ⅭⅤ
Nyasae na abanto baye
(1 Amg 16:8-22)
Ⅰ Moiranerie Omonene ng’a mbuya mono,
rangeria erieta riaye ase ogokonywa,
teebia abanto b’ebisaku ogokora kwaye.
Ⅱ Terera Omonene, moterere amatera ay’okomotogia,
raria ogokora kwaye kw’ogokumia!
Ⅲ Etogerie erieta riaye richenu,
abanto bonsi abakorigia Omonene basasoke ase chinkoro chiabo.
Ⅳ Rigia Omonene amo ne chinguru chiaye,
morigie obosio bwaye botambe.
Ⅴ Inyora emeremo yo’gokumia eria akorire, ebikone biaye na ebiina biaye bi’ekeene arure
Ⅵ Inwe abanto b’ororeria rwa Aburaamu, omosomba O’ Omonene,
ee, inwe abanto ba Yakobo, abachore b’Omonene,
Ⅶ Ere nere Omonene, Nyasae oito,
ebiina biaye nigo bire ase ense yonsi.
Ⅷ Botambe nigo akoinyora okobwatana kwaye kw’ogotianania,
boigo goika ebiare elifu eyemo nigo akoinyora ring’ana achigete,
Ⅸ 105:9: a Omoch 12:7; 17:8; b Omoch 26:3na okobwatana koria gw’ogotianania akorete na Aburaamu,
na eira yaye y’ogotianania amorierete Isaka.
Ⅹ 105:10: Omoch 28:13Okobwatana okwo akagokong’ia gokaba ogochika ase Yakobo,
ee, ase Israeli okobwatana gwa kare na kare,
Ⅺ akamoteebia, “Ninkoe ense ya Kaanani ebe egetari oraire kebe omwando oo.”
Ⅻ Ase engaki eria nigo barenge abanto abake ase omobaro,
bakabarwa ng’a tibaisaini gento;
nigo barenge abaeti ase ense eyio.
ⅩⅢ Bakaba bagoetanana korwa ase egesaku ekemo gochia ase ekende,
na korwa ase oborwoti obomo gochia ase obonde.
ⅩⅣ 105:14: Omoch 20:3-7Nyasae tatigete abanto bande baabachande;
agatogonyera abarwoti ase engencho yabo,
ⅩⅤ agateeba, “Timobaisa gokuna abaakwa amaguta baane,
gose timokorera ababani baane bobe.”
ⅩⅥ 105:16: Omoch 41:53-57Ekero Omonene arentete enchara ase ense,
na asiretie chindagera chiabo chionsi,
ⅩⅦ 105:17: Omoch 37:28; 45:5konya otomire omonto agwo ritang’ani,
nere Yusufu konya oonigwe obeire omosomba.
ⅩⅧ 105:18: Omoch 39:20—40:23Nigo asibetwe chingatare chigasionora amagoro aye,
naende akabeekerwa eteyo y’ekioma ase rigoti riaye,
ⅩⅨ goika ayabaanete agaikerana.
Ase ayio ring’ana ri’Omonene rikaenekia ng’a Yusufu nomooronge.
ⅩⅩ 105:20: Omoch 41:14Omorwoti agatoma abanto bakamosibora,
ee, oyorenge omogambi bw’abaanto akamosibora.
ⅩⅪ 105:21: Omoch 41:39-41Akamobeka akaba Omonene bw’enyomba yaye,
amo n’ebinto bionsi abwate,
ⅩⅫ erinde abe ogotebereria abanene b’oborwoti boria buna anchete,
na kworokereria abagaaka baye b’oborwoti chisemi.
ⅩⅩⅢ 105:23: a Omoch 46:6; b Omoch 47:11Erio Abaisraeli bagacha Misiri;
Yakobo akaba omomenyi ase ense ya Hamu.
ⅩⅩⅣ 105:24: Okong’ 1:7-14Omonene agasesenia abanto abwo bakabucha mono,
naende bakaba ne chinguru chinyinge kobua abachandi babo.
ⅩⅩⅤ Omonene akaonchora chinkoro chi’Abamisiri,
erinde bakagecha abanto baye,
erio bagakorera abasomba b’Omonene amabe ay’obong’ainereria.
ⅩⅩⅥ 105:26: Okong’ 3:1—4:17Omonene agatoma Musa, omosomba oye,
na Aroni, oyio konya achorire.
ⅩⅩⅦ Barabwo bakaorokia ebimanyererio ase egati y’abanto,
bagakora ebikone agwo ase ense ya Hamu.
ⅩⅩⅧ 105:28: Okong’ 10:21-23Omonene agatoma omosunte, na ense eria ekamwama ti.
Barabwo tibangete koigwera amang’ana aye.
ⅩⅩⅨ 105:29: Okong’ 7:17-21Akaonchora amaache abo akaba amanyinga,
na ayio akagera chinswe chiabo chigakwa.
ⅩⅩⅩ 105:30: Okong’ 8:1-6Ebioto bigacha bigaichora ase ense yabo
nonya nase ebinyomba bi’okorara bi’abagaambi babo.
