ⅩⅧ
Okogwa kwa Babiloni
Ⅰ Magega ase aya nkarora omomalaika onde ogoika korwa igoro. Oyo nigo arenge nokobua okonene, na ense ekamorekwa nobonene bwaye bokomeka‐meka. Ⅱ 18:2: a Isaya 21:9; Yer 51:8; Okom 14:8; b Isaya 13:21; Yer 50:39Akarera neriogi rie chinguru, ogoteeba,
“Babiloni ogure!
Babiloni, omochie oria omonene, ogure!
Obeire obomenyo bw’ebirecha,
na oboagacho bwa kera omoika bw’eubi,
na obwa kera enyoni etachenegeti na ey’okogechia.
Ⅲ 18:3: Isaya 23:17; Yer 51:7Naki abanto b’ebisaku bionsi
banyure edivai y’endamwamu y’obotomani bwaye,
na abarwoti b’ense batomanire nere,
na abaonchoreria b’ense betenenkirie
ase obonda bwaye obonge.”
Ⅳ 18:4: Isaya 48:20; Yer 50:8; 51:6,45Erio nkaigwa eriogi rinde korwa igoro, rigoteeba,
“Inwe abanto baane, karue asare,
erinde timobwatana nere ase ebibe biaye,
na konyora amaakwa amo nere.
Ⅴ 18:5: Omoch 18:20,21; Yer 51:9Naki ebibe biaye biaikire igoro,
na Nyasae oinyoire obobe bwaye.
Ⅵ 18:6: Zab 137:8; Yer 50:29Mokorere buna ere abakorerete inwe,
moakane ara kabere koreng’ana nogokora kwaye.
Ase ekenyugwa ekio ere abasang’ananeirie,
mosang’anerie na ere ara kabere.
Ⅶ 18:7: Isaya 47:7-9Na buna ere etogirie na kwegokia
atari gwetanga ase okorigia kwaye,
moe obororo na ogoichana koreng’ana boigo.
Nigo agoteeba ase enkoro yaye ime:
Inche ning’ikaransete eting’ana, tindi omoboraka,
gose tinkoba nomoichano nonya ng’ake!
Ⅷ Ase engencho eyio, ase rituko erimo rioka amaakwa aye nache,
naboigo namakweri, na omoichano, na enchara.
Ere nasambwe kegima nomorero,
ekiagera Omonene Nyasae Omobui, oyokomogambia, nare ne chinguru.”
Ⅸ 18:9: Ezek 26:16,17Abarwoti b’ense, abwo babwatanire nere ase obotomani na okogania okobe nabamoreere na komweumeria ekero bararore erioki ri’okoyia kwaye. Ⅹ Barabwo nigo baratenenere aare, ekiagera bare nokoiroka ase ogoakwa kwaye, na goteeba,
“Obobe, obobe nobwao, omochie oria omonene,
Babiloni, omochie ore ne chinguru,
naki ase ensa eyemo yoka okogambigwa kwao gwachire!”
Ⅺ 18:11: Ezek 27:31,36Na abaonchoreria b’ense bakorera na komweumeria, ekiagera onde tari oragore ebinto biabo naende: Ⅻ 18:12: Ezek 27:12,13,22Ebinto bie chitaabu, na ebie chifeta na ebi’amagena e rigori rinene, na ebie chiruru; chianga chi’egatani, na echimonyinga, na echi’ariri, na echire chimbariri mono; kera omote bw’ogotioka okuya, na kera egento keroisirie korwa ase amaino ’enchogu, na kera egento ki’omote bw’erigori rinene, na egi’etai, na egi’ekioma, na eki’amagena akomeka‐meka; ⅩⅢ omodalasini, na ekarafuu,*18:13 Ekarafuu: ebinsari gete ebiroro se na manemane, na amaguta akweakwa, na ubani na edivai, na amaguta, na obosie obonuke, na engano, ne chiombe, ne ching’ondi, ne chibarasi, ne chigari, na emebere ya Mwanyabaanto na emioyo yabo.
ⅩⅣ “Okwama koria omoyo oo oganetie kwagosireirie,
na ebinto bionsi ebiterere.
Na ebinto bikomeka‐meka biagosireirie,
gose tokonyara kobinyora naende nonya ng’ake!”
ⅩⅤ 18:15: Ezek 27:31,36Na abaonchoreria b’ebinto ebio, abwo betenenkirie ase engencho yaye ere, nigo baratenenere aare, ekiagera bare nokoiroka ase ogoakwa kwaye, bakorera na kweumia, ⅩⅥ bagoteeba,
“Obobe, obobe nobwaye, omochie oria omonene,
oyoboirie egatani engiya,
na eanga emonyinga, na eyere embariri mono,
ochabeire chitaabu, na amagena e rigori rinene, ne chiruru.
