54
शत्तुरमैंउँइँले जोगेमिंन् बिसि लबै प्राथना
क्वे प्रिंब्मैंए चिबए ल्हागिर बीणा-सारङ्गीं ह्रादै प्रिंबै भजन। जीपथेंमैं शाऊल ङाँर ह्यासि “दाऊद ङ्योए न्होंर लोइमुँ,” बिमा✡54:0 १ शमू २३:१३-२९; २६:१-५ दाऊदइ चु मस्किल*54:0 मस्किलए मतलब पक्का था आरे, दिलेया ज्ञान बुद्धि पिंबै क्वे मुँलै। प्ह्रिइ।
1 ओ परमेश्वर, क्हिए थेबै भोंइ ङ जोगेमिंन्,
क्हिए शक्तिइ ङलाइ छ्याब् आरेब लमिंन्।
2 ओ परमेश्वर, ङए प्राथना थेमिंन्;
ङए सुँउँइँले त्होंबै ताँ फुँमैंर न्ह तोमिंन्!
3 तलेबिस्याँ स्याँमैंइ ङए न्होह्रों लम्;
ल्हयो आखब्मैंइ ङलाइ सैल् म्हैइमुँ;
चमैंइ खोंयोंइ परमेश्वरलाइ आमैं।
तिस्याँदे मैंन्
4 परमेश्वरजी खैलसेया ङलाइ ल्होमिंम्,
याहवेहजी ङ जोगेमिंम्।
5 ङए शत्तुरमैंइ लबै आछ्याँबै केमैंए दण्ड खीजी चमैंलाइ पिंब्मुँ।
ठिक निसाफ लसि क्हिजी चमैं नास लवाद्।
6 ओ याहवेह, क्हिजी ङए ताँन् दुःखउँइँले खैलसे फ्रेमिंब्मुँ,
धै ङए शत्तुरमैंए फिर ङ ट्होगों तब ङइ म्रोंब्मुँ।
7 छतसि सैं तोंदै ख्रो किंसि ङ क्हि ङाँर खब्मुँ;
क्हिए मिं छ्याँब मुँ, छतसि ङइ क्हिए मिं थेब् लब्मुँ।