ⅩⅩⅪ 105:31: a Okong’ 8:20-24; b Okong’ 8:16,17Omonene agakwana, ne chingi chinyinge mono chigaacha,
ne chinsona boigo ase ense eria yonsi.
ⅩⅩⅫ 105:32: Okong’ 9:22-25Akarenta amagena ’embura ribaga ri’embura,
chinkoba chikamesa aande onsi ase ense eria.
ⅩⅩⅩⅢ Agasaria emesabibu na emeko yabo,
emete y’ense eria ekabunwa.
ⅩⅩⅩⅣ 105:34: Okong’ 10:12-15Agakwana, ne chingige chigaacha,
chirochio chikabiara chikaba chinyinge,
ⅩⅩⅩⅤ chikaria chigakoora ebimeri bi’ense eria,
boigo chikaria okwama kwe riroba riabo.
ⅩⅩⅩⅥ 105:36: Okong’ 12:29Omonene agaita abana abatangi bonsi ase ense eria, ne ching’iti chintangi,
ogotongora gwe chinguru chiabo chionsi.
ⅩⅩⅩⅦ 105:37: Okong’ 12:33-36Eri’Omonene akang’anyia Abaisraeli korwa aroro bare ne chifeta ne chitaabu,
monto onde tarenge ase abanto baye oborire chinguru.
ⅩⅩⅩⅧ Abamisiri nigo babete nomogooko ekero Abaisraeli bang’anyete,
ekiagera obwoba konya bwabagwereire ase engencho y’Abaisraeli.
ⅩⅩⅩⅨ 105:39: Okong’ 13:21,22Omonene akarambora riire rigatuba abanto baye,
na omorero okaba okobamorekera botuko.
ⅩⅬ 105:40: Okong’ 16:2-15Ekero baboretie eki bakoria, ere agatoma chinkware,
boigo akabaigotia nendagera korwa igoro.
ⅩⅬⅠ 105:41: Okong’ 17:1-7; Omob 20:2-13Akabochora egetare, na amaache agasoka korwao,
akaminyoka ase erooro buna orooche.
ⅩⅬⅡ Omonene akainyora eira eria enchenu ariete,
boigo akainyora Aburaamu, omosomba oye.
ⅩⅬⅢ Ase igo akang’anyia abanto baye korwa ase ense eria bakaba bagochenga,
abanto abwo baye achorete bakaba bagoteera nomogooko.
ⅩⅬⅣ 105:44: Yosh 11:16-23Akabaa chinse chi’abaanto b’ebisaku chikaba echiabo,
akabaa n’ebinto abanto abwo konya bechandeire.
ⅩⅬⅤ Ayio nigo akoregete, erinde Abaisraeli baigwere emeroberio yaye echiikire,
naende barende amachiiko aye.
Motogie Omonene!
ⅭⅤ:Ⅸ 105:9: a Omoch 12:7; 17:8; b Omoch 26:3
ⅭⅤ:Ⅹ 105:10: Omoch 28:13
ⅭⅤ:ⅩⅣ 105:14: Omoch 20:3-7
ⅭⅤ:ⅩⅥ 105:16: Omoch 41:53-57
ⅭⅤ:ⅩⅦ 105:17: Omoch 37:28; 45:5
ⅭⅤ:ⅩⅧ 105:18: Omoch 39:20—40:23
ⅭⅤ:ⅩⅩ 105:20: Omoch 41:14
ⅭⅤ:ⅩⅪ 105:21: Omoch 41:39-41
ⅭⅤ:ⅩⅩⅢ 105:23: a Omoch 46:6; b Omoch 47:11
ⅭⅤ:ⅩⅩⅣ 105:24: Okong’ 1:7-14
ⅭⅤ:ⅩⅩⅥ 105:26: Okong’ 3:1—4:17
ⅭⅤ:ⅩⅩⅧ 105:28: Okong’ 10:21-23
ⅭⅤ:ⅩⅩⅨ 105:29: Okong’ 7:17-21
ⅭⅤ:ⅩⅩⅩ 105:30: Okong’ 8:1-6
ⅭⅤ:ⅩⅩⅪ 105:31: a Okong’ 8:20-24; b Okong’ 8:16,17
ⅭⅤ:ⅩⅩⅫ 105:32: Okong’ 9:22-25
ⅭⅤ:ⅩⅩⅩⅣ 105:34: Okong’ 10:12-15
ⅭⅤ:ⅩⅩⅩⅥ 105:36: Okong’ 12:29
ⅭⅤ:ⅩⅩⅩⅦ 105:37: Okong’ 12:33-36
ⅭⅤ:ⅩⅩⅩⅨ 105:39: Okong’ 13:21,22
ⅭⅤ:ⅩⅬ 105:40: Okong’ 16:2-15
ⅭⅤ:ⅩⅬⅠ 105:41: Okong’ 17:1-7; Omob 20:2-13
ⅭⅤ:ⅩⅬⅣ 105:44: Yosh 11:16-23