1 Yawé mɨpaɨ kanetiniutahɨawe: 2 «Tewi pemunu'aya, Tsehixi hɨriyari hepatsie keneutanieretɨ, hikɨ mɨpaɨ ketineutaxatɨa hepaɨtsitana: 3 Mɨpaɨ ketinaye'eritɨa, Yawé naimekɨmɨyɨwe mɨpaɨ kanaineni:

5 »”Kepauka 'ixaheritsixi 'imatɨrieka tukari maye'akai, kepauka memɨ'uximatɨariekai, 'ekɨ pekaniwarutakwini, meta pewaraye'unietɨ 'apekaniuyeikani yuheyemekɨ. 6 'Ayumieme, yurikɨ ne nekanayeniereni, ne 'axuriya nekanitaxɨrimɨkɨ, ne nepɨkamatsihayewa nematsi'uweiyatɨ. Yawé naimekɨmɨyɨwe mɨpaɨ kanaineni: Xeme xehetsie pɨrahɨiwa teɨteri yuwaɨkawa xemɨwarukwikɨ, peru mɨya xemɨte'uyurikɨ xekanikwikuni. 7 Tsehixi hɨriyari makumawe nepayeitɨani, yunaime nepɨtiwareuyehɨani kemɨ'ane mana muyeikani meta kemɨ'ane mana muyeyani. 8 'Ahɨritetsie mɨkite mepɨhɨpɨneni, naitsarie hɨritsie 'ixiparakɨ memukwi'iwaxɨ mepɨhekɨaka meta mayeweweritsie, metatsiere haa muhapanetsie. 9 Yuheyemekɨ pehakumaweme nepɨmatsihayeitɨani, 'akiekaritetsie kakiepatɨ payani. Hikɨ 'ana mɨpaɨ xepɨtehetimani kename ne, Yawé nehɨkɨ.

10 »”'Ekɨtsɨ mɨpaɨ pekaniutayɨni: ‘Tsepa Yawé mana mɨkiekame, mɨkɨ huta nuiwariyari huta kwieyari nehetsɨa pɨmiemetɨni, ne wakutsiyari nepɨhɨkɨtɨni’. 11 'Ayumieme, ne yurikɨ nemayenierekɨ nekanaineni, 'ahetsie mɨpaɨ nepɨtiyurieni kehepaɨ pereuha'atɨ kepetiwareuhekatɨ pemɨwarutakwi. Yawé mɨpaɨ kanaineni. Kepauka ne nemɨmatikwinitɨani, wahetsɨa nematsiɨkɨme nepaneyeitɨani. 12 Hikɨ 'ana mɨpaɨ pepɨretimani kename ne, Yawé, ne'u'enaxɨ kepemutayɨ 'Ixaheri hɨriyarite hepaɨtsita. 'Ekɨ mɨpaɨ peputayɨ pemɨrayu'iwani hepaɨ: ‘Mepu'uximatɨarie. Hikɨrixɨa nekaniwatikwaimɨkɨ’. 13 Xemɨnetsiha'iwani hepaɨ xeputiyua 'axaxe'utiyuatɨ nehepaɨtsita, nepɨxe'u'eni.

14 »”Yawé naimekɨmɨyɨwe mɨpaɨ kanaineni: Yunaitɨ kwiepa memɨtama memɨyutemamawiekakɨ, ne nepɨxeheuyehɨani. 15 Kehepaɨ xemɨteyutemamawiekai hepaɨ kepauka 'ixaheritsixi wa'imikieri mɨreuyehɨiyatsie, mɨpaɨta ne nepɨtiyukatemawieni 'ahetsiemieme. 'Ekɨ Tsehixi hɨriyari, meta naitɨ 'Erumi kwieyari pakumawere. Mɨpaɨke 'ana xepɨtehetimani kename ne, Yawé nehɨkɨ”.