Ⅰ Aye Omonene, ’ntoorie korwa ase abanto ababe;

indende korwa ase abanto abatindi!

Ⅱ Abanto abwo nigo bakoroberia amabe ase chinkoro chiabo ime,

baba bakona‐korwana esegi botambe.

Ⅲ 140:3: Abar 3:13Chimeme chiabo nigo chire chinyoge buna echie ching’iti chingeenda inse;

obosongo bw’amarubi nigo bore ase ebikoba bi’emenwa yaabo.

Ⅳ Aye Omonene, indende korwa ase amaboko y’abakori amabe;

intoorie korwa ase abanto abatindi,

abwo barobeirie kobeeka ebigoocha ase ’ngoeta.

Ⅴ Abanto abaenenu babeekire oboreba bobisi ase ’ngoetera,

bantegeire ebichanga bimbwate,

babeekire emeeto ase oboeto bwane bwonsi.

Ⅵ Nateebirie Omonene: Aye Nyasae one,

aye Omonene, tegerera oigwe ogosaba kwane.

Ⅶ Aye Nyasae one, Omonene, Omotooria one omokong’u,

aye nigo ogotuba omotwe one ase engaki y’eseegi.

Ⅷ Omonene, tobaisa koa abakori amabe aya baganetie;

tobaisa gosesenia emeroberio yaabo emebe,

baabaise gwetogia.

Ⅸ Totiga ababisa abwo bang’etananire babue,

tiga obobe bw’amang’ana bagokwana bobairanere abanyene.

Ⅹ Tiga omorero bw’amakara obagwere,

barabwo batugutwe ase omorero,

barutwe ase chingoro chintambe tibaruao.

Ⅺ Totiga abagenki bagenderere koba ase ense.

Obobe nigo bogotwara abanto abatindi ase omoayerero bw’abasiria.

Ⅻ Nimanyete ng’a aye Omonene norwanerere abagokorerwa bobe,

noe abataka oboronge bwabo.

ⅩⅢ Ekeene, abanyene oboronge ’mbaake ng’a mbuya mono ase erieta riao,

abare ne chinkoro chindonge ’mbamenye ase obosio bwao.