133
आघें-अलिमैं क्ह्रिसि टिब
कैंडो क्रेबै त्हेए ल्हागिर दाऊदइ प्ह्रिबै क्वे घ्रि
1 थेद्, आघें-अलिमैं क्ह्रिसि टिब
बेल्ले छ्याँबै सैं तोंबै ताँ ग!
2 सै ल्हें फेबै छ्युगु हारूनए*133:2 हारून मोशाए आघें मुँल, धै च इस्राएलर्बै ओंसोंबै खेगि क्रथे मुँल। खेगि क्रथेए के लबर त्हाँबै ल्हागिर चए क्रए फिर ल्हें मुइ ह्याबै छ्युगु युमिंमल। (प्रस्थान २९:७; ३०:२२-३०; लेबी ८:१२) क्रर युमिंब् धोंब चु तम्।
च छ्युगु हारूनए दाह्रि समा युम्,
चए क्वेंए ङाँ समा फेनेम्।
3 हेर्मोन बिबै कोंर्बै†133:3 हेर्मोन बिबै कों इस्राइल ह्युलर्बै ताँन् भन्दा नुबै कों मुँ। यरूशलेम हेर्मोनउँइँले ह्रेंगो मुँलेया, हेर्मोन कोंर युबै क्यु यरूशलेम समा फेनेम्। शीत धोंन् च छ्याँब तम्!
च शीत सियोनर्बै कोंमैंर युम्।
चर्न खोंयोंइ आखाँबै छ्ह योंबै आशिक युरिगे बिसि
याहवेहजी बिइमुँ।
*133:2 133:2 हारून मोशाए आघें मुँल, धै च इस्राएलर्बै ओंसोंबै खेगि क्रथे मुँल। खेगि क्रथेए के लबर त्हाँबै ल्हागिर चए क्रए फिर ल्हें मुइ ह्याबै छ्युगु युमिंमल। (प्रस्थान २९:७; ३०:२२-३०; लेबी ८:१२)
†133:3 133:3 हेर्मोन बिबै कों इस्राइल ह्युलर्बै ताँन् भन्दा नुबै कों मुँ। यरूशलेम हेर्मोनउँइँले ह्रेंगो मुँलेया, हेर्मोन कोंर युबै क्यु यरूशलेम समा फेनेम्।