1 Kings
2
DAVIDANGKA SOLOMONANDA KUKU NGULKURR BALKAN
1 Kings 2.1-4
1-4 David wulmanman, nyulu nyungu kangkal Solomon kunjan, yalaman, “Ngayu wulman bajaku, ngayu kunbay yurranka. Wawu wulanyamun yundu kingmal. Yundu junkayku dungay, Godumu kuku wukurrika, kuku nyulu Mosesanda dajin. Kaki yundu God wukurril, nyulu yunun ngulkurrduku kujil yala nyulu ngadiku promiseim-bungan.
DAVID WULAN
1 Kings 2.10-12
10-12 Wawu yinyamun David wulan. Jana nyungun juljalba nandan townbu Jerusalem. Nyulu kingman bamanka Israel-warranka 40 years. Yinyamun Solomon, Davidamu kangkal, nyulu kingman. Nyulu bama Israel-warra ngulkurrduku kujin, junkurrjiman.