1 ባንችምንከስ ዶቅድን ጎንገንዘን ዶቅስባብታ ምዝ አንንዘን፥ ዋርጎኬ ቡርጎካ ጻፍምሳንዳ ታብዛ ማህተምካ ዝጨርሳንዳ ቁረርሳን ማጻፍ ሰድቴ፥ ሕዝ. 2፡9-10፤ ኢሳ. 29፡11። 2 ዋልቃ ዳቅማ ክታይንች አንድር ኡፍስካ “ማህተምንከስም ቡልተርባብኬ ቁረርሳን ማጻፍን ፎችተርባብ Ꮊይራ?” ጋይሶ ኬዝድንካ ሰድቴ። 3 ኬዛር ማቼ ጭለዘነረ ማታ ፍጨዘን አነረ ፍጨታ ጎያር ቁረርሳን ማጻፍን ፎችኬ ዋርንደትም ሰድንካንታ ማችባብ Ꮊየነረ ካዬ። 4 ቁረርሳን ማጻፍን ፎችኬ ዋርጎክንደትም ሰድንካንታ ማችባብ Ꮊፈራክንካንታ አንድር ኤፍስቴ። 5 ኮታይካ ጋልተንከሳርንካ ዋልቀና “Ꮊይ ኤፌ፥ ይና ይሁደታ ኮችናርንካ ማችባብ ዳዊተታ አጥርያርንካ *ግርክናር ጫጭ ጋይዴ Ꮊድባብ ዞበና ሙደንም ጋምቴ፥ ኖ ቁረርሳን ማፅሀፍንኬ ታብዛ ማህተምንከስም ፎችካንታ ማዴ” እዝደር ጋይሴ። ፍዝ. 49፡9፤ ኢሳ. 11፡1፥10።

6 ኮታ ቡር ባንችምንከስ ዶቅድን ጎንገንዘንኬ ኦይድ ሰንፓ ዶቅድባብ ፍዝርንከስታ ዎክያር፥ ጋልተንከስተረ ዎክያር ባር ተቼርሳን ቆለንም ካምድባብ ዎእስንካ ሰድቴ፥ ክትኮ ቆለንንታ ታብዛ ባልንከስኬ ታብዛ አፍንከስ ክታ Ꮊቄ፥ ከተረ ኮ ፍጫሙደንዘን ኦይትምስባብ ታብዛ ሳብታ አያንንከሰኬ። ኢሳ. 53፡7፤ ዘካ. 4፡10። 7 ኖ ቆለና Ꮊድሶ ባንችምንከስ ዶቅድን ጎንገንዘን ዶቅስባብታ ምዝ አንንዘንካ ቁርምሳን ማጻፍን ተዬ። 8 ቁርምሳን ማጻፍን ይ ተያንደትካ ኦይድ ሰንፔካ ዶቅድን ፍዝርንከስኬ ቦንደኬ ኦይድ ጋልተንከስ ክት ቆለንንታ እሪ ኬታ ይንታ ባለንካ ጉፕን ጋይሰኬ፥ ዋልቃ ዋልቀንከስ ሶንግ የጀኬ፥ ኮትኮግንደረ ሳብካንታ ፋስምስባብከስታ ምክስ ማቻን እጣን ጮጫንዳ ዎርቀካ ኡርሰርሳን ሙዳይ ጋይድንደትም የድሶ Ꮊቄ። የቺ 141፡2። 9 ክላ የቼረ ኩንጋየሮ የችሰኬ፥

11 ኦሰረ እ ሰድንካ ባንችምንከስ ዶቅድን ጎንገንዘን፥ ሰንፔካ ዶቅድን ፍዝርንከስተኬ ጋልተንከስታ ካንተካ በድ ክታይንችንከስታ ኡፍስን ኤሰርሳቴ፥ ኬታ በድምነረ በድ ሳአኬ በድ ፋይድንካ በእዳክባብ Ꮊቀኬ፥ ዳን. 7፡10። 12 አንድር ኡፍስከረ፥