye Nyasae, oorokia okobua kwao;

ee Nyasae, ayio gwatokoreire, genderera koyabeka chinguru.

ⅩⅩⅨ Abarwoti nigo bagokorentera ebiegwa

ime ase Hekalu yao ere agwo Yerusalemu.

ⅩⅩⅩ Togonyera eng’iti eria y’orosana emenyete ase ebitonto ime,

na amaicho e chieri amo ne chimori chiabo, nabwo abanto.

Togonyera abanto goika bekeyie na gokoruera chifeta chiabo.

Osiarere abanto banchete esegi.

ⅩⅩⅪ Abanto bare ne chinguru mbarue Misiri,

na abanto b’Ethiopia baayerere koramborera Nyasae amaboko abo.

ⅩⅩⅫ Inwe amarwoti are ase ense, tera motogie Nyasae;

tera amatera ay’okomotogia Omonene!

ⅩⅩⅩⅢ Moteerere ere oria oriinete igoro,

igoro eria yarengeo korwa chingaki chia kare.

Rora, nigo agoaka eriogi riaye rire ne chinguru riaigugwa.

ⅩⅩⅩⅣ Inwe raria okobua kwa Nyasae,

oyio obonene bwaye bore igoro y’Abaisraeli,

na okobua kwaye nigo kore igoro onsi.

ⅩⅩⅩⅤ Nyasae nigo are oyo bw’okogosa korwa ase obomenyo bwaye obochenu;

ere Nyasae bw’Abaisraeli;

nigo akoa abanto baye okobua ne chinguru.

Omonene atogigwe!