Ⅰ Nigo twarenge goikaransa ase chingegu chie chindooche chia Babiloni,

twaba tokorera ekero twarenge koinyora Sayoni.

Ⅱ Aroro agwo nigo twasungete amakano aito ase emete enga buna emesobeti.

Ⅲ Abanto baria batwosete bakagania tobaterere,

abachandi abwo baito bakagania tobagokie, bagateeba,

“Toterere ogoteera gwa Sayoni.”

Ⅳ Naki torakore totere ogoteera kw’Omonene ase ense engeni?

Ⅴ Aye Yerusalemu, inse gokweba,

rirorio okoboko kwane gw’okorio kogatae.

Ⅵ Onye tingokoinyora aye Yerusalemu,

erinde obe omogooko one omonene mono,

rirorio tiga oromeme rwane robwatane namang’ang’ura.

Ⅶ Aye Omonene, inyora amabe aya abanto b’Edomu bakorete

ase rituko riria Yerusalemu obwatetwe;

buna bateebete, “Yotagore kegima!

Yotagore amo noboroso bwaye!”

Ⅷ 137:8: Okom 18:6Inwe abanto ba Babiloni nigo mogochia gosirigwa.

Nagoke oyio ogochia kobaakana

amabe aya mwabeire mogotokorera.

Ⅸ Nachenge omonto oyio ogochia koira abana baino abake

na kobaakera ase amagena y’Ebitare.