Ⅰ Aye Nyasae, koranche ontoorie!

Omonene, oche bwango onkonye!

Ⅱ Abanto abwo barigetie gosiria obogima bwane,

tiga basookigwe na gotantanigwa,

na abwo baganetie ng’a obobe bonyore inche,

tiga bairanigwe magega na gochaywa.

Ⅲ Abwo bagonchaya na goteeba: “Kiamonyorire!”

Tiga bakirigwe-kiri ase obosooku bwabo.

Ⅳ Abwo bonsi bagokorigia,

tiga bakogokere na kogochengera;

abwo banchete ogotooreka kwao,

tiga bagenderere goteeba: “Nyasae atogigwe!”

Ⅴ Inche nigo inde omotaka na omoremerwa;

aye Nyasae, inchwo bwango onkonye!

Aye naye Omokonyi one, na Omotooria one.

Aye Omonene, totebana!