Ⅰ Moterere Omonene ogoteera okoyia,

ekiagera okorire amang’ana ay’ogokumia;

obuire nokoboko kwaye gw’okorio,

ee, nokoboko kwaye ogochenu.

Ⅱ Omonene okorire ogotooreka kwaye komanyekane,

oorokirie oboronge bwaye ase amasio ’abaanto b’ebisaku;

Ⅲ oinyoire obwanchani bwaye bogendererete botambe, na obwegenwa bwaye,

obwo aorogetie ase Abaisraeli.

Chinsinyo chionsi chi’ense chiarorire ogotooreka kwa Nyasae oito.

Ⅳ Aye ense yonsi, aka eriogi ri’omogooko ase Omonene,

tera ogoteera kw’omogooko na motogie ase amariogi amanene.

Ⅴ Terera Omonene ase okobugia amakano,

ee, ase okobugia amakano tera namariogi amaya.

Ⅵ Moake amariogi ’omogooko ase Omonene ore omorwoti

ase okobugia ebirombeta na ebitureeri.

Ⅶ Tiga enyancha ebe ekoruma amo n’ebinto bionsi bire ime yaye,

boigo nense na abanto bonsi bamenyeteo.

Ⅷ Chindooche tiga chiake chinkobi,

na ebitunwa tiga bitere nomogooko amo,

Ⅸ ase obosio bw’Omonene, ekiagera ngocha are konachera ense ekiina.

Ere nanachere ense ekiina ase oboronge,

na abanto nabanachere ekiina atari gwanchereria.