22
सै न्होरए बारेर ठिम पिंब
1 “खाबज्यै या क्ल्या अथवा क्यु ह्योसि सैलेया चुँलेया, चइ क्ल्याए खि क्ल्या ङ्ह नेरो क्युए खि क्यु प्लि पिंल् त्हुम्।
2 “ह्योइ म्हुँइँसर धिंर ह्योरिबै तोंर स्याइ बिस्याँ चलाइ प्रिंमा च सियास्याँ, चलाइ सैवाबै छ्याब् प्रिंबै म्हिए फिर खरिब् आरे। 3 दिलेया त्हिंयाँ प्योल् खाँइमुँ बिस्याँ, चए फिर म्हि सैबै छ्याब् ल्हैदिब्मुँ।
“ह्योइ दण्ड फोल् त्हुम्। ह्योसि बोबै सै क्ल्या, गदा, क्यु तो मुँलेया स्याइ बिस्याँ चए ङ्हिथु फोल् त्हुम्। 4 ह्योने बालु फोबै सै तोइ आरेस्याँ, चइ ह्योबै के लबइले चइ फोल् त्हुबै दण्ड केब्छैं तसि फोल् त्हु म्।
5 “खाबज्यै ह्रोंसए खेदो रेंबर पिवामा खेदोइ आगुए म्रोंर्बै रा-रोमै चवास्याँ, खेदोए क्ल्हेइ ह्रोंसए म्रों नेरो अँगुरए बारिर्बै ताँन् भन्दा छ्याँबै रोमैं खि पिंल् त्हुम्।
6 “खाबज्यै ह्रोंसए म्रोंर घुरान्मैं ख्रोंमा आगुए म्रोंर्बै खेतिमैं तोइ आचल्ले ख्रोंवाँइ बिस्याँ, चए खि घुरान्मैं ख्रोंबै म्हिइन पिंल् त्हुम्।
7 “खाबज्यै ह्रोंसए ङ्हेब्मैंने मुइ मुँले अरू तो सै मुँले थेंल् पिंइ, झाइले च म्हिए धिंउँइँले ह्योवाइ धै ह्योलाइ स्याइ बिस्याँ च ह्योइ तिंबाँर ङ्हिंबाँ तेंसि पिंल् त्हुम्। 8 दिलेया ह्यो आस्यास्याँ, ङ्हेब्मैंइ थेंल् पिंबै सै धिं क्ल्हेइन लोइ उ आलो बिसि था सेबै ल्हागिर छेनाले निसाफ लबै म्हिमैं ङाँर च ह्यारिगे।
9 “क्ल्या, गदा, क्यु, क्वें, तो मुँले म्हह्याबै सैए बारेर खाबज्यै ‘च सै ङल ग’ बिइ बिस्याँ, चमैं ङ्हिंन-ङ्हिंन् निसाफ लबै म्हिमैं ङाँर ह्यारिगे। धै निसाफ लबै म्हिमैंइ दोषि ठर्दिबै म्हिइन ह्रोंसए ङ्हेब्मैंलाइ तिंबाँर ङ्हिंबाँ तेंसि पिंल् त्हुम्।
10 “छलेन खाबज्यै ह्रोंसए ङ्हेब्मैंलाइ गदा, क्ल्या, क्यु थेंल् पिंइ, दिलेया च खेदो खाबज्यै आम्रोंल्ले सियालेया, ने म्योंलेया अथवा खाबज्यै ल्हा बोइ बिस्याँ, 11 ह्रोंसए ङ्हेब्मैंए सैमैं ङइ आछुइमुँ बिसि याहवेहए ओंसों कसम चसि चमैं ङ्हिंए न्होंरि आक्ह्रिबै ताँ क्ह्रिरिगे। धै खेदोए क्ल्हेइ च ताँ ङिंरिगे, छलमा ङ्हेब्मैंए सै थेंबै म्हिइ खि फोल् आत्हु। 12 दिलेया खेदो ङ्हेब्मैंन ह्योब् ग बिस्याँ, खेदोए क्ल्हेलाइ खि फोल् त्हुब्मुँ। 13 क्ह्योंर्बै चें भलुइ खेदोलाइ सैवाइ बिस्याँ, च खेदो थेंबै म्हिइ खेदोए सिनु फखसि उँइँल् त्हुब्मुँ। धै च खेदो चें भलुइन सैवाब् ग बिस्याँ खेदो थेंबै म्हिइ खि फोल् आत्हु।
14 “खाबज्यै ह्रोंसए ङ्हेब्मैंउँइँले खेदो ङैसि बोमा क्ल्याए क्ल्हे आरेमा क्ल्या नें म्योंइ अथवा सियाइ बिस्याँ, ङैबै म्हिइ चए खि पिंरिगे। 15 दिलेया क्ल्याए क्ल्हे क्ल्यानेन् मुँस्याँ ङै बोबै म्हिइ चए खि फोल् त्हुरिब् आरे। च खेदो नों सै फोसि पखब् ग बिस्याँ, चए नोक्सन् तब नों सैन पूरा लब्मुँ।
समाजर्बै जिम्मा
