75
परमेश्वरजी खाबै आफेलल्ले निसाफ लम्
क्वे प्रिंब्मैंए चिबए ल्हागिर “नास आलद्” बिबै भाकार प्रिंबै आसापए भजन घ्रि, क्वे घ्रि।
1 ओ परमेश्वर, ङिइ क्हिलाइन धन्यबाद पिंम्,
क्हि*75:1 क्हि हिब्रू क्युइर, क्हिए मिं ङिए चेंदो मुँ, छतसि ङिइ क्हिलाइ धन्यबाद पिंम्।
क्हिजी लबै औदिबै केमैंए बयन् म्हिमैंइ लम्।
2 “ङजी ठिक त्हे तोक्दिइमुँ,” बिसि परमेश्वरजी बिइमुँ।
“च त्हेर खाबै आफेलल्ले ङइ निसाफ लब्मुँ,
3 पृथ्बी नेरो चर मुँबै ताँन् सैमैं त्हारलेया
पृथ्बीए त्होमैं थाम्दिसि थेंब ङन् ग।
तिस्याँदे मैंन्
4 थेब् प्हैंब्मैंने ङजी बिमुँ, ‘थेब् आप्हैंन्’,
धै दुष्टमैंने बिमुँ, ‘क्हेमैं थेब प्हैंसि ओक्रों आतद्;
5 क्हेमैं स्वर्गए बिरोधर पोंसि ओक्रों आतद्;
थेब् प्हैंसि आपोंन्।’ ”
6 स्याराउँइँले (पुर्वाउँइँले) मुँलेया न्हुँरउँइँले (पश्चिमउँइँले) मुँलेया
क्यु आयोंबै क्ल्ह्योउँइँले मुँलेया
खाबज्यै या म्हिलाइ थेब् लल् आखाँ।
7 दिलेया परमेश्वरजीन् निसाफ लमा
घ्रिलाइ च्योंब लमुँ, घ्रिलाइ थेब लमुँ।
8 याहवेहए योर प्हेल घ्रि मुँ,
खीए ह्रिसइ च प्हेलर प्लिंइमुँ।
पृथ्बीर्बै दुष्टमैं ताँनइ दण्ड योंम्,
प्हेलर मुँबै सै तोइ आचैल्ले चमैं थुँल् खाँल् त्हुम्।
9 दिलेया खीजी लबै थे-थेबै केमैंए बयन ङ खोंयोंन् बिले लब्मुँ;
याकूबए परमेश्वरए मिं क्वेसि ङ क्वे प्रिंब्मुँ,
10 तलेबिस्याँ परमेश्वरजी बिइ,
“ताँन् दुष्टमैंए भों†75:10 भों हिब्रू क्युइर, रु ङइ नास लवाब्मुँ,
दिलेया ठिक के लब्मैंए भों थेब लमिंब्मुँ।”