24
Mawari wewiwamete kememɨte'uximayata
1 'Aruni nuiwarimama 'ipaɨ mekateniuyu'uitɨani: 'Aruni niwemama mepɨhɨkɨ Narawi, 'Awihu, 'Eriyatsaxi meta 'Itamaxi.
2 Narawi meta 'Awihu mekaniukwini tɨɨri mekawarayexeiyawawetɨ wapaapa kamɨwekaku 'akuxi, hikɨ 'Eriyatsaxi meta 'Itamaxi xeikɨari mawari wewiwamete mekanakɨne.
3 'Eriyatsaxi nuiwarieya Tsaruki, meta 'Itamaxi nuiwarieya 'Akimereki, mɨkɨ Rawiri meparewiekaku 'aixɨa katiniwaru'uitɨani mawari wewiwamete kehapaɨ memɨte'uximayatakekai. 4 'Eriyatsaxi nuiwarimama wa'ukiyarima memɨyuwaɨkawakai keyuri 'Itamaxi nuiwarimama wa'ukiyarima, 'ipaɨ mekateniwaru'uitɨani: Tamamata heimana 'ataxewi mepɨyupaɨmekai 'Eriyatsaxi nuiwarimama wa'ukiyarima, meta 'Itamaxi nuiwarimama wa'ukiyarima 'atahaika mepɨyupaɨmekai. 5 Yunaitɨ 'inɨarikɨ mekaniupitɨarieni 'uximayatsika, yunaitɨ 'Eriyatsaxi nuiwarimama meta 'Itamaxi nuiwarimama watsata mepanu'ukai 'uximayatsika memakumate tukita mieme meta Kakaɨyaritsɨa mieme. 6 Ti'utɨwame Tsemahiyaxi Natanaheri nu'aya, Rewi nuiwarieya hetsiemieme, mɨkɨ kaniwaraka'utɨani kememɨtetewakai ti'aitame hɨxie meta 'iparewiwamete, mawari wewiwamete Tsaruki meta 'Akimereki 'Awiyataxi nu'aya, mawari wewiwamete nuiwariyari wa'ukiyarima, meta rewitsixi nuiwariyari wa'ukiyarima wahɨxie. 'Eriyatsaxi nuiwarimama hutakɨa mekaniupitɨarieni 'inɨari, peru 'Itamaxi nuiwarimama heiwamieme xeikɨa.
7 'Inɨari matɨari mieme pɨtiunakixɨ Kuyariwi,
hutarieka pɨtiunakixɨ Kerahiyaxi,
8 hairieka pɨtiunakixɨ Karini,
naurieka pɨtiunakixɨ Tsehurini,
9 'auxɨwirieka pɨtiunakixɨ Marikiyaxi,
'ataxewirieka pɨtiunakixɨ Mikamini,
10 'atahutarieka pɨtiunakixɨ Kuhutsi,
'atahairieka pɨtiunakixɨ 'Awiyaxi,
11 'atanaurieka pɨtiunakixɨ Ketsuha,
tamamatarieka pɨtiunakixɨ Tsekaniyaxi,
12 tamamata heimana xewi mieme patɨa 'Eriyatsiwi,
tamamata heimana hutarieka mieme patɨa Yakini,
13 tamamata heimana hairieka mieme patɨa Hupá,
tamamata heimana naurieka mieme patɨa Ketsewa,
14 tamamata heimana 'auxɨwi mieme patɨa Wirika,
tamamata heimana 'ataxewi mieme patɨa 'Imexi,
15 tamamata heimana 'atahuta mieme patɨa Hetsixi,
tamamata heimana 'atahaika mieme patɨa 'Aputsexi,
16 tamamata heimana 'atanauka mieme patɨa Petahiyaxi,
xeitewiyaritsie mieme patɨa 'Etsekieri,
17 xeitewiyari heimana xewitsie mieme patɨa Kakini,
xeitewiyari heimana hutarieka mieme patɨa Kamuri,
18 xeitewiyari heimana hairieka mieme patɨa Rerahiyaxi,
xeitewiyari heimana naurieka mieme patɨa Mahatsiyaxi.
19 Mɨpaɨ mekateniuyu'uitɨani Yawé tukieyata memɨteta'uximayatakɨ, yemekɨ Yawé 'ixaheritsixi takakaɨyari 'Aruni kemɨrahɨawekai, mawari wewiwamete wa'ukiyari.
Rewitsixi memɨyuhayewaxɨ
20 'Ikɨ Rewi nuiwarimama memuyuhayewaxɨ memaka'utɨarie mepɨhɨkɨ:
'Amirani nuiwarimama Tsuwaheri wa'ukiyari patɨa,
Tsuwaheri nuiwarimama Keheriyaxi wa'ukiyari patɨa.
21 Xekawiyaxi nuiwarimama 'Itsiyaxi wa'ukiyari patɨa, mɨkɨ mɨmexɨakametɨkai.
22 'Itsaxi nuiwarimama Tserumuti wa'ukiyari patɨa,
Tserumuti nuiwarimama Yakati wa'ukiyari patɨa.
23 Hewuruni niwemama: mexɨakame Keriyaxi patɨa, hutarieka mieme 'Amariyaxi patɨa, hairieka mieme Kahatsieri patɨa, naurieka mieme Kekamani.
24 'Utsiheri nuiwarimama Mikahiyaxi wa'ukiyari patɨa,
Mikahiyaxi nuiwarimama Tsamixi wa'ukiyari patɨa,
25 'Itsiyaxi Mikahiyaxi pɨ'iwayatɨkai,
'Itsiyaxi nuiwarimama Tsakariyaxi wa'ukiyari patɨa,
26 Merari nuiwarimama Makiri meta Mutsihí wa'ukiyarima mepakɨ,
Wenuhu nuiwarimama Katsiyaxi wa'ukiyari patɨa.
27 Merari nuiwarimama hipatɨta:
Katsiyaxi hetsiemiemete: Wenuhu, Tsukani, Tsakuxi meta 'Iwiri.
28 Makiri hetsiemiemete: 'Eriyatsaxi, mɨkɨ tɨɨri pɨkawarayexei.
29 Kihitsi hetsiemiemete: nu'aya Kerameri.
30 Mutsihí niwemama wahetsiemieme: Makiri, 'Eraxi meta Keremuti.
'Ikɨ mepɨhɨkɨ rewitsixi wanuiwarima wa'ukiyarima kememɨyutipaɨmerixɨ. 31 Yaxeikɨa yu'iwama 'Aruni nuiwarimama wahepaɨ 'inɨarikɨ 'uximayatsika mepupitɨarie ti'aitame Rawiri hɨxie, meta Tsaruki, 'Akimereki meta mawari wewiwamete nuiwariyari wa'ukiyarima meta rewitsixi wa'ukiyarima. 'Amemɨyumate meta yakɨ memɨyumate yaxeikɨa mepɨtepitɨariekai 'uximayatsikakɨ.