Ⅰ Onye ndiria kwarenge koba momura ominto,

kwagongete orobeere rwa baba!

Onye ndiria naumeranete naye isiko,

nanga nigo nare gokonyunyunta,

na onde tare gonchaya.

Ⅱ Nigo nanga nakorentete mwa baba,

obe gokonyorokereria.

Nigo nare gocha gokoa onywe edivai yochoganirie ebinsari,

naende nkoe amaache amitire korwa ase amakomomanga aane.

Ⅲ Okoboko kwaye kwa bomosi*8:3 bomosi: okoboko gwokobee nigo kore inse y’omotwe one,

na okwa borio†8:3Borio: okoboko gwokorio komboanetie.

Ⅳ Inwe abasubati ba Yerusalemu, nigo nkobasorora

na kobatiania ng’a timobaisa gotabobora obwanchani na koboichania,

goika bobe bwancheranire obonyene.

Ⅴ Monto ki oria ogotiira gocha aa korwa ase erooro,

oyio bweegegete omwanchi oye?

Agwo inse y’omote bw’amapera inche nigo nagoturete oboke.

Aroro agwo nyoko nigo arenge nobororo bw’okobina akoibore,

ee, agwo nao nyoko akoiborerete ore nobororo.

Ⅵ Imbeke ase enkoro yao imbe buna ebonyi ere nekemanyererio,

ee, buna ebonyi ere nekemanyererio ase okoboko kwao.

Obwanchani nigo bore ne chinguru buna amakweri,

ne ribero nigo rire ritindi buna embeera.

Ogwoka kw’obwanchani nigo konga ebibemberi bi’omorero,

ee, nekebemberi gekorwa ase Omonene.

Ⅶ Amaache are amange mono takonyara gokendia obwanchani,

gose chindooche tichikonyara koboiranana.

Omonto naisa korua obotenenku bwonsi bw’enyomba yaye konyora obwanchani,

oyio nigo arachaywe.

Ⅷ Intwe ntobwate omoiseke ominto ore omoke,

korende tabwati mbeere;

ekero engaki yaye erache akorigigwa anyuomwe,

ninki torakorere omoiseke oyio ominto?

Ⅸ Ere karabe orwaki, ntoagache igoro yaye omoorobiri oroiseirie efeta,

korende karabe egesieri, rirorio ntomosiekere ne chibao chi’emecharake.

Ⅹ Inche nigo inde orwaki,

ne chimbeere chiane nigo chinga buna emerobiri;

ase ayio nkaba ase amaiso aye

buna oyo onyorire omorembe.

Ⅺ Sulemani nabwate omogondo bw’emesabibu agwo Baali‐Hamoni,

akayotigera abarendi,

na kera omorendi nigo arenge korenta chitaabu chi’echifeta elifu eyemo

goakanera amatunda.

Ⅻ Korende omogondo bw’emesabibu oyore oyone bori

ninche omonyene nyorendete.

Aye Sulemani, ira chilifu chiao,

na abarendi b’amatunda baire amagana abere.

ⅩⅢ Aye oria omenyete ase emegondo,

abagisangio baane nigo bategererete baigwe eriogi riao,

tiga nainche indiigwe.

ⅩⅣ Aye omwanchi one, minyoka bwango,

obe buna engabi gose ensune ensae

ekominyoka igoro ase ebitunwa bire nebimeri bigotioka buya.