110
EZabbuli ya Dawudi.
OMusengwa asuubiza okabaka obuwanguli
1 OMusengwa yakobere oMusengwa wange ati,
“Otyame ngʼondiraine, oku lubba lwange olwʼengalo endiiro,110:1 Mat 22:44; 26:64; Mat 12:36; 16:19; Luk 20:42-43; 22:69; Bik 2:34-35; 1Ko 15:25; Bef 1:20; Bak 3:1; Beb 1:13; 8:1; 10:12-13
paka owenaligondya abalabebo
ni mbasuuca mukonkolo gwʼokuwuumuliryaku ebigerebyo.”110:1 Mat 22:44; Mak 12:36; Luk 20:42-43; Bik 2:34-35; 1Ko
2 OMusengwa yaligalamya obwakabakabwo okuzwera omu Sayuuni;*110:2 Sayuuni. Linu liina lindi erya, Yerusaalemi.
walifuga abalabebo abakweruguuliriirye.
3 Oku lunaku olwʼokulwanisiryaku abalabebo
amajeego galyewaayo ni gakwegaitaku.
Abavuvukabo baliiza e gyoli,
oku nsozi entukulye okukubbeera, ni bakwiryamu amaani
ngʼolume lwʼamakeezi oweruwolya eitakali.
4 OMusengwa yalayiire era tiyalicuusa
ekiyalayiire ati,
“Oli kabona owʼemirembe nʼemirembe,
okufaananaku nʼoMerikizedeki ngʼoweyabbaire kabona.”110:4 Beb 5:6; 6:20; 7:17,21
5 OMusengwa ali oku lubbaalwo olwʼengaloyo endiiro okukukuuma,
oweyalisunguwala, yalisasaigula abakabaka.
6 Yaliramula amawanga, ekyalo ni kiizula emirambo,
era yalisasaigula abafugi oku kyalo kyonakyona.
7 Neye iye okabaka yalinywa okwiruba eriri oku nzira,
era yaliiramu amaani olwakuwangula abalabebe.