16 “खाबज्यै मग्नि आतबै कन्येलाइ न्होंवाइ बिस्याँ, न्होंवाबै म्हिइ प्ह्रेंस्योए सै फोसि च कन्येने ब्ह्या लरिगे। 17 दिलेया आबाइ च्हमिलाइ च मुँयुँने ब्ह्या लल् आपिंस्याँ, कन्येए छ्या अनुसार च मुँयुँइ कन्येए आबालाइ मुइ फोल् त्हुम्।✡ 22:16-17 व्य २२:२८-२९
18 “जादु लबै च्हमिरि सोगों आथेंन्।✡ 22:18 व्य १८:१०-११
19 “खेदोने न्होंब्मैं सैवाल् त्हुम्।✡ 22:19 लेबी १८:२३; २०:१५-१६; व्य २७:२१
20 “याहवेह बाहेक अरू देवतालाइ ख्रो पिंब्मैं खैलसेया सैवाल् त्हुम्।✡ 22:20 व्य १७:२-७
21 “आगुए ह्युलर्बै म्हिमैंलाइ दुःख आपिंन्, धै न्होह्रों या आलद, तलेबिस्याँ क्हेमैं या मिश्रर परदेशि मुँल।
22 “म्हरेस्यो नेरो आबा आरेब्मैं आलुडिद्।✡ 22:21-22 प्रस २३:९; लेबी १९:३३-३४; व्य २४:१७-१८; २७:१९ 23 क्हेमैंइ लुडिसि चमैंइ ङने ग्वार ह्रिमा ङइ चमैंए ताँ थेब्मुँ। 24 ङ बेल्ले ह्रिस खसि सेलाँइ क्हेमैं सैवाब्मुँ, झाइले क्हेमैंए प्ह्रेंस्योमैं म्हरेस्यो तब्मुँ धै क्हेमैंए च्ह-च्हमिंमैं आबा आरेब्मैं तब्मुँ।
25 “क्हेमैंने बालु मुँबै ङए ङ्हाँदु म्हिलाइ क्हेमैंइ छे पिंइ बिस्याँ चए फिर क्ल्हे आप्हैंन्, चने ब्याजै या आकिंन्।✡ 22:25 लेबी २५:३५-३८; व्य १५:७-११; २३:१९-२० 26 क्हेमैंए ङ्हेब्मैंए नेंबै क्वें क्हिइ धितोर थेंइमुँ बिस्याँ, त्हिंयाँ लिब् भन्दा ओंसोंन् च क्वें एमिंन्, 27 तलेबिस्याँ चल नेंबै क्वें च घ्रि मत्त्रे ग। च घ्रि या क्हिइ थेंवास्याँ च तो नेंसि रोब? छतसि चइ ङने ग्वार ह्रिइ बिस्याँ ङ चए ताँ थेब्मुँ, तलेबिस्याँ ङइ ल्हयो खमुँ।✡ 22:26-27 व्य २४:१०-१३
28 “परमेश्वर आस्यारद्, छलेन क्हेमैंए फिर्बै चिब्मैंलाज्यै या सराप आझोंन्।✡ 22:28 चिब्मैं २३:५
29 “क्हेमैंए म्रोंर्बै रोमैं नेरो अँगुरए खुगु परमेश्वरए मिंर पखबर क्हैन् आलद्।
“क्हेमैंए च्ह थेब ङए ल्हागिर पिंन्।
30 “छलेन क्हेमैंए खेदोमैं नेरो क्युमैं या ङलाइ पिंन्। च ओंसों फिबै खेदोए प्हसे ङिगें समा ह्रोंसए आमाने टिरिगे, प्ह्रेगैंर बिस्याँ क्हेमैंइ च खेदोए प्हसे ङए ल्हागिर पिंन्।
31 “क्हेमैं ङए पक्का म्हिमैं* 22:31 ङए पक्का म्हिमैं जिब्रू क्युइर, ङए पबित्र म्हिमैं, अर्थ अरू देवता आम्हाँदिल्ले याहवेहन म्हाँदिबै म्हिमैं तल् त्हुम्। छतसि क्हेमैंइ चें भलुइ सैबै खेदोए से आचद्। च से क्हेमैंइ नगिमैं पिंन्।✡ 22:31 लेबी १७:१५
✡22:17 22:16-17 व्य २२:२८-२९
✡22:18 22:18 व्य १८:१०-११
✡22:19 22:19 लेबी १८:२३; २०:१५-१६; व्य २७:२१
✡22:20 22:20 व्य १७:२-७
✡22:22 22:21-22 प्रस २३:९; लेबी १९:३३-३४; व्य २४:१७-१८; २७:१९
✡22:25 22:25 लेबी २५:३५-३८; व्य १५:७-११; २३:१९-२०
✡22:27 22:26-27 व्य २४:१०-१३
✡22:28 22:28 चिब्मैं २३:५
*22:31 22:31 ङए पक्का म्हिमैं जिब्रू क्युइर, ङए पबित्र म्हिमैं, अर्थ अरू देवता आम्हाँदिल्ले याहवेहन म्हाँदिबै म्हिमैं
✡22:31 22:31 लेबी १७:१५