EBBALUWA EYOKUBIRI
OYOKAANA
EGIYAWANDIIKIRE
Enyanjula
Ebbaluwa ya Yokaana eyokubiri, eyagiwandiikire niiye omutume oYokaana. Yagiwandiikire akati wʼomwanka gwa 50-100 nga bamalire okubyala oKurisito. Ebbaluwa eenu, yagiwandikiire mukali oKibbumba oguyalonderemu era nʼabaana bʼomukali oyo (1:1). Kyezyeka okubba kiti yabbaire atumula ku kanisa. OYokaana tiyeetoolayo ngʼomuwandiiki, wazira yeeyeta mukaire. Ebiri omu bbaluwa eenu, bifaanana nʼebiri omu Mawuliro aMasa ngʼoYokaana oweyagawandiikire. Ekyo kiboneka eino mu ngeri oYokaana egyakalaatira ekiragiro kya Kurisito ekyokutakangananga, nʼomu ngeri egyafaananiamu okutaka oKurisito nʼokugondera ebiragirobye (2Yo 1:5-6, Yok 15:9-10).
Ekigendererwa kya Yokaana okuwandiika ebbaluwa eenu, kyabbaire kugumya kanisa nʼokubalabula ku beegesi abʼobubbeyi.
Engeri egibyecaanamu
1. Okwanjula era nʼobusugirye 1-3.
2. Okugumya ekanisa era nʼokubeewukirya ekiragiro ekikulu 4-6.
3. Okulabula oku beegesi bʼobubbeyi 7-11.
4. Ebibono ebisembayo 12-13.
1
Ninze omwekubbemberi, mpandiikira niiwe omukali oKibbumba oguyalonderemu era nʼabaanabo,* 1:1 Ooba, Ekanisa oKibbumba egiyalonderemu. inywe abentaka nʼomwoyo gumo. Kaisi nago tininze zenkani mbataka, neye nʼabo bonabona abamaite amazima bona babataka olwakubba amazima gabba mu niiswe, era twabbanga nago emirembe nʼemirembe.
Aale oKibbumba oItewaiswe nʼoYesu Kurisito oMwanawe oyo, batukwatirenge ekisa, era batusaasirenge, era batuwenge eidembe, ibyo ebyo byonabyona nga tubisuna mu mazima ga Kibbumba era nʼomu kutakangana.
Amazima nʼokutakangana
Cooka nasangaire ino owenamanyicirye nti abamo kwinywe mutambulira omu mazima, ngʼoItewaiswe oweyatulagiire. Era kale mbasaba, inywe ekibbula kyabaikirirya nti aale oleke swenaswena tutakanganenge. Ikyo ekyo tikiragiro kiyaaka ekimbawandiikiraku. Cooka ikyo niikyo ekiragiro nago nenca ekitubbaire tumaite okuzwera nakimo owetwaikiriirye. 1:5 Yok 13:34; 15:12,17 Ikwo okutaka okwo okuntumulaku kutegeeza kuti; tuteekwa okubba mukugonderanga biragiro bya Kibbumba. Ikyo ekiragiro nago ekyo, ngʼowemwakiwuliire okuzwera nakimo owemwaikiriirye, niikyo ekiti, muteekwa nywenanywena okutakangana.
Cooka ibo ababbeyi bangi abamalire ira okusalaanikira omu kyalo kyonakyona. Niibo abo abataikirirya bati oYesu Kurisito yaizire ngʼomuntu. Iye omuntu ali ooti baabo, abba mubbeyi era abba mulabe wa Kurisito. Aale mwekuume kaisi mwezye okutafiirwa ekitwateganiire, 1:8 Ooba, Ekimwateganiire. wazira mwezye okusuna empeera yaanywe omu bwizulye.
Kale nabuli muntu iye ayongereryaku ebiseego ebibye oku bintu oKurisito Yesu ebiyayegeserye, era atatambulira omu kwegesya kwa Kurisito abba abula oKibbumba. Cooka oyo iye atambulira omu kwegesya kwa Kurisito, abba ali nabo bonabona, oIteeye nʼoMwana. 10 Kale singa omuntu yenayena aiza egimuli era nga taleeta njegesya ya Kurisito eyo, timumwanirizanga omu bisito byanywe, era timumusangaaliranga ngʼowoluganda. 11 Era oyo iye amusangaalira ngʼowoluganda abba agabanira aamo naye omu bikolebye ebibbibibbi.
12 Cooka waire ndi na bingi ebyokubamanyikisya, neye tintaka kubibawandiikira mubbaluwa. Wazira, nsuubira kwiza-bwizi eeyo, ntumule na inywe maiso ku maiso, kaisi oolwo eisangaalo lyaiswe lyezye okubba mu bwizulye.
13 Kale abaana ba mugandawo 1:13 Abaana ba mugandawo, beezya okubba niibo abaikirirya bʼomu kanisa oYokaana egiyakumbaaniranga. yena oKibbumba oguyalonderemu 1:13 1:1 babaweereirye obusugirye bwabwe.

*1:1 1:1 Ooba, Ekanisa oKibbumba egiyalonderemu.

1:5 1:5 Yok 13:34; 15:12,17

1:8 1:8 Ooba, Ekimwateganiire.

1:13 1:13 Abaana ba mugandawo, beezya okubba niibo abaikirirya bʼomu kanisa oYokaana egiyakumbaaniranga.

1:13 1:13 1:1