ⅬⅩⅩⅪ
Ogoteera kwe Rituko Rinene
(Ogoteera gw’Asafu)
Ⅰ Moterere Nyasae neriogi rinene,
ekiagera nere chinguru chiaito,
aka eriogi ri’omogooko ase Nyasae o Yakobo.
Ⅱ Tera ogoteera kw’ogotogia,
mobugie chinchigiri amo namakano ’ebirigisa, na amakano ande.
Ⅲ 81:3: Omob 10:10Mobugie egetureeri ase rituko ri’Omotienyi Omoyia,
na ekero oorokire omogima,
ase ogosika rituko riaito ri’omoyega richikiire.
Ⅳ Oyio nigo ore omooroberio ochikiire ase Abaisraeli,
na aya Nyasae o Yakobo achiikire.
Ⅴ Ekero Omonene aetete ense ya Misiri,
agachiika omooroberio oyio ase abanto ba Yusufu.
Nkaigwa enkwana y’omonwa ntamanyete egoteeba:
Ⅵ “Ninche narusetie chigurube korwa ase amareko aino,
na ngasibora amaboko aino korwa ase ebitonga bi’okobogoria chigurube.
Ⅶ 81:7: Okong’ 17:7; Omob 20:13Ekero mwarenge nemechando nigo mwandangeretie, na inche nkabatooria,
nigo nabairaneretie korwa ime y’enkoba ase nebisete,
nkabateema agwo ase amaache a Meriba.
Ⅷ Inwe abanto baane, igwa ekero nkob akuurera!
Inwe Abaisraeli, onye ndiria mware konyigwera!
Ⅸ 81:9: Okong’ 20:2,3; Okoir 5:6,7Timoba nenyasae ende eng’ao ase egati yaino,
timotung’amera na gosasiima enyasae engeni.
Ⅹ Inche ninche Omonene, Nyasae oino,
ninche nabarusetie korwa ase ense ya Misiri.
Ase ayio, asamia emenwa yaino ebe yasie, na inche imbaragerie.
Ⅺ “Korende abanto baane tibaigwete eriogi riane;
Abaisraeli abwo nigo bangete kegima konyigwera.
Ⅻ Ase ayio nkabatiga babwatie obomwenu bwe chinkoro chiabo,
erinde bakore buna koreng’ana konya barobeirie abanyene.
ⅩⅢ Onye ndiria abanto abwo baane bantegererete!
Onye Abaisraeli mbabwatetie chinchera chiane!
ⅩⅣ Rirorio nanga nabuete ababisa babo bwango,
na okoboko kwane nkoba kware mamincha yabo.
ⅩⅤ Abwo bangechete inche Omonene,
nigo baare gocha gotung’ama ase ’nde bare nobwoba,
na amatuko abo nagenderere kobao kare na kare.
ⅩⅥ Korende inwe nigo narenge gocha kobaa engano enoru,
na kobaisanekia nobooke korwa ase egetare.”