80
ङिए ह्युल धबै भोंब लमिंन्
क्वे प्रिंब्मैंए चिबलाइ, “बाछाए लिलि टमैं” बिबै भाकार प्रिंबै आसापए भजन घ्रि।
1 ओ इस्राएलए प्ह्रोंछैं, न्ह तोमिंन्!
तलेबिस्याँ क्युए बगल धोंले क्हिजी योसेफए सन्तानमैंलाइ*80:1 योसेफए सन्तानमैं योसेफए च्ह ङ्हिं एफ्राइम नेरो मनश्शे मुँल, धै बेन्यामीन चए अलि मुँल। चमैंए कुल सों खोंयों खोंयों बालुन् बिमल। (भज ८०:२) डोरेम्।
क्हि करूबमैंए†80:1 करूबमैंए प्ह्यागों मुँबै सो प्ह्याबै सैमैं। च करूबमैए प्ह्यागोंमैंइ ठिममैं प्ह्रिबै युँमाए प्लना थेंबै बाकस हुल। (प्रस्थान २५:१०-२२) म्हाँजोर टिम्,
छतसि क्हिए शक्ति उँइँमिंन्।✡80:1 प्रस २५:२२
2 एफ्राइम, बेन्यामीन नेरो मनश्शे बिबै कुलमैंए उँइँर
क्हिए शक्ति उँइँमिंन्,
धै ङि जोगेमिंबर युमिंन्!
3 ओ परमेश्वर, ङिए ह्युल धबै भोंब लमिंन्;
ङिए फिर लहयो लद्, धै ङि सोब्मुँ।
4 ओ याहवेह, स्वर्गर्बै सेनामैंए चिब, परमेश्वर,
ह्रोंसए म्हिमैंए प्राथना थेसि खोंयों समा क्हि ह्रिस खरिब्मुँ?
5 क्हिजी चबै ल्हागिर चमैंलाइ न्हुँ पिंइमुँ,
धै ल्हें-ल्हें मिग्लि थुँल् पिंइमुँ।
6 क्हिजी ङिए खागु टिबै ह्रेंमैं प्होंबर खल् पिंइमुँ,
धै ङिए शत्तुरमैंइ ङिलाइ प्ह्रम्।
7 ओ सेनामैंए परमेश्वर, ङिए ह्युल धबै भोंब लमिंन्;
ङिए फिर लहयो लद्, धै ङि सोब्मुँ।
8 अँगुरए धुँ घ्रि धोंले क्हिजी ङिलाइ मिश्र ह्युलउँइँले पखमिंइ;
क्हिजी अरू ह्रेंमैं ल्हावासि च धुँ कनान ह्युलर रुँइँइ।
9 क्हिजी च रुँइँबै ल्हागिर स ताइ;
च धुँए जर गैरुले च्योंमा च जर ह्युल तिगोंन् फैलिदिइ।
10 च धुँए छरिइ कोंमैं हुवाब् धोंले ङिइ ताँन् ह्युल ट्होवाइ,
चए हाँगमैंइ लेबनानर्बै थे-थेबै देवदारु बिबै धुँमैं हुवाइ।
11 चए हाँगमैं थेबै मा ङ्युँइ‡80:11 च मा ङ्युँइलाइ तिंजोरो मेदितेरैनियन अथवा भुमघ्यसागर बिम्, इस्राएल ह्युलउँइँले पश्चिम मुँ। समा
नेरो चए च्होमैं यूफ्रेटिस बिबै स्यों§80:11 यूफ्रेटिस बिबै स्यों इस्राएल ह्युलउँइँले पूर्वा मुँ। समा फैलिदिइ।
12 दिलेया तोगो च अँगुरए धुँ मुँबै गारामैं क्हिजी तले फुवाल?
च घ्याँउँइँले ह्याब्मैं ताँनइ चए रोमैं ह्योम्।
13 क्ह्योंर्बै तिलिमैंइ च धुँ नास लब् धोंले,
धै क्ह्योंर्बै खेदोमैंइ चए रोमैं चब् धोंले,
ङिए खागु मुँबै ह्रेंमैंइ ङिलाइ नास लवाइ।
14 ओ सेनामैंए परमेश्वर, ङि ङाँइ तोमिंन्!
स्वर्गउँइँले क्युरु ङ्ह्योमिंन्,
धै च अँगुरए धुँ छेनाले छैं लमिंन्।
15 च अँगुरए धुँ क्हिजी ह्रोंसए क्योलो योइ रुँइँब् ग,
धै क्हिजी ह्रोंसए ल्हागिर फारमिंबै च्ह ङि ग!
16 दिलेया शत्तुरमैंइ क्हिए अँगुरए धुँ थोवासि मिइ ख्रोंइमुँ!
क्हिजी हौदिमा क्हिए म्हिमैं नास तयाम्!
17 ह्रोंसजी त्हाँबै ह्रेंलाइ आशिक पिंन्!
चमैंलाइ क्हिजी भोंब् लमिंइ।
18 छलस्याँ क्हिउँइँले ङि खोंयोंइ क्हो तोरिब् आरे;
ङिलाइ सोगों लमिंनु, धै ङि क्हिए मिं क्वेब्मुँ।
19 ओ याहवेह, क्हि स्वर्गर्बै सेनामैंए चिब, नेरो परमेश्वरन् ग! ङिए ह्युल धबै भोंब लमिंन्;
ङिए फिर लहयो लद्, धै ङि सोब्मुँ।
*80:1 80:1 योसेफए सन्तानमैं योसेफए च्ह ङ्हिं एफ्राइम नेरो मनश्शे मुँल, धै बेन्यामीन चए अलि मुँल। चमैंए कुल सों खोंयों खोंयों बालुन् बिमल। (भज ८०:२)
†80:1 80:1 करूबमैंए प्ह्यागों मुँबै सो प्ह्याबै सैमैं। च करूबमैए प्ह्यागोंमैंइ ठिममैं प्ह्रिबै युँमाए प्लना थेंबै बाकस हुल। (प्रस्थान २५:१०-२२)
✡80:1 80:1 प्रस २५:२२
‡80:11 80:11 च मा ङ्युँइलाइ तिंजोरो मेदितेरैनियन अथवा भुमघ्यसागर बिम्, इस्राएल ह्युलउँइँले पश्चिम मुँ।
§80:11 80:11 यूफ्रेटिस बिबै स्यों इस्राएल ह्युलउँइँले पूर्वा मुँ।