14
Eeri akubbembera abembi. EZabbuli ya Dawudi.
Abakola ebibbibibbi
(Zab 53)
1 Abasirusiru bakoba omu myoyo gyabwe bati,
“Mpaawo Kibbumba.”
Boonoonoki, era bakola bibbibibbi;
mpaawo akola ebisa.
2 OMusengwa asinzirira omwigulu,
nʼalingirira abantu bonabona,
okubona nga waliwo amutegeera,
ooba nga waliwo amunoonia.
3 Neye abantu bonabona bamuzwireku,
ni basuuka ekitagasa egyali.
Mpaawo akola ebisa,
era kadi waire moiza.14:1-3 Lom 3:10-12
4 Abakola ebibbibibbi tibalyega?
Bamalawo abantu bange ooti muntu akaavuula ekyokulya,
era tibasinza oMusengwa.
5 Neye baliizula entiisya,
olwʼokubba oKibbumba ali aamo nʼabatuukirirye.
6 Abakola ebibbibibbi bakaisya abadoobi okutuukirirya ebibategeka okukola,
neye abadoobi ibo bairukira eeri Musengwa okubakuuma.
7 Nsaba nti oyo eyanunula oIsirairi azwe mu Sayuuni!
OMusengwa oweyaliiryawo eidembe omu bantube,
abʼeibyaire lya Yaakobbo ibo aBaisirairi balijaagaana.