ⅩⅦ 18:17: Isaya 23:14; Ezek 27:26-30Naki ase ensa eyemo yoka obotenenku obonge buna iga bwabeire bosa.”
Na abateneneri bonsi be chimeeri, na bonsi ababogorigwa ne chimeeri, na abagendia be chimeeri, na abwo bonsi bagokora emeremo ase enyancha bagatenena aare, ⅩⅧ 18:18: Ezek 27:32bakorera mono ekero bachia korora erioki ri’okoyia kwaye, bagateeba,
“Omochie ki ogwekaine omochie oyio omonene?”
ⅩⅨ 18:19: Ezek 27:30-34Bagasiara ebuse igoro ase emetwe yabo, bakorera, na gokuura, na kweumia, bagoteeba,
“Obobe, obobe nobwaye, omochie oria omonene!
Ase chinibo chiaye bonsi ababwate chimeeri ase enyancha betenenkirie.
Ase ensa eyemo yoka obeire bosa.
ⅩⅩ 18:20: Okoir 32:43; Yer 51:48Goka igoro yaye, inwe aba igoro,
inwe abachenu, na abatomwa, na ababani,
naki Nyasae namogambetie ere, ekiagera ere abagambetie inwe!”
ⅩⅪ 18:21: a Yer 51:63,64; b Ezek 26:21Erio omomalaika oyomo bw’echinguru akaimokia rigena rire buna orogena oronene rogosia, akariruta ase enyancha ime, akabora,
“Buna iga, ase chinguru na ekerundo,
Babiloni, omochie oria omonene, norutwe inse,
gose tokonyara kororekana nonya ng’ake.
ⅩⅫ 18:22: Ezek 26:13; Isaya 24:818:22: Yer 7:34; 25:10Amariogi ’abakobugia amakano na ebiroria, na ebitureeri,
takoigugwa nonya nomooroisia o gento kende gionsi
takororekana ime ase ore naende nonya ng’ake;
nonya neriogi ri’orogena rogosia tirikoigugwa ime ase ore naende nonya ng’ake; ime ase ore naende nonya ng’ake;
ⅩⅩⅢ nonya noborabu bw’etaya tibokomoreka ime ase ore naende nonya ng’ake;
nonya neriogi ri’omonywomi na eri ’omoriakari takoigugwa ime ase ore naende nonya ng’ake.
Abaonchoreria bao nigo barenge abanene b’ense,
na abanto b’ebisaku bionsi bang’ainetwe ase oborogi bwao.
ⅩⅩⅣ 18:24: Yer 51:49Ime y’omochie oria akanyorekanao amanyinga y’ababani,
na ay’abachenu, na aya baria bonsi abaitetwe ase ense.”
ⅩⅧ:Ⅱ 18:2: a Isaya 21:9; Yer 51:8; Okom 14:8; b Isaya 13:21; Yer 50:39
ⅩⅧ:Ⅲ 18:3: Isaya 23:17; Yer 51:7
ⅩⅧ:Ⅳ 18:4: Isaya 48:20; Yer 50:8; 51:6,45
ⅩⅧ:Ⅴ 18:5: Omoch 18:20,21; Yer 51:9
ⅩⅧ:Ⅵ 18:6: Zab 137:8; Yer 50:29
ⅩⅧ:Ⅶ 18:7: Isaya 47:7-9
ⅩⅧ:Ⅸ 18:9: Ezek 26:16,17
ⅩⅧ:Ⅺ 18:11: Ezek 27:31,36
ⅩⅧ:Ⅻ 18:12: Ezek 27:12,13,22
*ⅩⅧ:ⅩⅢ 18:13 Ekarafuu: ebinsari gete ebiroro se
ⅩⅧ:ⅩⅤ 18:15: Ezek 27:31,36
ⅩⅧ:ⅩⅦ 18:17: Isaya 23:14; Ezek 27:26-30
ⅩⅧ:ⅩⅧ 18:18: Ezek 27:32
ⅩⅧ:ⅩⅨ 18:19: Ezek 27:30-34
ⅩⅧ:ⅩⅩ 18:20: Okoir 32:43; Yer 51:48
ⅩⅧ:ⅩⅪ 18:21: a Yer 51:63,64; b Ezek 26:21
ⅩⅧ:ⅩⅫ 18:22: Ezek 26:13; Isaya 24:8
ⅩⅧ:ⅩⅫ 18:22: Yer 7:34; 25:10
ⅩⅧ:ⅩⅩⅣ 18:24: Yer 51:49